(طبقكم المفضل من .......اعداد الشباب ) [الأرشيف] - | منتدىَ الشاعرَ . حموٌد الصهيبيَ ‘

شوق الليالي

08-10-2002, 03:00 AM

السلام عليكم ورحمه الله وبركاته

أخواني الأعضاء والمشرفين ..........بعد التحيه

كما نعلم أنه دائما المرأه من تقدم الطبق ولكن أحببت أن أغير الروتين هذا

وأشارككم معنا في اختيار الأطباق المفضله لديكم 0

ولكن ينبغي مراعات الأ تي ........

1- اذا كنت من عشاق الطبخ وتعرف أطباق معينه ينبغي ذكرها ثم توضيخ طبقك المفضل

(أسمه )ثم تذكر المقادير والطريقه (ويجب أن تكون بأسلوبك )0

2-اذاكنت ليس من عشاق الطبخ وتفضل أطباق معينه عليك ذكرها ثم أختيار أفضل طبق

(ويجب أن تذكر لنا مكونات الطبق وحتي وأن لم تكن المقادير كامله , وليس ضروري

الطريقه 0

3-يجب ذكر الأكله المشهوره في المدينه التي يتواجد فيها الشخص كما نعلم في المملكه

عدت مدن0

4-الأن أنا سوف أذكر اسم شخص يبداء هذا الطبق ومن ثم بعد انتهاءه من أعداد طبقه

يختار لنا شخص أخر وهكذا0000؟ لمن ( نخلص كل شباب المنتدي ):)

5- أتمني من الأخوه التجاوب معنا............ولكم مني جزيل الشكر

طبعا يبداء معاكم الأخ عـــــازف

يلا أخ عازف تفضل

:)

ملاحظه :: الغـــش حراااااااااام يعني لاتنقل من أحد سواء زوجتك أو أختك أو أمك أو موقع طبخ:cool:

عازف

08-10-2002, 03:36 AM

يا اللة عليكي يا شوق الليالي، يعني ما لقيتي الا انااااا.
طيب وش تبون ترى اخوكم راعي مفاطيح:) اييييييييه هيييييييييين.
طيب شوق ابشري الحين يعني اقول اسم الطبق ومقاديره وكفايه يعني بدون طبخ؟؟

شوق الليالي

08-10-2002, 03:41 AM

هلا عازف

يسعدني تواجدك وقبول الدعوة

المهم أنت ماحدتت لنا أنت من النوع الأول ولا الثاني عشان اقولك

وبعدين راجع الشروط واضحه مره:D

عازف

08-10-2002, 04:16 AM

لا يا ختي مهي واضحه
انتي جبتي كذا نقطه ولا قلتي بان الواحد يمكن يختار الي يبي ياليت تعدلين ها النقاط وتوضحين انه يمكن اختيار الانسب عشان لانورط.
خلاص انا الحين مشغول شوي اصبرو علي حجيب لكم طبخه ما حصلت:)

شوق الليالي

08-10-2002, 04:29 AM

الأخ عازف الأختيار بس بين الرقمين 1 أو 2 فقط الباقي يتجاوب في الحالتين

ننتظرك أن شاء الله

:(

عازف

08-10-2002, 04:34 AM

اوكىىىىىىىىىىىىىىىىىىىىىىىىى
شكرا شووووووووووووووق
الحين اتفهمت الحكاية ،وابشري بطبخة اتحدى اي بنت سوتها، وكان ودي لو انك سويتيها تحدي بين الشباب والصبايا الحلوين ونشوف مين يكسب:)

