هذا اللي صار للبنات في مجمع العقارية بالعليا بالرياض..!!

[الحائر]

هذا اللي صار للبنات في مجمع العقارية بالعليا بالرياض..!!


موقف اتمنا ماشوفه مره ثانيه هذا الموقف من سنتين وانا احاول انساه لكن كل ما اشوف جمس الهيئه اذكره واقول في نفسي وينكم عن اللي صار .في العقاريه المهم مالكم باطوالها وهذه القصة بكل مافيها من حقائق شفتها بعيني ..
تبداء القصة عندما كنت في زيارة للرياض ورحت انا ولد عمي لمجمع العقارية اللي بالعلياء نتسوق وناخذ بعض الهدايا المهم بعد ماخلصنا نزلنا للمواقف اللي امام المبني لان سيارتنا فيها تفاجانا بالزحمه في المواقف والسيارات الكشخة بجميع انواعها زاحمة الموقف وساده المخرج
وفيه سياره غمارتين بسواق في منتصف الموكب تهتز من الشباب اللي طالعين يطامرون عليها ويحاولون يفكون ابوابها وسمعنا اصوات حريم يبكن ويصرخن جاي من الوانيت تقدمنا علي رجولنا شوي يم السياره وشفنا البنات محجوزات هن وسيارتهن الغمارتين والشباب فكو البيبان وهات تبويس بالقوه وتعريه لملابسهن وتلميس والي يكلم واللي يلمس الصدر والي ماسك الرجلين المهم ماخلومكان فيهن الا وفحصوه .. !! .. والبنات يبكن من القهر ومن الفضيحه وماحد سامعهن وياعين على السواق المسكين الهندي خايف علي نفسه وماسك الطاره ينتظر فرج الله وماهومصدق انه في السعوديه ..
والحقيقه انا وبن عمي حسينا بالقهر لكن وش نسوي والعين بصيره واليد قصيره فالسيارات اللي في الموكب علي البنيات المساكين كانت اكثر من20 سياره والشباب اكثر المهم صمم ولد عمي الا نساعدهم وقال انا اعرف وش يبون يسون عليهم بعد مايطلعون من المواقف اكيد بيلحقونهم ويسون موكب عليهم وماهم فاكينهم لكن لازم نقطع طريقهم قلت هذولي كثير ويمكن اسببولنا مشاكل وكلها سيارات كشخه والله يستر ..
المهم وقفنا بسيارتنا علي باب المواقف وخلينا السواق يطلع بالغمارتين معه البنات وقلناله روح لاقرب قسم شرطه وبلغ ولعشان يضيع الشباب ومايلحقونه سدينا البوابه بالسياره لين ضمنا مايلحقونه والشباب يسبون ويلعنون ويضربون علينا بواري قلت لولد عمي الله يستر قال ماعليك منهم هذولي الي تشوفهم كلهم جبنا واوريك الحين المهم فكينا لهم الطريق ولبقنا جنب الباب وفعلا ولاواحد قدر ياقف لنا او يتكلم من االشباب ..
وراحو بيلحقون البنات .. قلت لولد عمي فعلا ..هذولي كلاب بشريه تنبح لكن متدور غير الحم البشري ..

وهذي القصة الحقيقية بكل ما فيها وليس من سمع كمن شاهد ارويها لكي نعي مسؤلياتنا تجاه شبابنا وبناتنا فقد حدث هذا اليوم .. والله اعلم بما يحدث غدا ..

اخوكم …………………….الحائر



منقول من الاميل.....

[عادل بن تركي الهذلي]

قصه لا أصدقها يا اخي حقيقة , وهنا عندنا بالسعوديه !
بعدين اي موقف يكون فيه حراسة أمن وهذا شئ معروف ........
وكيف هذا الموقف ما كان فيه رجال من أهل الفكر والعقل يرون ويمنعون ماحصل....
وبعدين انتم حين وقفتوا على الباب كان بأمكان اي واحد ينزل ويقول وراكم موقفين السير .... ويحصل بينكم الكثير من الكلام .....
وايضاً أنتم لماذا لم تتصلوا بالشرطه أو أخبار رجل من رجال الشرطه بداخل السوق لأن السوق لا يخلو عن رجل شرطي واحد على الاقل ............
وإذا كانت صحيحه والله أن أهل البنات يستاهلون لماذا يتركون بناتهم مع السواقين وكل دقه بتعليمه .

