المساعد الشخصي الرقمي

مشاهدة النسخة كاملة : الى احباب ديمه .. أتمنى المشاركه من الجميع !!!

عادل بن تركي الهذلي
27-09-2002, 03:23 PM
هذه عباره عن عدد من الاسئله أتمنى الجواب من الجميع :

1- مدينتك المفضله في السعوديه :
2- الدوله التى تتمنى السفر لها :
3- النادي المفضــل بالنسبه لك :
4- إهتماماتك ( الهواية ) :
5- منتداك المفضل على الانترنت :
6- أجمل موقع تراه في الانترنت :
7- من تعجبك مشاركاته في ديمه :
8- أجمل قسم تراه في منتدى ديمه:
9- أجمل شاعر في منتدى ديمه :
10- أجمل شاعره في منتدى ديمة:
11- شاعرك المفضل في حياتك :
12- أجمل بيت شعر في تصورك :
13-أجمل لحظه مرت عليك :
14- أمنيتك التي تتمناها دائماً :
15- موقف محرج مر عليك :

أتمنى من الجميع التكرم والمشاركه , ولكم أرق وأجمل تحيه من محبكم النشمي
حضاض الحربي
27-09-2002, 03:37 PM
اخوي النشمي الفكره جميله . بس لو اختصرت جميع الاسئله في سؤالين او ثلاثه لكان افضل .
وفي القريب العااااااااااجل انتظر اجابتي . شكرا لك أخي
احمد الخالدي
28-09-2002, 01:31 AM
1- مدينتك المفضله في السعوديه :
الخبر...

2- الدوله التى تتمنى السفر لها :

اي دوله بارده...متنا من الحر

3- النادي المفضــل بالنسبه لك :

مافيه

4- إهتماماتك ( الهواية ) :

السباحه...

5- منتداك المفضل على الانترنت :

المرابع....والان ديمه....ونجد

6- أجمل موقع تراه في الانترنت :

اي موقع جاد....

7- من تعجبك مشاركاته في ديمه :

كل الشباب فيهم بركه...

8- أجمل قسم تراه في منتدى ديمه:
سوالف والشعر...

9- أجمل شاعر في منتدى ديمه :

كلهم...

10- أجمل شاعره في منتدى ديمة:

كلهن..

11- شاعرك المفضل في حياتك :

بدر بن عبد المحسن...


12- أجمل بيت شعر في تصورك :

اي بيت يحوي قصه



13-أجمل لحظه مرت عليك :

ولادة عمر الخالدي.......

14- أمنيتك التي تتمناها دائماً :

ان لايحمل على احد حقداً.....


15- موقف محرج مر عليك

:D

النشمي....افكارك رائعه وهذه بمثابة مقابلات مع الأعضاء......

احببت تحميسكم....

لكم ودي
عادل بن تركي الهذلي
28-09-2002, 03:28 PM
حضاض / شكراً لأطلاعك على الموضوع , ولكن مالك اي عذر في عدم المشاركه.

أحمد الخالدي / هذا من حسن ذوقك يالغالي وياليت المشاركات تكون من الاعضاء ومنكم انتم أخواني المشرفين لتحفزون الجميع .
انتظر مشاركاتك أخوي أحمد
تحياتي لك
النشمي
al3na
29-09-2002, 05:43 PM
اخوي النشمي فكره مرررررررررره حلوه لكن انتظر المشاركه انشاء الله

