الحواس الخـــــــــــمس

[فهاد الشمري]

الأخوة في ديمة الشعر :

أعتذر عن تأخري عليكم

وأعود بهذه القصيدة التي اتمنى ان ترتقي لذائقتكم

وتغفر لي تأخري عنكم



ياهل الفزعات بعض الحمل كايد = والزمن ماله مع الطيب حميه
باشتكي لليل من كبر الشدايد = والمصايب حيل في صدري قويه
هالحياة اليوم مالي به فوايد = لعنبو هالعمر مايرحم خويه
صرت انا للهم والهوجاس قايد = لامتى والنفس بالنار أجنبيه
افتخر بالطيب وسلوم وعوايد = والحواس الخمس عندي شمريه
لكن الدنيا تورينا النكايد = كل يوم عندها تسعين نيه
لو وصفت الحال لبسته قلايد = من شقا وقت ظروفه داخليه
العمر محدود ماذكر له زوايد = الله أعلم لامتى والنفس حيه
الشموخ بضامري يالليل شايد = لعنبو من كان نيتهم رديه
عزتي بالنفس ليا وقت اللحايد = يالله انك تجعل الروح معفيه
لاجل مر الوقت صادقت القصايد = انشد الاشعار تنبيك بخفيه



فهاد بن محمد الشمري

[حجاب طايع]

لعن ابو من كان نيتهم رديه

انا اشهد انك كتبت الي في خاطري

سلمت يافهاد سلمت

[بندر السميري]

فهاد الشمري



عوداً حميداً


كتبت فأجدت بهذه القصيدة الرائعه


تحياتي لك.....

[المهتوي]

فهاد :

ليت كل من غاب رجع بمثل مارجعت ..

عدت بقصيدة قل ان يكتب مثلها ..

كتبت فأبدعت ..

والحواس الخمس عندي شمرية

تكفيك هذه الحواس عن ماسواها ..


واسلم لأخيك المهتوي .