أخوك النشمي

[سعود السالم]

اصبت الصواب يانشمي ماعندي اي اظافة علي موضوعك0000000000يعطيك العافية الحائر

[نـــــــــــوف]

قصه غريبه
ما اقدر اصدقها لأن مو معقول ان يكون مكان عام ومافي رجل أمن

واكيد في سبب على هذا التجمع حول سياره اللي فيها الحريم

وعلى العموم مشكور اخوي الحائر

[سعود]

غرررررررررررررررررررررررررررريب؟؟؟؟؟؟؟؟؟؟؟؟؟؟

اذاكان حصل فعلا والله مصيبه

[عادل بن تركي الهذلي]

أخوي الحائر
أتمنى منك متابعة هذا الموضوع ومتابعة الردود لنناقش هذا الموضوع جميعاً وهو مهم جداً
تحياتي
النشمي

[الشقيان]

نعم أخواني ومشكور النشمي على التوضيح

وبعدين لو صارت هوشه أجتمعت الشرطة وتلت الناس وشلون مثل هذا الكلام يالحاير

بس والله تمنيت اني موجود ذيك الحزه... بجلد كل هالناس اللي متلقفين على هالبنات وأخليهم مرة ثانية يتوبون.... بس حظهم إني مو موجود


أخوك/ الشقيان

[أميـــر القلم]

السلام عليكم ورحمة الله وبركاته


الاستاذ الفاضل / الحائر


اخوانى اخواتى الحائر يكتب قصة ويقول انها غير منقولة بل شاهدها بعينة . وحلف على ذلك .

ومن حلف لكم بالله فصدقوه .

المهم : حتى لو كانت هذه القصة واقعية وهذا مؤسف بالطبع ليس لكون القصة وقعت بالسعودية لا جميع المدن بالعالم معرضه لمثل هذه المواقف الفرديه لا الجماعية .

وهناك الصالح والطالح . وكلهما لا يجمع الاخر .


ونحن لا نقول بمثل هذه المواقف سوى الله يهدى شباب المسلمين الى ما يحب ويرضى . ويهدى بناتنا .


ويحمى بلاد المسلمين كافة من هولاء . اللهم أمين


هذا ولكم جزيل الشكر .

[الرسام1960]