اخوك/ مشتاق لها
عادل بن تركي الهذلي
29-09-2002, 09:45 PM
أخواني أرى الكل منكم يمر على الموضوع مرور الكرام
لم أجد منكم مشارك, فقط ! ثنائكم وأعجابكم بالموضوع
أتمنى المشاركه بدون مقدمات
لكم تحيات محبكم:
النشمي
عازف
30-09-2002, 02:02 PM
ايه والله انا معاك اخوي النشمي يعني انا اشوف لو تجاوبو افضل والسؤال الي ما يناسبكم او فيه احراج اتركوه وجاوبو على اي سؤال اخر
وهذه اجاباتي بين ايديكم:
مدينتي المفضله: ام الرخى والشده جده
مدينة اتمنى السفر لها:امستردام
النادي المفضل: اهلي اهلي اهلي
الهوايات: كثيرررررررره اموت في السباحه.
المنتديات المفضله:اعشق ثلاثة منتديات واولها ديمة.
اجمل موقع : من حيث الجمال يعني الشكل واللة كثير مواقع اعجبتني اما من حيث المضمون الياهو،والردادي،وبوابة العرب،والكلاسي فايد الانقليزي.
افضل مشاركات في ديمة:تعجبني مشاركات كثير ومن اهمها مداخلات حنية عبد العزيز،ومواضيع شوق الليالي،وافكار ومواضيع قمة عشق....ويعجبني عزيزالنفس والنرجسي والنشمي والخالدي وراكان (الا وينو راكان ما اشوفه):)
اجمل قسم في ديمة:للاسف الجرافكس.
اجمل شاعر في ديمة:مروري على قسم الشعر قليل جدا لذا ربما اكون مجحفا لو اخترت احد الان.
اجمل شاعرة في ديمة: مدري والله ما شفتهن:)( لالالا نفس الاجابه السابقه)
الشاعر المفضل:دايم السيف-عبد الرحمن بن مساعد.
اجمل بيت شعر:الا مني نسيت الهم ساعة....
اجمل لحظه مرت علي: لحظات الجمال كثير وجمالها يكمن في انها تمر سريعة ،ولذلك اجمل لحظات عمري حينما استرجع ذكرياتي الجميله.
الامنيه:وما نيل المطالب....بس ابقول شيء اتمنى اشوف ديمة فوق فوق فوق.
موقف محرج:ترى انا اكثر واحد يمر عليه مواقف محرجه يمكن لطبيعة تركيبتي ،وعن جد انا شوي يقولون عني مصفوق وتلقاني اخش خشات مال امها داعي ،بس احرج موقف مر علي قريب لمن تقابلت مع الصهيبي على الماسينجر وكان النك نيم تبعه(ديمة) وجلست اتكلم معاه على انه بنت:) ههههههه
هذا كل ما عندي وتراك تعبتني يا خووووووووووووي خف علينا شوي هههههه امزح ،واشكرك اخوي موضوعك رهيييييييييييييب وياليت الناس تشارك هنا لان هاالموضوع انا اعتبره تقديم بطاقه شخصيه عن اعضاء ديمه.
عادل بن تركي الهذلي
01-10-2002, 02:45 AM
أخوي عازف
رائع ومشاركات إيجابيه ورائعه
أتمنى المشاركه من البقيه
تحياتي
النشمي
المسكت
05-10-2002, 02:32 AM
مشكور اخووووي وماقصرت


.................................................. ..........

1- مدينتك المفضله في السعوديه :
الطائف

2- الدوله التى تتمنى السفر لها :
ماليزيا


3- النادي المفضــل بالنسبه لك :

الهلال

4- إهتماماتك ( الهواية ) :

القراءه

5- منتداك المفضل على الانترنت :

سري للغايه

6- أجمل موقع تراه في الانترنت :
موقع الثقافه والا دب

7- من تعجبك مشاركاته في ديمه :

كلهم ولا احلى

8- أجمل قسم تراه في منتدى ديمه:
سوالف والشعر...

9- أجمل شاعر في منتدى ديمه :

كلهم...

10- أجمل شاعره في منتدى ديمة:

كلهن..

11- شاعرك المفضل في حياتك :

نزار قباني


12- أجمل بيت شعر في تصورك :

الذ من قطراً بنقراً تحت غار ........ لقاه من لا في صميله قطاره



13-أجمل لحظه مرت عليك :

كل الشعب العربي يعرفها

14- أمنيتك التي تتمناها دائماً :

ان لايقبل دعاء صمت

15- موقف محرج مر عليك

؟؟؟؟؟؟؟؟؟؟؟؟
تحياتي لنشمي
الشقيان
05-10-2002, 01:07 PM
1- مدينتك المفضله في السعوديه : ***** الخبر *****
2- الدوله التى تتمنى السفر لها : ****** ودي اروح لجزر الكاريبي *****
3- النادي المفضــل بالنسبه لك : ****** الهلال ********
4- إهتماماتك ( الهواية ) : *********** ركوب الدباب *********
5- منتداك المفضل على الانترنت : ****** ديمة وبس ********
6- أجمل موقع تراه في الانترنت : ****** أكثرهن مقفلات أنا قصدي موقع النداء ****** :p
7- من تعجبك مشاركاته في ديمه : **** فيه غيرها حنية عبدالعزيز وعازف لك عليه شوي وأحمدالخالدي*****
8- أجمل قسم تراه في منتدى ديمه: ***** قسم الحتسي او السوالف *******
9- أجمل شاعر في منتدى ديمه : ********* رواف الرسلاني *********
10- أجمل شاعره في منتدى ديمة: ******* حنية عبدالعزيز ********* :p
11- شاعرك المفضل في حياتك : ******** الشقيان **********
12- أجمل بيت شعر في تصورك : ********* البيت اللي حاطه توقيع لي ***********
13-أجمل لحظه مرت عليك : ********* أيام فصل الربيع ******************
14- أمنيتك التي تتمناها دائماً : ********** أجد من يفهمني في هذه الدنيا ويقف الى جانبي *********
15- موقف محرج مر عليك :******* كنا طالعين مع شباب وطالبين عشاء عشان نسهر فجاء المطعم وحلفت محد يحاسب الا أنا قام ونقز واحد ثاني اللي هو الضيف وقال أنا اللي يحاسب صرت أدفه وأبعده وهو يدفني ويبعدني.. حطيت يدي في مخباتي أبي اطلع البوك عشان أحاسب بس ناظرت على الارض الا هذا البوك طايح مديت يدي واخذتها بينما يدي الثانية مازالت تدف الرجال لايحاسب... فتحت البوك او المحفظه وأخذت منها المبلغ وحاسبت وقلت ياخي وشفيك انت بس تقامز أنا حالف انا اللي ادفع..... يوم أخذنا العشاء وأسلم بالأمر الواقع جلسنا وأطالع المحفظة اللي بيدي وإلا مهي محفظتي وأثريها محفظة الرجال طاحت من المدافف وقعدت أضحك حاولت ارجع له الفلوس بس بغى يقوم يلزخني وسكت وأكلنا بعد ما فطسنا من الضحك **********