عازف

13-10-2002, 12:06 AM

تاخر عليكم ادري ،لكن الي مجنني وش عرف شوق الليالي اني عزوبي ههههههه واللة عن جد عرفت تختار واحد كره نفسه من كثر ما يخش المطبخ ولابد من ها الشغله لانه بيني وبينكم الراتب ياللة يكفي لزوم الطلعات واللذي منه قلنا نخليها اكل منزلي على طول.
عموما وجبة اليوم تنفع للعرسان ،واقلكم ليش العرسان بس لانهم اكسل ناس مهم فاضين ههه مره مشغولين،لاوبعد تنفع للي متزوجين مدرسات لانهم برضو مو فاضين وين وين تدخل المطبخ وتلاقيها تسوي طبخة بكرا من الليل يا عيني على الطازه هههههه
يالله نقول بسم الله ونبدا:
المقادير:
بيض على حسب كمية الوجبه يعني ممكن حبتين وممكن اكثر
جبنه ويا ليت تكون جبنة كيري.
زيت ويفضل يكون زيت الزيتون، ولا احسن شيء ابو شوكة وملعقه يمدحونه واجد
هذي المقادير شايفين مررررررره قليلة وغير مكلفه(شغل عزوبيه)
ملح ولو ما عندك ابد سوي شوية صحوبيه مع جاركم بيسلفك اكيد.
توست لو امكن واذا ما فيه جيب عيش

..............................
الطريقة:
ابد نجيب الطاوة وياليت تكون تيفال حتى لو تتسلفها من جيرانكم مو مشكلة ههههه، نضع قليل من الزيت وشوية ملح .
نسخن الزيت ولكن مو مررررره يعني يا دوب دقيقه ونص ، ونرمي عليه يعني على الزيت حبة جبنه كيري اخخخخ انتبه لعيونك ترى ممكن ما عاد تخش ديمة هههههه،نحرك ها الخلطه بالملعقه لمدة دقيتين وعلى طول نجيب البيضتين ونفقش ام امها وعلى الطاوه وفوق الخلطه الي قبل شوي ههههههه ،حركهم نعنبو بليسك بالملعقة شويات وابد 2دقيقه وكل شيء جاهز واخخخخخخ لو عندك توست ممكن تخليها سندوتشات ولا احلى ،ولكن اخر الشهر ممكن تشتري عيش حبات بريال تكفيك اسبوع.
بالهنا والشفا ، ونا متاكد لو جربتوها مره مش حتنسوني بالمره ،معكم شيف العزوبيه عازف
.............................
طبعا الحين من حقي اختار الشخص او الشيف القادم والي هو الشقيان ياليت الاخت المشرفه تنادي عليه وتقله تعال يا شيفنا يا شقشق.

شوق الليالي

13-10-2002, 09:18 AM

عازف

رائع الطبق لكن ماقلتلي من علمك عليه:)

وبعدين ماذكرت أشهر أكله مشهوره في مدينتك:mad:

عموما الف شكر ويعطيك الف عافيه
والأن ننتظر الأخ الشقيان

فليتفضل معنا

الشقيان

الشقيان

13-10-2002, 09:25 AM

الله يرجك ياعازف.

وش تبي بالشقيان أنت قاردة حتى عند الحريم

وبعدين والله ما أعرف اطبخ الا بيض وانت سبقتني عليه بس شكلي بسوي بيض مسلوق

واليكم المقادير

1- طاسة ( والله مدري وش تسمونها بس بالانجليزي معناها كونتينر )
2- ماء
3- بيض والعدد اوبشينل
4- قز ( والقز يعني فرن بس بالفرنسي)

طريقة التحضير

قم أخي الزقرتي أو العزوبي بوضع الماء في الطاسة ثم ضع فية بيضاتك التي تريد بوسط الماء في الطاسة أيضا ( يعني وين تتوقع بالله عليك تحط البيض).. بعد ذلك قم بوضعة على النار المشتعلة ودعه لمدة 15 دقيقة حتى تشاهد الماء يغلي .. دع الماء يغلي مدة عشر دقايق ماكسيمم.. إستخدم اي اله لإخراج البيض من الطاسة ولا تستخدم يديك والا ترى بينصلخ جلدك.. بعد إخراج البيض قم بتفقيس أمه على قولة عازف وتقشير الطبقة الهلامية من عليه ( وشرايكم بالهلامية مع اني عارف مابكم اللي يدري وش هي ).. لا تحاول تاكل البيض بقشورة لان قشور البيض تكبر بالبطن ( على حد قول الوالدة ... والله أعلم ).. بعد تقشير البيض قم بتمليحة مستخدما ملح ناعم ( الملح يوضع على حسب العجله).. اذا كنت مو فاضي بدون ملح وإذا والله عندك وقت أملح على كيفك واذا كنت تبي تلفها بخبيزه فهي اطيب لك مع قارورة شيح ( اووووه اقصد قارورة كوكا ولا احسن )
وهذا الطبق مضمون النجاح وليس مثل طبق عازف يبي لك مراقبة كل شوي وزيوت وشحوم