السلااام عليكم ورحمة الله وبركاته:-
انا ردي مو على الحاير ولا هو قصور فيه ،ابي ارد على اللي يتطاولون بالكلام اللي ماله لزوم .
اول شي انت يا النشمي وانت يا الشقيان مشرفين وناس لكم وزنكم والكلام اللي تقولون لازم يكون موزون ، يعني غلطة الشاطر بعشره .
وبعدين ياالشقيان الصراحه تزعل ، وانا جايكم بالكلام ،بس اسلوبك بالرد على الحاير ، ماهو اسلوب واحد مشرف ولا متعلم ، وتستهزء بسالفة الرجال هذا هو العيب وانا اخوك ، ماحد طلب منك تصدق ولا ترجاك ، وتقول الشرطه وينهم والامن وينه ، انا اقولك، نايمين!!! والله مادروا لا عنك ولا عن العقاريه بكبرها ، انا طلعت لمحل بعقارية العليا من خمس سنوات تقريبا اسمه الشاذلي للألكترونيات ، وصفت السياره بالمواقف اللي تحت ( البد روم )،ربع ساعه تقريبا ورجعت لقيت القزاز مكسور والمسجل رايح بس مكانه ، وين الامن ؟ وطلعت ابلغ مالقيت ولا عسكري ولا سيكورتي ، انقهرت بس وش اسوي اضيع وقتي مع ناس لا تحل ولا تربط مشيت ودفعتها من جيبي ياشيخ ،شف الصفاة اللي بالرياض كل فتره قصاص مضاربة شباب واحد يطعن الثاني وينحكم قصاص وين الشرطه عنهم، بس الموضوع انت ماعندك سالفه ، وارجوا ان لاتزعل مني بس هذي الحقيقه.
وانت يا سعود سال.......الخ . خاف النشمي صوب على طير وصابه ، مو يكذب سالفة رجال جزاه انه شارك معانا ، ولا تبي تسبه وتسب اللي وراه عشانه شارك بالمنتدى ، ترى لا النشمي ولا الحاير طلبو رايك ولا درو عنك ، بس ودك الرجال يحفظ لسانه ، ولا يتكلم الا اذا سئلوه الرجاجيل ويقول كلمه طيبه ولا يسكت ،( لسانك حصانك ان صنته صانك وان هنته هانك ).
وانتي يانوف اول شي روحي اقري هذا الموضوع والتعريف عن المرأه وحواء بشكل عام ، وبعدين صدقي ولا بكيفك (ديمه قضايا ابداعيه> سَكْتَ دَهْراَ وَنَطَقَ صِدْقَاَ ).
ياحلو مردك ( ماأقدر اصدق ؟) لايكون جالس من ورانا يترجي فيكي تصدقينه وانت ماقدرتي ، ولا فيه احد طلب رايك ولا وجهلك سؤال ، الاخ الحاير طرح قصه ، اوكي شي طيب اعتبري منها انتي وامثالك انو لا تطلعين مع السواق لوحدك ، ولا كلن يرى الناس بعين طبعه ، راجعي ردك على موضوع الحاير.
بالنسبه لك يااخ النشمي والله ماهي هي الهقوه انا هقيتك اكبر من كذا بعد ماشفت مواضيعك وقريت بعضها ، ياخي الله عز وجل في كتابه الكريم قال فيما معنى الايه ( يايها الذين امنوا اذا جائكم ............. فتبينوا ) تاكد من صحة الشيء قبل الحكم عليه ، وانت الله يهديك على طول جيت مطبح ، والشباب مع الخيل ياشقراء والله مايدرون وش السالفه من جنبها بس شافوا ردك وجوك يمشون الفين ،اسأل نفسك قبل كل شي ، هل الحاير او غيره اذا جاب موضوع يستفيد او يدخل جيبه شي ، وش مصلحته يكذب علينا لو نفترض انه يكذب، محشوم يالحاير بس نحن نقول لو، وبعدين وش خليت للنقاش وانت تأكد بأسلوب جازم انه يكذب ، مابقى الا يدوره سعود وغيره ويهدون عليه بالسواطير عشانه شارك بالمنتدى ،وانا احيي الاخ الحاير بانه لم يرد على اي شخص منكم، راجع حساباتك وانا اخوك وانسوا اللي حصل.
ولي طلب عند اخوي الكبير واستاذي الأخ/ اسير القلم ،كيف ارفق صوره او ملف ، ودي اهدي للشباب بعض من اعمالي ، لا ني رسام وخطاط، واشكرك على تواضعك وردك اللطيف جدا،
والله ياخ اسير القلم اني لا اعرف الحاير ولا بعمري شفته بس حز في نفسي الرجال يكتب موضوع ومجتهد فيه ولا يبي يطول والدليل مادخل بالتفاصيل ، وبالنهايه يهدون عليه الشباب بالطريقه هذي وغالب الردود اللي تجي على اول رد ، فهذا والله اللي خلاني اتكلم وارد ، بالنسبه لردي هذا انا اطلبك طلبت الرجال للرجال ، انك تعرضه على جميع المشرفين في كل المنتديات اللي بديمه ،وتقولهم رايك في هذا الكلام ، هل تعديت حدودي او اسأت الادب لأحد، واذا عطوك الجواب امااانه لا تشيل هذا الرد ،لأني كاتبه على مستند وورد وراح احفظه اول مادرج الموضوع بالمنتدى، وانا اقبل النقاش مع الشباب كلهم بس بحدود الادب ، واعتذر لكل رجال يعتقدن اني مخطي بحقه ، بس بالنهايه حنا اخوان ونعرف مواجيب الرجال ، و(الاختلاف في الرائ لا يفسد في الود قضيه ).
وشكرا جزيلاَ لكل القائمين على انجاح هذا المنتدى .

الرسام1960[/SIZE]

[الحائر]

مساء الخير ...........
اخى العزيز الرسام اشكرك على هذا الرد جميل ليس دفاعا عن الحائر بل حقيقه كان رائع بمعنى كلمه
ماذكرته في قصه حقيقه وليس خيال . وهناك قصص موثره يصعب كتابه على العموم مشكور .