طلال بن نايف
12-07-2006, 12:53 AM
هنا يا حادي العيس ..وكفا ..لا عاد تحدالي
وصلنا دارنا لا عاد تنهمها وتعضاهـــــــــا
ليا وخرت عنك (السيل) خل السير زرفال ِ
هنا قومٍ على طاري وعدها تحسب خطاهـا
تعرف ركابنا لاحة في مقفاها والاقبـــــــال ِ
وتسرف في حراها مالها قدام تلقاهــــــــــا
عوانيانا هذيل اللي ليا ثار اشهب اللالـــي
بيارقهم تجي في ردفنا لو ما دعيناهـــــــا
رجال..استغفر الله .طفلهم لوهو في الاكفال ِ
وقلت:هذيل اظنه قال:سعدك يوم تنخاهــــا
هنا ..وانحر ركايبنا ..انا اعرف وين منزالي
ليا منك وصلت هذيل حدك لا تعداهـــــــــا
ويحادي العيس لا تندم ترانا في نبا غالـــي
كريمٍ ولّم الدلـــــــــة لنا قدام ملفــــاهــــــا
ويكن الدلة اللي جاتني..والله ما اغالـــــي
بعض ترتيل(ابن مسعود)*مازجها على ماها
وأنا النشوان من فنجالها ..ولا كني لحالي
يكن افضل صحابة مصغية عندي توحّاهـا
وياكن(جياد) في الفنجال و(الشعب) يترايالي
واطوف البيت ريحة زعفرانه واتغشاهــــــا
ويكني أوحيت جدي في هذاك المرقب العالي
يناديني(ضحى يحمد ملول القوم مسراهــــــا)
ويكن الجادل اللي شالها خبته بعزالــــــــــي
ملحفها طرف محرود كمي واتحلاهـــــــــــا
يا مشهور انت وش سويت ؟! فنجالك تهيالي
سرى بعروق دمي والمعاليق وتمثناهـــــــــا
لك يميني شداد ولك بلاد براحة شمالـــــــي
ولا هو كيفنا حتى نروح ونطوي رشاهـــــا
يعدون النجوم جدودنا بحساب جمّالـــــــــي
ليا اقفا (الخامس )*يقولون:جم البير يملاهــــــا
وانا اقلك: بعدها لج بالبيشان للخالـــــــــي
وتحراها يابو واصل تحراها تحرّاهـــــــــا
*الصحابي الجليل عبدالله ابن مسعود
*الخامس:نجم اذا طلع يشتد الحر حتى تقول البادية( الابل تباكى من طلوع الخامس ..الليل ومد والنهار شامس)
وصلنا دارنا لا عاد تنهمها وتعضاهـــــــــا
ليا وخرت عنك (السيل) خل السير زرفال ِ
هنا قومٍ على طاري وعدها تحسب خطاهـا
تعرف ركابنا لاحة في مقفاها والاقبـــــــال ِ
وتسرف في حراها مالها قدام تلقاهــــــــــا
عوانيانا هذيل اللي ليا ثار اشهب اللالـــي
بيارقهم تجي في ردفنا لو ما دعيناهـــــــا
رجال..استغفر الله .طفلهم لوهو في الاكفال ِ
وقلت:هذيل اظنه قال:سعدك يوم تنخاهــــا
هنا ..وانحر ركايبنا ..انا اعرف وين منزالي
ليا منك وصلت هذيل حدك لا تعداهـــــــــا
ويحادي العيس لا تندم ترانا في نبا غالـــي
كريمٍ ولّم الدلـــــــــة لنا قدام ملفــــاهــــــا
ويكن الدلة اللي جاتني..والله ما اغالـــــي
بعض ترتيل(ابن مسعود)*مازجها على ماها
وأنا النشوان من فنجالها ..ولا كني لحالي
يكن افضل صحابة مصغية عندي توحّاهـا
وياكن(جياد) في الفنجال و(الشعب) يترايالي
واطوف البيت ريحة زعفرانه واتغشاهــــــا
ويكني أوحيت جدي في هذاك المرقب العالي
يناديني(ضحى يحمد ملول القوم مسراهــــــا)
ويكن الجادل اللي شالها خبته بعزالــــــــــي
ملحفها طرف محرود كمي واتحلاهـــــــــــا
يا مشهور انت وش سويت ؟! فنجالك تهيالي
سرى بعروق دمي والمعاليق وتمثناهـــــــــا
لك يميني شداد ولك بلاد براحة شمالـــــــي
ولا هو كيفنا حتى نروح ونطوي رشاهـــــا
يعدون النجوم جدودنا بحساب جمّالـــــــــي
ليا اقفا (الخامس )*يقولون:جم البير يملاهــــــا
وانا اقلك: بعدها لج بالبيشان للخالـــــــــي
وتحراها يابو واصل تحراها تحرّاهـــــــــا
*الصحابي الجليل عبدالله ابن مسعود
*الخامس:نجم اذا طلع يشتد الحر حتى تقول البادية( الابل تباكى من طلوع الخامس ..الليل ومد والنهار شامس)