(( وش قالوا .. عن الحظ ))

[حضاض الحربي]

كثير هم الشعراء الذين تحدثوا عن الحظ من خلال قصائدهم ..
والملاحظ ان مافيه ولا شاعر امتدح حظه ابدا

يقول أحدهم:
ان حظي كدقيق .. فوق شوك نثروه
ثم قالوا لحفاة.. يوم ريح أجمعوه
عظم الامر عليهم .. قلت ياقوم اتركوه
ان من أشقاه ربي .. كيف أنتم تسعدوه

ويقول الامير سعود بن بندريرحمه الله:


حظي رماني بن هذا وذاك= انشهد انه ضرني مانفعني
ولو جبت نجم سهيل من بين الافلاك = قيل ان حظي للكواكب دفعني

ويقول ايضافي قصيده أخرى:



كل مادقيت في قاع وتد= من رداة الحظ قابلني حصاه
ليه يادنيا حبيبي ابتعد = وهل انا قصرت في شي معاه
كنت انا وياه روحين بجسد = مرقده عيني ورموشي غطاه
من قبل عامين معطيني وعد= وللاسف اليوم ينكر ماحكاه


ويقول شاعر أخر:


حظ غيري يمكن أسود بس حظي برتقالي= ويش اسوي بالزمان اللي يقدم لي شماله
كل ماهزيت غصن وقلت ياحلوه تعالي= طاحت الاحلام عندي برتقاله. برتقاله


والمجال مفتوح للي عنده إضافه يتفضل

[صمت الجروح]

أخي الفاضل / حضاض

موضوع شيق بصراحه ورائع لحد اعجابي

واوافقك اخي الكريم في انه لم يوجد شاعر امتدح حظه لماذا؟ ربما لاننا كعرب نموت ونحيا فالحزن ( الحزن

عندنا مزاج ان جاز التعبير )

استلم الاضافه

يقول الشاعر محمد بن مشعاب00

خصومتي والحظ ماهي من اليوم **** اصل الخصومه بين جده وجدي



ويقول الشاعر رشيد الدهام000

ياهو الحظ مايل اوهو الحظ مايل **** مال هالحال عندي غير هالاحتمال



ويقول الشاعر محمد بن فرزان000

يامن تقول ان حظي اليوم طايح **** قلي متى هو قام حتى انه يطيح



والشاعر حاكم البلوي وصف حظه بقوله0000

القلب يشكي من عنا الوقت منضام **** والعين تبكي دمعها من قهرها

وش حيلة اللي نام حظه ولاقام **** يرجي سحابة خير يهطل مطرها




مرزوق الثبيتي اضاف قائلا000

واليا مني بغيت انسى وحظي كن حظي قام *** يدور الوقت وهمومي على قلبي يطلعها




الشاعر بندر بن سرور كانت له هذه الوقفه0000

يامل قلبٍ كل مامات همه **** دارت دواليب الدهر لين تحييه

احد ٍ ينام وحط راسه بكمه **** واحدٍ تخم النوم عينه وتخطيه



اما الشاعر طلال السعيد كان له تعبير بشكل خاص يقول000

ضقنا وضايقنا وضاقت علينا *** ظلما وضباب وظل ظيم وظلايم





لكن الشاعر محمد بن عون ابدع في وصف الحظ بشكل مميز يقول000

ان جاد حظك بالمجالس حكالك **** صّدق مقالك كل من لك يحاكيك

وان بار بك دلاّ يكذب مقالك **** وتصير كذبات الملا كلهن فيك





لي ملاحظه اخي الكريم

بالنسبه لبيت الشعر التالي:

كلما دقيت في ارضٍ وتد *** من رداة الحظ وافتني حصاه

هو للشاعر الكبير بن لعبون وليس للشاعر سعود بن بندر



وحديثنا والحظ طويل يكاد لاينتهي


صمت الجروح

[حضاض الحربي]

شكرا أختي صمت الجروح على مرورك .. وتسجيل أعجابك .. وابدى ملاحظاتك .. وتدوين إضافاتك.

وحول الملاحظه جرت الاحاطه .. شكرا .. وودي اضيف شوي على قصيدة ابن عون حيث يقول:

ان قام حظك باع لك واشترى لك *** وفوايده من كل الابوابك تاتيك
وان باربك دلى يهزل حلالك *** باردا الثمن لزم يبيعك ويشريك
وان قام حظك فالمباني بنى لك ** بيت كبير شامخ الطول يذريك
وان باربك خلاك تنقل عيالك *** من دار لادار ودار تجليك

وطبعا القصيده اطول من ذلك بكثير .
ولازال المجال مفتوح للأضافات .. شكرا صمت الجروح .

[احمد الخالدي]

حضاض ...

من ناحية حظي بقول هالبيت...

ياحظي اللي مابعد يوم وقفت
وش خانتك ياحظ مادمت بالقاع

وحظ شاب اعرفه...

خاصه بالوظايف ...ام الف وثمان...

راتب يصرف في يومين؟؟؟

كرف ليل نهار ... شهر كامل رايح جاي وتأشيره....والراتب يروح بيومين...

والله خوش تقدير ياأصحاب الشركات....

ربما نسوا او تناسوا حديث الرسول(ص)

اعط الأجير أجره قبل أن يجف عرقه....

هل الف وثمان والف وخمس مقابل شهر من العمل.....

وحتى ثلاثة الاف في زمن ماان تذهب للسوق الا وتصرف الف او سبع ميه

سالفة السعوده وحظ الشباب العاثر...انتظروها في سوالف شعبيه

تقبلوا تحياتي