ثوب الشرف

[ناصر العتيبي]

ياللي غلاه بداخلي زود حروق
=دوبك على قلبي ترى القلب حساس

جيتك واحاسيس الوله تجرح الشوق
= كلي أمل في نظرتك اقطع الياس

جيت ولقيت العطف واللين والذوق
=وصدق المشاعر في عيونك بلاقياس

يابنت للشاعر مشاعر وطاروق
=كتبتها لك في جفوني وكراس

يابنت ليام الغلا فيني عذوق
=تنبت رطب في داخلي ويقطع الفاس

يابنت مقدارك على الناس من فوق
=وعمر الذهب ماخالطه طين ونحاس

ولاصار في ثوب الشرف حرق وشقوق
= ماينتهي جرحك وسط زحمة الناس

انا بدوي يابنت وتلحقني حقوق
= ولعزتي يابنت يجذبني الساس

والموقف اللي زينه خطو غرنوق
=تذبل وروده في دجا الليل لنداس

وفي قلب كل انسان لابد مخلوق
=ماتكشفه كود الليالي والاجراس

يابنت لا صرتي على رغبة السوق
=اموت فاعماقي ولا ينحني الرأس

[الكاتب]

ما اقولك الا صح لسانك

يالعتيبي

[سعود السالم]

الاخ / ناصر العتيبي

يعطيك العافية قصيدة جميلة تقبل تحياتي

[سعود]

صح السانك


ويعطيك العافيه

[حمود الصهيبي]

ناصر العتيبي


صح لسانك