بالهناء والشفاء

** ودي لو حنية ولد كان طلبتها بس الشكوى لله.... يقع أختياري على الأخ saud تلاقينه بمنتدى السوالف اربع وعشرين ساعة تليه بالجيب حقكم وجيبية عندنا

** اتوجه بالشكر لك اختي شوق الليالي على اعطائي الفرصة للمشاركة

أخوكم الشيف/ الشقيان

شوق الليالي

13-10-2002, 09:47 AM

الشقيان
بصراحه ما ادري ليه أطباقكم كلها علي البيض:(

بس والله أسلوبك أنت وعازف يخلي الواحد وده يسوي الطبق:p

عموما أشكرك من كل قلبي علي تلبيه الدعوه

وعلي أمتاعنا بالطبق من أحترافكم :D

يعطيك العافيه

وبعد أن أمتعنا الشيف الشقيان ودعوته للأخ سعود

فليتفضل.......
سعـــود

الشقيان

13-10-2002, 10:33 AM

لا شكر على واجب أختي شوق الليالي

وهذا أقل شئ ممكن نقدمة للمرءاة وذلك ضمن خطوتنا المتبعة لتحسين صورة الرجال أمام النساء بعد ماحملن إنطباع سئ عنا بعد أحداث سبتمبر ( خخخخخخخخخ ماني عارف غيرها )

والشكر لله ثم لك في المساهمة في تقريب النظرات بينهم والله يوفقك

أخوك/ الشقيان

سوسن

13-10-2002, 11:32 PM

عازف والشقيان :D

أولا أحب أقولكم شرفتو منتدي المراءه

ثانيا بصراحه أكلاتكم صعبه وتجنن :p

ثالثا أكثر شيء عجبني الطريقه ;)

بصراحه طلعتو شيءءء:D

كل هذي الأبداعات وأنا ما أدري 0

وأنت يا الشقيان تراك حسنت الصوره علي أصولها

من بعد أصباعك وخشمك:confused:

بصراحه لمن أفتكرها أنسي الدنيا والي فيها:(

حبيت أقولك رسالتك وصلت بس بلمقلوب:mad:

سعود

14-10-2002, 12:19 AM

هههههههههههههههههههه

سلام شوق الليالي

حسبي الله عليك يالشقيان والله ماعرف اطبخ الا طبختين

الاولى كبسة بر

والثانيه جز مز

بعدين وشتبغابي يوم انك تالني على وجهي ومسحب في انت وشوق

على كلا سعدت ابهالمشاركه والله ياني ابي ااكلكم اكله ماعمركم ذقتوها

اختي شوق حقوق الطبع محفوظه اكيد عندك ..صح..

سعود

14-10-2002, 12:46 AM

احلى طبق يعده الشيف saud
طبق جز مز

ادخل المطبخ وسم بالله
وغسل يديك وخشتك اذا كنت توك صاحي من النوم
البس المريول حتى لاتوصخ سروال السنه
هاتلك مقلاه وغسلها زين
قطع خمس حبات طماطم
=حبتين بصل
حط المقلاه على القز زي مايقول القروي الشقيان
شب عليه نار هادئه
دورلك زيت اوزبده ماهي واجد شوي (العن ابو القادير اخر حلاوه)
بيض بلدي 6حبات هههههههههههه(الظاهر حنا يالرياجيل مانعرف الا البيض)
بعد الزيت حط البصل لين يحمر
كت عليه الطماطم
حركه شوي يعني 5دقايق
غطه المدة 10دقايق
لين يسبك يعني يذوب
حط عليه يالشقيان اوشوق الليالي نصف ملعقة ابهورات امخلط سعودي وحركه
بعدها ملح ناعم واذا ماعندك ناعم خشن دقه بالنجر لين يصير ناعم وحط حسب الحاجه ايه حسب الحاجه
لا تضحك يالشقيان اعرف ات حنيه ضغطها مرتفع منك والملح الزايد يرفع ضغطها وحنا بحاجتها على شان ادورلك مره
فقش البيض ابراسك والا باي شي وحطه اباديه ورجه
كته على البصل والبيض وقصر على القز لاخر شي
حرك البيض الباقي لمدة 7دقائق وانتبه لا تجي جلافيط مثل الشكشوكه خلها لينه وذايبه
بعدها سكر الغاز وسخن الخبز
اثنا عمل الجز مز صلح شاهي امخدر بالحوش على النار
واذاخلص افرش الجريده وبالهنا والشفا
وسلااااااااااااااااامتكم
تعلمتها بسوريا..هي بنت عم الشكشوكه لكن ابسوريا تكون ذايبه ويسمونها جز مز