الشقيان
مصاصةالدماء
05-10-2002, 04:55 PM
اخوي النشمي
اسئلتك طويله بس سهله

- مدينتك المفضله في السعوديه : السعوديه كلها
2- الدوله التى تتمنى السفر لها : فلسطين
3- النادي المفضــل بالنسبه لك : النصر
4- إهتماماتك ( الهواية ) : القراءه و الكتابه
5- منتداك المفضل على الانترنت : مصافيق- جلسات دبي
6- أجمل موقع تراه في الانترنت : الفيلسوف
7- من تعجبك مشاركاته في ديمه : النرجسي -الخالدي
8- أجمل قسم تراه في منتدى ديمه: السوالف
9- أجمل شاعر في منتدى ديمه : قايل هالابيات

أداوي أقدر يوم أني أقدر أداوي واليوم ما عادلي صبرٍ على الزله

لاتحسبنك عشيري وأنت ما تاوي تبيني أصبر على هالحال لا والله

طبعا رواف الرسلاني

10- أجمل شاعره في منتدى ديمة: ؟؟؟؟


11- شاعرك المفضل في حياتك : ابراهيم ناجي
12- أجمل بيت شعر في تصورك : دع الايام تفعل ما تشاء وطب نفسا اذا حكم القضاء
13-أجمل لحظه مرت عليك : ولله الحمد كثيره
14- أمنيتك التي تتمناها دائماً : الستر والعافيه و لايشمت احد فيني انشاء الله
15- موقف محرج مر عليك : وانا راجعتن من المدرسه طحت وانا انزل من الاتوبيس يعني من اول عتبه الى الشارع مثل الكوره بس الوكاد اني ما حسيت بالوجع الا يوما دخلت البيت و ما شفت احدا من شباب الحاره شافني وانا اللي شايلتن خشتي عليهم
عادل بن تركي الهذلي
05-10-2002, 09:42 PM
اخوي المسكت
شكراً على تجاوبك ومشاركتك لهذا الموضوع
لك أجمل تحيه من اخوك
النشمي
عادل بن تركي الهذلي
05-10-2002, 09:47 PM
أخوي الشقيان
شكراً على مشاركتك ,,,,,,,,,,,, بس فيه ملاحضه عليك
اللي أنا اعرفه بالمنتدى ان حنيه عبدالعزيز ماهي شاعره ولا كتبت اي قصيده لها في المنتدى
انت وراك شايل على حنيه ووكأنها معقدتك في شئ
تراها زميلتي في الاشراف ,,,,,,, أنتبه !!!!
لك تحياتي يالغالي
اخوك النشمي
عادل بن تركي الهذلي
05-10-2002, 09:51 PM
مصاصة الدماء
شكراً لتجاوبك ومناقشتك لهذه الاسئله ,,,,,,,,,,
لك تحياتي
النشمي
الشقيان
05-10-2002, 10:23 PM
مشكور أخوي النشمي على التحذير...

بس مادريت والله

بالنسبة لحنية هي تعرف تعقد شئ بالعكس ماليه علينا المنتدى بمشاركاتها واشرافها حيث انه محد يقدر يفتح فمه عشان يخاف تسجل اساميهم وتعطيه الصهيبي وبعدين يجلده ويفصله من المنتدى

أخوك الشقيان
عادل بن تركي الهذلي
05-10-2002, 10:35 PM
هذي عند حنيه والله ياخوفي أنها تجلدك هي ماهو حمود .
بس على فكره لي فتره ما اشوفها بالمنتدى عسى خير
الشقيان
05-10-2002, 10:44 PM
هههههههههههههههههه

النشمي والله حنية حقت مشاجرات بعد وانا وعازف مسوين فيها ذيابه:p

بس والله اخوي النشمي مدري عنها حتى انا ماشفتها من فترة... يمكن زحمة البيت وغسيل الصحون

