امسيات ديمه الاسبوعيه ..

[عادل بن تركي الهذلي]

أخواني وأخواتي
السلام عليكم ورحمة الله وبركاته .... وبعد
نظراً لوجود عدد كبير من أكبر نجوم الساحه الشعريه في هذا المنتدى , أطرح عليكم هذه الفكره:
الفكره أن تقام كل اسبوع أمسيه شعريه تتكون من ثلاثة شعراء يحدد أسمأهم من داخل المنتدى , وكل شاعر يعرض لنا قصيده أو قصيدتين في موضوع واحد .
والاسبوع الذي يأتي يحدد ثلاثة شعراء أخرون وهكذا .
أتمنى التاييد وقبول هذه الفكره من الجميع.
أخوكم : النشمي

[حمود الصهيبي]

رائع دائما يا النشمي


اضم صوتي لك

[حنيةعبدالعزيز]

حلوه دائما افكار جهنميه

بس لا حياة لمن تنادي

ارجو من حمود يطلب منك التنفيذ و الباقين يصوتون على الموضوع

انت مدير الامسيه و تحدد مواضيعها يالنشمي
ممكن نقترح عليك مواضيع اذا ودنا مناسبه



بس ياريت يضيفون المناسبه الخاصه بالقصيدة اذا فيه مناسبه

:(

[عادل بن تركي الهذلي]

حمود الصهيبي / شكراً لك على أهتمامك بالموضوع وأتمنى تثبيته

حنيه عبدالعزيز / شكراً لك على أطرائيك وحرصك على بعض من جوانب هذا الموضوع

ــــــــــــــــــــــــــــــــ ................. ــــــــــــــــــــــــــــــــــــــــ
* شروط الامسيه :

1- كل شاعر يشارك بقصيدتين فقط , يبدأ بقصيده ويترك المجال للذي بعده و وهكذا , وبعد ذلك يرجع الدور للشاعر الاول ليبدأ بالقصيده الثانيه وهكذا , يعني قصيده وقصيده .

2- أرجو عدم التعليق والرد على اي قصيده إلا بعد اكتمال جميع القصائد للشعراء جميعهم , لتكن القصائد جميعها تلي بعضها ويكون لها ميزه خاصه ورائعه جداً , وأرجو عدم الاحراج ومن لم يلتزم بهذا سوف يحذف اي رد على القصائد .

3- تكون الامسيه مكتمله وجميع القصائد موجود ليقرأها الجميع كل ( مساء خميس ) . أتمنى من شعرانا الكرام المشاركه بالقصيدتين قبل يوم الخميس لنكن على وعد مع جمهورنا الكريم , واتمنى أن تكون القصائد مكتوبه في منسق الشعر وتكون الخلفيه رقم ( 15 ) من الجميع

أتمنى ان نستمتع ونقضي وقتاً ممتعاً مع نجوم جميع الامسيات , والى أولـــــــــــــــي الامسيات .

[عادل بن تركي الهذلي]

بسم الله الرحمن الرحيم
اخواني الحضور واخواتي
السلام عليكم ورحمة الله وبركاته ........ أما بعد

أهلاً وسهلاً بكم في أمسيتنا الشعريه الاولى , هذه الامسيه التي يعطر جوها الرائع ويجعلها تزداد توهجاً واشراقاً هو وجودكم معنا هنا وتواصلكم .

يحي هذه الامسيه ثلاثة نجوم من نجوم الساحه الشعريه المميزين والذين جعلوا للشعر الشعبي بصمة واضحه في الساحه .

فرسان هذه الامسيه هم كلاً من :
1- الشاعر / حضاض الحربي .
2- الشاعر / بعيد الهقاوي .
3- الشاعر / حجاب طائع .

نترك الان لهم المجال واتمنى منهم ان كل شاعر يتفضل بقصيدتين لضيق الوقت , ولنا معهم عوده مستقبلاً بإذن الله تعالى .

فليتفضل الشاعر حضاض الحربي بروائعه لجمهورنا الكريم ........