من الشيف اللي بعد..اممممممممممممممم.اممممممممم النشمي تعال اخذ دورك خلنا انشوف تعرف والا لا
شوق الليالي دوريه في منتداه والا بالسوالف يدور الغلطات هههههههههه

تحياتي لكم وللشيف الجديد النشمي ورحبوفيييييييه

سعووووووووووووووود

سعود

14-10-2002, 03:57 PM

ياجماعه
لا تنسون اتغسلون البصل والطماط وتقطعونها

اخاف ان بعضكم يحطها حدج

شوق الليالي

14-10-2002, 11:33 PM

الأخ سعود أشكرك علي هذا الطبق ويعطيك الف عافيه

بس عندي سؤال لك ليه الرجال كلهم لازم يستخدمون البيض في أكلهم وأشوفها عندكم الأكله المفضله؟

:cool:

والأن بعد أن أمتعناا لشيف سعودودعوته للأخ النشمي

فليتفضل 0000000

النشمي

عادل بن تركي الهذلي

14-10-2002, 11:45 PM

سعود ياخوي المنتدى فيه أكثر من 400 ولا قيت إلا أنا
بصراحه والله ما اعرف في الطبخ ذا ولا شئ , إذا جعت إذا والله فيه شئ جاهز بالمنزل مرحبا وإذا ما فيه على المطعم ولا أقرب كافتريا .
لكن أنا بدوي ولا عندي خبره غير في طبخ البر
أول شئ :
نزل التيس ولا الطلي من ظهر الوانيت
جيب السكين وقول بسم الله واقطع راسه
خل الدم يسيل شوي وبعدين ما يحتاج أقول
أرفعه في أقرب شئ عندك وطلع جلده
فصله وحطه بالصحن وشب النار اللي يعجبك ضوها
حط الماء وبعدين إذا سخن حط اللحم عليه وشوية ملح
وبعدين والله لأبلشتوني فيها ... ههههههههههه
المهم إذا عرفت إن اللحم على وشك الاستواء كب عليه الرز أبو بنت ولا ابو سيوف أفضل
خله لما تعرف إنه أستوى
ثم حطه بالصحن وقدمه لضيوفك
والله ما أجمل منها ليلة أربع عشر ولا خمسة عشر في البر ما ينور عليكم غير القمراء
ُم إذا تعشيتوا وعينتو من الله خير
عليكم بعد كذا ببراد الشاي وقاف شعر رايح وقاف شعر جاي حتى يصبح الصباح
ــــــــــــــــــــــ,,,,,,,,,,,ـــــــــــــــــ ـــــــــــــــــــ,,,,,,,,,,,,,,,,ـــــــــــــــ ـــ
الان أترك المجال للأخ ( حجاب طائع )
نبي من طبخ البدو ياحجاب ولا ولا أحلى منه
يعطيكم العافيه والشكر للأخت شوق الليالي على تنبيهي لهذا الموضوع

شوق الليالي

14-10-2002, 11:57 PM

تسلم يا النشمي وأنت أسم علي مسمي

ويعطيك العافيه

طبق ولا أحلي بس ماقلت لنا هو رز سليق ولا عربي:)

أشكرك علي تلبيه الدعوه

وبعد أن أمتعنا الأخ النشمي ودعوته للأخ حجاب

فليتفضل 00000

حجاب طايع

سعود

15-10-2002, 12:04 AM

شوق الليالي

طبخة النشمي ناقصه

وين البصل والطماط والبهورات..اكيد مستعجل يوم سواها هاكليل

يعطيك العافيه لكن طبخت البر مايحتاجلها لابهورات ولاحاجه...