والله مدري بس انشاء الله تجي وتطمنا

النشمي ترى انا بالمزح من جنبها بس كل شئ اقوله مزح اخوي لاتزعلون مني

اخوكم/ الشقيان
حنيةعبدالعزيز
06-10-2002, 10:17 AM
النشـــمـــي

موجوده بس ما عندي فرصه اخش النت

بنت اخوي فاتحه النت علي باربي طول اليوم

و بصراحه عجبتني اللعبه بس لا تقول للشقيان و عازف
حنيةعبدالعزيز
06-10-2002, 10:35 AM
الشقيان

لازم تفضحني عند الناس و تعلمهم اني اكبر شاعره
بس ايش رايك باخر قصيده رسلتها لك

ادري روعه

و لو انزلها بيغير حمود و حجاب و اللهقاوي و الشعراء بيعتزلون

حرام لالا ما راح انزلها

الشقيان

ايش شايفني العريفه (لا ملازم) في الصف قصدي المنتدي

الحين يزعل عزيز النفس و النرجسي هذي مهمتهم

انا الدبوس بس

حدي اعلم عازف و الخالدي
حنيةعبدالعزيز
06-10-2002, 10:41 AM
الشقيان

نسيت اقولك

انا ما ازعل من احد

مثل ما تحب لنفسك حب لغيرك

انا امزح مع العالم كلهم و انشاء الله ما احد يزعل علي

انا ثرثاره بس قلبي ابيض و مضيعني بطيبته (دعايه استخدم تايد)
الشقيان
06-10-2002, 11:27 AM
مشكوره حنية

إنشاء الله مافيه زعل... وبعدين أنا من شفت أمي جابتني وأنا صغير وشحليل خلاقيني عرفت وبصمت بالعشرة إني ثرثار إذا كبرت (مشوها لاتدققون وخاصة مصاصة الدماء مدرسة الإملاء):p

أنا أكثر شئ يريحني في هالمنتدى إني معتبرة مثل بيتنا واللي فيه مثل أخواني عشان كذا ماخذ راحتي وأتمشى بصروال السنة والفانيلة بعد.. (عادي واحد في بيته)

وأتوجه بالشكر والإمتنان للأخ الصهيبي والنشمي وباقي المشرفين عشانهم الى الحين متحمليني:(

أخوكم الشقيان
الشقيان
06-10-2002, 11:41 AM
صح نسيت لا اقولك حنية

قصيدتك الأخيره اللي ارسلتيها لي حلوه بس مهي موزونه يعني يبي لها شد شوي والخامس لازم يجاوب للثاني مرصود ( طبعا هذي شغلات عود وش عرفكم انتم ;) )

وفيه بيت خلاني ابكي وهو يوم انك تذكرين اسمي وتقولين

لو شفتني يالشقيان يوم اني بكيت *** وشقيت ثوبي من هول اللي يجيني
مادريت بعذاب المحبـــــة مادريت *** الا يوم لمست الدمعه مــــن عيني
هذا انا وياك وبســـدي حكيـــــــت *** وإن كتمت ياعين إنتي تفضحينــي

هذي هي الابيات اللي حطت الشقيان امام الامر الواقع وخلته بدل ماهو ظهير ايمن يلعب حارس.. وحاستني حوس....
فرديت على هالابيات نثريا عشاني من جنبها بالشعر وقلت عادي ياحنية ماكووووول مايلمع ذهبن ( والله لو حافظ غيره لاقول بس :confused: ).. وبعدها حنية ارتاحت وسمعت كلامي (لعنبو ابليسي وش هالكلام اللي ينفهم عشان تاخذه حنية)

أخوكم/ الشقيان
عادل بن تركي الهذلي
06-10-2002, 06:05 PM
الشقيان
والله لو مدري وش تسوي فيني ما اعرف شئ اسمه الزعل أظل احب ديمه واحب من فيها ويدفعني الشوق اليها كل لحظه من اللحظات والله على ما اقول شهيد .
لك تحياتي
عادل بن تركي الهذلي
06-10-2002, 06:08 PM
حنيه عبدالعزيز
الحمدلله على السلامه
وش هذه الابيات الجميله ,, طيب ياحنيه ترسلين للشقيان من وراي
انا زميلك في الاشراف وفي المنتدى ككل ولا ترسلين لي قصيده , شغلك عندي ياحنيه
تراي ابي اسوي فيك قصيدة هجاء إذا ما ارسلتي علي قصيده وانشاء الله تعجبني وارشحك للأمسيه الاسبوع القادم .
لك تحياتي
النشمي
حنيةعبدالعزيز
07-10-2002, 12:50 AM
النشـــمـــي

لا تصدق الشقيان يمزح

انا وين والشعر وين

انا ثرثاره بس