[حضاض الحربي]

شكرا أخي النشمي على اختيارك لى كشاعر في حجم بعيد الهقاوي وحجاب طايع ويشرفني ان اكون احد اعضاء هذه الامسيه متمنيا ان تكون قصائدي على مستوى تطلعاتكم :
القصيده الاولى


ياللي غرامك ملى فكري ووجداني = ومشاعري بالأمل والشوق عطرها
الاول انت بحياتي وانته الثاني= انت اخر احلامها واروع مشاعرها
منك ابتهاج السعاده حيل يغشاني= والقى الفرح في عيونك يوم اناظرها
ماظن غيرك بهذا الكون يعناني= الا انت هالنفس تنهاها وتامرها
آمر تدلل على كيفك وتلقاني= كلي من اقصاي لعيونك ووامرها










[ALIGN=RIGHT][COLOR=seagreen]القصيده الثانيه :
يابن الحلال انت نبض القلب واحساسه= انت أروع أحلام عمري وانت بانيها
انته محطات فكري وانت هوجاسه= انت انشراحات صدري . وانت داعيها
انت الفرح . انت نبضه . انت مقياسه= انت انفعالات روحي وانت مطفيها
انت الهوى . والوفاء. والعشق . وانفاسه= انت . انت . كل الحياه وكل مافيها
اشلون ابوصفك وانت الوصف وقياسه= فيك المحاسن من اولها لتاليه ؟؟

مره أخر شكرا لك أخي النشمي ولجميع الاخوه والاخوات متصفحي ديمه
تحياتي للجميع

[بعيد الهقاوي]

اجابةً لدعوة اخي الغالي/ صاحب الافكار الرائعه/ النشمي.. ها انا اقوم بوضع القصيدتين المطلوبه متمنيا ان تنال رضاكم واستحسانكم, وان تجد هذه الأمسيه التجاوب والحضووووور المشجع كما عهدنا ذلك منكم ايها الأعزاء...


عدوي/صاحبي/خصمي/صديقي/سمي المدسوس....انا ابعد من مدى كل الســــــهوم اللي تسويها

وانا راسي عن اهل الكيد عالي ياحلــيل الروس....ليا صارت رفيـــــــــعه طيبها من طيب اهاليها

تصدق ضرسي الثابت خلــعته لو غزاه السوس....اجل وشلون مااقلع شجرة(ن)شفت الردى فيها
ا
نا عندي حــقايق تحلق التضـــليل مثل الـــموس....صحيـــفتنا نظــــيفه وانت خابــــرها وقاريـــــها

ليا عــــذ رب بغيــبتنا الردي الحاقــد الد نــفوس....ترفعـــــنا وخلــــينا الرديـــــه عـــــند راعيــــها

وانا من مد رسة جدي وابــويه قد خذيت دروس....دروس(ن)لوتحد تنـــــــا الليالي مانخــــــــــليها

وانا صــيتي وطيــبي ماشريته يالردي بفــــلوس....ورثـــــته من شيوخ(ن) تأخذ الحشمه وتعطيها

على الحــاقــد عذاب ولــلوفي دايم كرام نفـوس....تمـــــوت الحـــــيه الرقطا بغيـض وسمها فيها!!

[بعيد الهقاوي]

هلابك.. من غروب احلامنالآخروعد قلتيه ... هلابك..للمشاعر موقده ولخافقي iiنسمه


هلابك..غايب(ن) ملت مواعيدي وهي ترجيه ... تحت واقع قلوب متـــيمه وظروف iiمنقسمه


انا ادري قلبك انصع من جبينك والغلاء iiماليه ... وفيتي لين سلمك الوفاء ياغايتي جسمه


على كثر الضغوط وكثرهمك ماعبثتي iiفيه ... رسمتي للــتفاني لوحة(ن)منقوشة الرسمه


وانا ضحيت لأجلك والقهر في داخلي iiمخفيه ... حملت الجرح واسمي صار فالد نـيا قرين اسمه


انا ذاك الكريم اللي كشف قلبه وقال iiاخذيّه ... وانا ذاك البخــيل اللي لغيرك شح iiبالبسمه


صمدنا بس طاح الواقع اللي ودنا iiنبنيه ... وصرنا للــعواذل ياحيــــاتي iiوجبة(ن)دسمه!!