بالنسبه ياشوق البيض عند الرجال مقدس لانه مايتعبهم لا في الطبخ ولا في الغسيل

وسريع التحضير,,

شوق عمرك سمعتي في الاكله السوريه جزمز...بفتح الجيم والميم وتسكين الزاء وتضخيمها

عادل بن تركي الهذلي

15-10-2002, 12:14 AM

سعود
ياخوي طبخ البدو على الماشي لكن يعلم الله إن له لذه أحلى من المطابخ الحديثه في المدن .
وبالنسبه لشوق الليالي ترى الرز لا يوجد لدينا إلا سليق بس على كيفك .
تحياتي للجميع

قـمـ عشق ـــة

15-10-2002, 01:33 PM

روووووووووووووووووعه
عن جد
عن جد
مررررررررررررررررررره تهبل الطبخات بس كلها بيض يااااااااا الله عموما سويتو من البيض اكلات تجنننننننننننن عن نفسي ابجربها كلهااااااااا
عازف
الشقيان
سعود
النشمي
مشكورين وبصراحة ما توقعتها منكم اتاريكم منتم سهلين:)
ويالله الظاهر جاي الدور على حجاب وبقية الشعراء والمدراء :)

سعود

15-10-2002, 02:30 PM

قمة عشق

مرحبا

ماشفتي شي ودنا انوريكم اكثر من كذا بس ياختي انا ديني ودين غسيل الصحون والقدر خاصة اذا كانت

اقدر فيه احكاكه(عرفتي الحكاكه

بعدين واللي يسلمك جربي الجز مز وعطيني رايك تراها اتهبل

تحياتي لك

سعود

سعود

15-10-2002, 02:32 PM

النشمي

كيفك

اكيد طبخ البر مافيه مثله خاصة اذاغرفت الغدا والا العشا وجبت لبن طبيعي

توه امخضوض ومعه اشوي ازبيده وكان هذا بالشتا, الله لها طعم خاص

تحياتي لك;)

شوق الليالي

15-10-2002, 02:45 PM

هلا أخ سعود

والله بالنسبه للأكله الي قلت عليها ماسمعت فيها

بس لو كانت هي أكلتك الي سويتها يعني الشكشوكه
أعرفها :)

واشكرا علي المداخلات والتفاعل في الموضوع

تحياااتي لك

الشقيان

15-10-2002, 03:24 PM

سعود أخوي أشوفك والفت هنا بمشاركة شوق الليالي

والله الظاهر تاليتها يبون يسحبونك قدام الله وخلقة يالخاين حتى ماتعرف تضبط أحد وبعدين شغلتك مفلصة مثل عين الشمس ياخوي خلك ذهين وطق ثقل شوي

هذا ماتنعطى وجه.. وشوق الليالي أصلا مستحية لا تقول شئ بس أنا بقول عنها:D

سعود أنت فاتحة منتدى سوالف هنا وأنا أخوك:p

بس تبون الصراحة مشاركات سعود منورة الطبخات حتى سوالفة جايات تقل طبخة:confused:

الشقيان أو العيار على قولة حنية عزو

سعود

15-10-2002, 06:48 PM

لقيت احد يهتم فيني هنا

والا انت وحنيه ماغير (يالله دخيلك)