[حجاب طايع]

ارجوك انا ودي افعل iiمايجملني
النفس تفنى ومردود الهوى iiفاني
ان كان ودك على ودي iiتعاملني
يكفي تعب والهدايا حقها iiجاااااني
خذها مابيها هداياك 0اخذها iiعني
ماهو عشانك مابيها 0لا 0على شاني
ماودي انك بسيف الشك iiتطعني
وانا اللي اكبر مفاهيمي من iiايماني
حتى انتظارك لشخصي 0كان تفهمني
ماحرك احساسي الطيب ولا اشقاني
كانك قصدت الخطا!مسمموح و iiاكفلني
بكره لاترجع تقول!حجاااب مااوفاني
يمكن ويمكن تقول حجاب iiماامهلني
رد الهدايا بجرحي لاجل iiيجزاني
رح باعتقادك وشكك iiلاااااااااتحملني
ومردها ايام ولا اشهر iiوتنساني
اما الهدايا ف00خذها iiلااااااتكلمني
واكيد بكره بتهديها لاحد iiثاني
وانته اذا انته الى هالحين تجهلني
ابشر بعلمك في رمزي iiوعنواني
انا الوفا ياعديم العرف اخذ iiمني
معنى الوفا 0والوفا مني iiويكساني
لاانته ولا اللي بزينك iiمايعلمني
اللي كسبته من الدنيا iiوعلاني
عن موقفي مع ضميري قبل iiتخذلني
وعن فعلي اللي عليه الاصل يحداني
انا فعولي عن ابياتي iiتمثلني
ولابد تعرف وفاي (ان الله احيااااااااني)

[حجاب طايع]

اخرشعوري لذاك الحب وشجونه
واسم حضنته مابين كفوفي iiالعرقا
صحوة جروح لها كم عام iiمدفونه
وهم على سلم ضلوعي بدا iiيرقا
يرقا ويرقا مع ايامي على iiهونه
وسيل معه نهنهات الدمعه iiالزرقا
واقول زيدي معي عذبه iiوممنونه
صفحات صفحات وكفوف الوله حرقا
في بال من تسهر النجمات iiبعيونه
هب النوى واستحلت صورة iiالورقا
ياعمري اللي رحل طاح التعب iiدونه
كل الدروب انحنت وش ينفع iiالمرقا
لاتلتفت للرجوع الصعب وطعونه
كل الدلايل تشير لطعنة iiالفرقا

[عادل بن تركي الهذلي]

حضاض الحربي
بعيد الهقاوي
حجاب طائع

لأنملك إلا أن نقول لكم شكراً على تلبية الدعوه
أبدعتوا في جميع ما كتبتوا
ذهبتو بناء جميعاًالى عالمٍ آخر من الجمال
نبقى نكرر لكم أجمل العبارات التي تحمل الشكر من الاعماق
ربما أننا مهما كتبنا لن نوفيكم حقكم ولكن ! أعذرونا
أتمنى أن تكون لكم جميعاً أمسيات أخرى مستقبلاً بإذن الله تعالى
لكم خالص الامنيات
محبكم النشمي

[حنيةعبدالعزيز]

النشمي

اجدت الاختيار

حضاض الحربي
بعيد الهقاوي
حجاب طائع

دائما رائعين قمه في العطاء


النشمي

اقترح ان تضاف مناسبة القصيده او اي شئ اذا كان رد على احد ....

[عادل بن تركي الهذلي]

سوف يتم تحديد أسماء شعراء الامسيه الشعريه الثانيه مساء يوم السبت بإذن الله تعالى
أتمنى من الجميع الاطلاع ليتضح لك هل اسمك مع هؤلاء أم لا .
تحياتي للجميع .
النشمي

[بندر السميري]

الله عليكم



شعراء رائعين

استمتعنا بهذه الأمسية


وشكراً اخوي النشمي على هذه الفكرة الرائعة





ملحوظة/ اخوي النشمي قد لايعلم الشعراء المراد استضافتهم هنا عن هذه الأمسية لذلك آمل منك ابلاغهم برسائل خاصة وان يقوم الأخ حمود الصهيبي بأرسال رسائل عامة لجميع الأعضاء لتبليغهم بهذه الأمسية حتى تكون المتابعة من الجميع


ودمتم.....