الشقيان

16-10-2002, 02:13 PM

سعود

والله لو ابي احلف إن ماهو رافعن ضغط شوق الليالي الا انت

شوق تعرفين ليش طلبت سعود يجي يطبخ هنا... اكيد عشان افتك منه

بس الله يعينك تدورين حيلة تصرفينها فيها

الشقيان

ملاك الروح

16-10-2002, 04:20 PM

اختي شوق الليالي مشــــــــــــــــــــــــــــــــــــــــــــــــ ــــــــــــــ;) ـــــــــــــــــــــــــــــــــــكورة
على هالموضوع اللي يجنن
اللي كشف لنا ابداعات الشباب الخفية
بس من جد عليهم اسلوب بالمقادير و الوصف شي و الله
بس كل ما اجي اتخيل شكل الطبخة و الله يكسرون الخاطر حرام شلون بطونهم تتحمل هالحوسة
لا كل شي كوم و اخ عازف كوم =======> احد يسوي بيض بالكيري لا و على نار حامية
آآآآآآآآآآآآخ يل بطني
نصيحتي لك اخ عازف استعمل جبن الكرافت و شوف الفرق
و بعدها بتقول ملاك قالتلي
اما بالنسبة للأخ الشقيان =========> صراحة اسلوب مشاء الله بس اللي يقرئة ما يتخيل النتيجة بيض
مسلوق حاف مع شوية ملح
طيب بعد ما تقشرة حط علي شوية زيت زيتون و فلفل
و شوف ايش يطلع الطعم ;)
اما اخ سعود ===========> انتا متأكد ان طبخة الجز مز ما ناقصها شي ;) و الا على بالك ما عندنا
خبرة بالطبخة ترى و راكم حريم يدققون مو تحسبون بتطلعون جنب
السالفة ...... الطبخة ناقصة فص ثوم و شوية فلفل رومي و كم ورقة
نــــــــــــــــــــــــــــــعناع :D

أنا آآآآآآآآآآآآآآآسفة على تدخلي و اللمسة النسائية اللي حطيتها على طبخاتكم
لاكن صدقوني هالشي سويتة خوفاً من ان الشباب يطاوعونكم و يجربون طبخاتكم
و يكثر عدد الضحايا :D :D

لا و المشكلة مستقبلاً المرا اذا سوت (( اطبخت على قولتكم )) بيض :( جاها ذاك الصوت
انتي ما تعرفين تسوين غير بيض يا مرا :mad:
و تنسون وقتها مغامراتكم مع البيض :cool:

اختكم : ملاك الروح

سعود

16-10-2002, 06:09 PM

وععععععععععععع ثوم ماحبه

مشكوره على الملاحظات

تحياتي لك

عازف

16-10-2002, 10:54 PM

هلااااااااااااااااااااااا
هلااااااااااااااااااااااااااا
الشقيان ابدعت واللة وسلق على كيفك بس اخ لو كمان شوية شطة وشوية كتشاب بيطلع معك شيء جديد لان الاضافات هذي تخلي الاكله ولا صارت ولا استوت:)

اما حبيبنا النشمي ذكرني بطلعه مع شباب للثمامه وهات يا تقطيع عشان اخوكم عازف من جده طبعا وجلس يطعس ولا عرف من فين اصل التعيس،لكن ما عديتها لهم سويت لهم طلعه بحريه لعنووو ام سنين البحر بعدها:)
وسعود حبيبي هنا كمان لالالالا طيب ليه ما ورطو ها الرجال بطبخه ويكون فيها ثوم ههههههههههه
مشكورين حبايب قلبي
مشكوره قمة العشق
مشكوره ملاك الروح
مشكورسعود
مشكورحبيبي شقشق:)
مشكورنشمي بيه
الله يخليكم لنا يارب
والحين دورك يا شوق سوي لنا سيررش وجيبي لنا حجاب بسرعه نبي نشوف شيء جديد:)
ولكمووووووووو لكموووووو

حجاب طايع

17-10-2002, 02:10 AM

فشلونا هالشباب مايعرفون شي :D

المهم الطبق خواضييييه ودي تشبه التبولي بس ماعم ندكرها الا برمضان الله يجيبه يارب

سمعوني ياحبايبي

بترحوا ع ائرب طاحونه وتاخدون تنين كيلو دئيئ

ومابتكتروا لحسن يخرب من الشمس هادي نصيحه لتقتصدوا

وبتجيبوا شوي سمن بري من عند جيرانكو لو ماببيتكم سمن

:D

المهم الخطوه المهمه واللي لازم تاخدوا بالكم منها المئادير

تاخدوا بيدياكوا مرتين من الدئيئ وتكبوا لهون في (الغرشه)هاذي منين جت :D

وبتحموا السمن بنفس الماعون اللي جبتوا فيه السمن من عند جيرانكوا من شان ماتنحرق مواعينكوا

المهم لهلا بائي نكب السمن ع الدئيئ

ونجيب شوي تمر من عند ائرب جار ماخدنا مانعده من اول ولاشي

ولازم تحتطوا بالكم من هالملاحضه لانها مهمه جدا

وبالهنا والشفاء يارب

سعود

17-10-2002, 02:18 AM

خيي حضاض

كيفك انشالله تكون امنيح

اخوي يبغالك امترجم

مافهمنا الطبخه وشنهي

مافهمنا الا كل شي سلفه من الجيران....