[عادل بن تركي الهذلي]

بندر السميري
شكراً على حرصك لهذا الموضوع
وبالنسبه للشعراء الذين تحدد أسمأهم في الامسيه فالبعض منهم أخبره عن طريق الماسنجر والبعض عن طريق الرسائل الخاصه .

أما بالنسبه لأرسل رسائل عامه لكافة الاعضاء ليتابعوا الامسيه فأتركها لخوي حمود الصهيبي .

ولكم تحياتي جميعاً
اخوك النشمي

[حنيةعبدالعزيز]

النشـــمـــي

هلا
وين الاسماء يمكن افوز

اخ نسيت اني مو شاعره

الله ياخذ شيطانك يالشقيان

صدقت اني احسن شاعره

بس لا يشوف عزيز النفس المشاركه تتحول للسوالف

اخوي النشمي

اليوم الاحد و المفروض الاسماء تنزل امس

لا تقول الماسنجر او مفاجئه

القراء بعد يبون يعرفون


و مشكور

الله يعافيك شاعره معاهم

[عادل بن تركي الهذلي]

مساء الخير جميعاً
هانحن نعود لكم ونجدد اللقاء بكم مرة اخرى في أمسيات ديمه الاسبوعيه,, وهاهم نجوم أمسيتنا الثانيه يضيئون سمأها .
نجوم هذه الامسيه هم كل من :
الشاعر : أحمد الخالدي
الشاعره : حنين الشمال
الشاعر : بندر السميري

نترك المجال لهم ويتفضلوا لنا جميعاً .

[احمد الخالدي]

مرحبا....

النشمي....اولاً مشكورين لأضافة اسمي هنا.....

مع اني اعتبر نفسي هاوي شعر ولست محترف...

لكن ....حشراً مع الناس عيد....

وتحية اعجاب بك يالنشمي على ماتقوم به من جهود جباره في خدمة المنتدى...


انتظروني....

[بندر السميري]

ذل_ دم_ ونار_ دخان_ وحطـام=انتهاك اعراض_ ظلم_ وبربريّـه


ام تصرخ (طفلها وسط الركـام)=بنت تبكي (امها راحت ضحيّـه)


اهـل دار ولايذوقـون المـنـام=يصبحـون ولالقـوا للـدار فيّـه


بنت في عمر الزهر ترفض تضام=فجّرت في نفسها في وسط ميّـه


طفل يسمـع بالطفولـه ياكـرام=في جميع الكون منهو عاش زيّـه


شعبٍ اعزل بالحجر خمسين عام=ضد جيـش الطايـرة والمدفعيّـه


عمرهـم مافكـروا بالأنـهـزام=مؤمنيـن بنصرتـه رب البريّـه


اليهودي يذبـح ضعـوف ويتـام=والقضيه فوق تصويـر القضيّـه


اليهودي يدّعـي يبغـى السـلام=اي سـلام ونيّتـه ماهـيب نيّـه


ياعرب ياهـل العروبـة يانيـام=قدسنا يصرخ الم ياهـل الحميّـه


ليش حنا فـ أنقسام وفي خصـام=كل يـوم وننكـوي مليـاركيّـه


يالله انّـا فالصـلاة وفالصـيـام=نطلبك تنصـر فلسطيـن الأبيّـه


تنحرق كل القلـوب..ولاكـلام=القضيه فـوق تصويـرالقضيّـه

[بندر السميري]

اقرب اقرب لاتفرّح هالمسافه لو قصيره=يكفي انك كنت غايب عن عيوني ياقريب






اقرب اكثر ودي اسمع منك كلمتك الاخيره=هي احبك او احبك او احبك يالحبيب





اقرب اكثر اقرب اكثر لاتخليني بحيره=خلني لاغبت فيني ادخل عيونك واغيب





خلني ملهوف شوق وخلني مجنون غيره=خلني مجروح حب وخلني انسى واطيب





خلني اغرقك عشق وخلني اسكنك ديره=خلني لاصرت قسمة جيت راضي بالنصيب





اعطني ليلة وصالك ياغلا ماهي كثيره=في حبيبك جعل هقواته تجيلك ماتخيب





انت سيرة عشق لكن ماتشابه اي سيره=والدروب اللي تودي يم حبك ماتجيب





والله انك ياحبيب القلب لك وحشه كبيره=يعلم الله في غيابك عايشٍ كني غريب





اقرب اكثر لاتفرح هالمسافه لو قصيره=اقرب اكثر اقرب اكثر اقرب اكثر ياقريب

[احمد الخالدي]

أبسئلك يلي خذيتي من النور=قصة ضياه وخاطره واحتفاله
ابسئلك وش قصة الورد منثور=ورمان أبها والحسا وش جراله
أنتي خلتي طين والأ من الحور=أنتي ملاك النور والا ظلاله
بعض الحلا واضح وباقيه مستور=ومن كل زينٍ ماخذه من دلاله
صحيح من فيه الحلا صابه غرور=لكن قليل اللي بدى بأكتماله
بس جاوبي وش قصة الورد والنور=ورمان أبها والحسا وش جراله

[احمد الخالدي]

حبيبتي سبحان من هو خلقها
استغفر الله مابعد حسنها شي

قلبي هواها ثم دق وشهقها
وتمكنت في داخلي والهوى ني

هي بادلتني العشق محد سبقها
وسبحان من هو جمع ..الفي والضي

يمكن من البدر المعلا فلقها
اليا بدى بدر السما قلت هاهي

مازادها حسن ودلال بحلقها
هي الدوى والحب والداء والكي

سجدت للي هالشفايف نتقها
رهيفةٍرهف القطن واصبحت لي

ان غابت ابدت هالليالي رهقها
واستغرب اني بينكم ياهلي حي

ماتستمع لاهل اللجاج وسلقها
ا مكمله حتى بالاخلاق ياخي

حبيبتي سبحان من هو خلقها
واليابدى بدر السما قلت هاهي

[احمد الخالدي]

البنت هذي من الزينـات جـازت لـي


الله مااكـبـر غلاهاكـيـف تعبـيـره


ياما من الورد الأصفر جت ومدت لي


تعبير غيـره واصـل الحـب بالغيـره


ان غبت تسأل والى طولت هي جت لي


متبادليـن الغـلا والعشـق ماغـيـره


لاجيت ابحكي بكل الشوق تنصت لـي


واليا تحكـت يازيـن الهـرج يامنيـره


احيان تزعل وبعض احيان طابت لـي


والحب يمصخ الى مـن بـان تكريـره


رجال لكـن قليـل الحـظ نابـت لـي


ياشيـن وقـتٍ تمـادالـي بتقصـيـره


البنت هذي من الزينـات جـازت لـي


وشلـون ارد الجمايـل ياهـل الديـره



لكم ودي وتقديري ,,,,,,

[احمد الخالدي]

اخواني....

كان من الأفضل كل امسيه في متصفح اخر....

لكم كل الحب

[أريام البوادي]

احب الليـــــــــــــــــــــــــــــل والسهره علــــــــــــــــى شاطئ بحـــــــــــر هــــــــــــــادي

على ضوء القمر نجلس واسامر صوتك الشــــــــــــــــــــــــــــــادي

;) :cool: :mad: :confused: :)

[عادل بن تركي الهذلي]

اريام البوادي

شكراً على مشاركتك

تحياتي

[عادل بن تركي الهذلي]

أخواني واخواتي متصفحي منتدى ديمه
السلام عليكم ورحمة الله وبركاته ,,,,,,,,,,, أما بعد
نظراً لهذا الموضوع الذي ربما أننا وجهنا دعوه لعدد من الاعضاء ولكن لا نطالبهم بأي شئ لأاني مقدر أوضاعهم ومشاغلهم وارتباطاتهم .

ولذلك فأنني أقترح على كل شاعر وشاعره أن من يريد المشاركه وهذا مما يشرفني جميعاً أن يضع قصيدتين ويشارك بها ويضع بعده أثنين قصيدتان .........

والمجال مفتوح للجميع

لكم تحياتي