هههههههههههههههههههه

حبيب البي

تحياتي:D :D :D :D ;)

عازف

17-10-2002, 11:45 AM

اخووووووي حجاااااااااااااب يسعد مساااااااك مية فل وعشره بس ما فهمنا شيء؟؟؟؟؟؟؟؟
لايكون معصوب:)ولا عصيدة التمر كخخخخخخخخخخ والله مدري وش ها الطبخه.
بعدين يا اخ حجاب وش فيك ما اخترت الشيف الهمام الي بعدك شكلك ما قريت شروط المسابقه
ياللا يا اليت ترجع وتتحفنا باختيار شيف على كيفك:)

حجاب طايع

17-10-2002, 02:38 PM

اللي بعدي الشيف اللي بعدي ابشروا بختاره لكم

عليكم بالمهتوي اخبر عنده اكلااااااااااااااات وش زينها ;)

بانتظاره

سعود

18-10-2002, 01:03 AM

عزف

مرحبا

شكل اخونا حجاب مايعرف للطبخ

وهقه اللي اختاره

حجاب انت جبت شي بس والله مافهمنا

ونرجو من الاخت شوق ماتخلي الاخ حجاب يفرك الا بعد ان يشرح لنا الطبخه (وهقناه)

والا ان طبخات اخونا حجاب فوق مستوانا الفكري هههههههههههههه

تحياتي لكم

وخاصة الشيف حجاب

شوق الليالي

18-10-2002, 04:37 AM

والله أمتعتونا أطباق حلوه

ويعطيك العافيه يا الشاعر

بس والله لاحظت أنك متأثر بـ لبنان.......لاتكون لبناني وأنا مدري:D

والأن بعد أن أمتعنا الشاعر حجاب طايع بهذا الطبق ودعوته للشيف المهتوي

نقول له..................

تفضل ياااااااا000000

المهتوي

المهتوي

19-10-2002, 12:53 PM

انتظروني

أضع اللمسات الأخيرة عليها ..

أكلة ماحصلتش ..

قـمـ عشق ـــة

20-10-2002, 01:54 PM

يا الله بسرعه انا عملت ملف في جهازي وسميته طبخات شباب ديمة:)

عازف

20-10-2002, 04:29 PM

تكفى يا المهتوي شف لنا شيء سهل عشان رمضان،وكل سنه ونت طيب:)

سعود

21-10-2002, 12:18 AM

شوق

وين راح المهتوي وطبخته ؟؟

يمكن احترقت.....

قـمـ عشق ـــة

22-10-2002, 09:11 PM

يقولون المهتوي راح يشتري ادوات الطبخ:)(المواعين)
اكيد الشاعر المهتوي عنده طبخه معتبر بس مخلينا كذا ننتظر ونجوع اكثر
يالله يا شوق عجلي علينا سوي له نداء ولا اي شيء نبي نشوف شيء جديد!!
:)

المهتوي

24-10-2002, 02:37 PM

اولا اعتذر لتاخري

ثانيا ابو عمر انت تامر الله يحييك امر ومثلك لايرد له طلب لانك ابو عمر وكفى

ثالثا اخ سعود انت تجبر الجميع على احترامك لذا هذا اعتذار خاص لك على تاخري

رابعا شوق الليلي الله يوفقك ويزيدك من فضله شكرا على تنبيهي

خامسا قمة عشق مدري ليه تذكرت مويضي البرازيه حينما قرأت تعليقك

شفي مسيكينا بوسط الجماعه = يرعى بهمهم والغنم والبعارين
لاقلتله سو العشى قال طاعه = ودنى القواطي والبصل والمواعين
لو اضربه مشتدتا في كراعه = لاهو بضاربني ولا الناس دارين

سادسا الطبخه هذي مافيها مواعين عشان اختنا قمة عشق

واليكم الطبخه

المهتوي

24-10-2002, 02:57 PM

المقادير

1- هرفي صغير جدا واقصد في عمره بشرط الا يخبر احدا منكم الشمطاء (بارجيت باردو) لان المسلمين ماسلموا منها وهم يذبحون الضحايا ابغي اسلم منها وان اسوي تجارب على الهرافي الصغيرة

2- فحم او سمر

3- بهورات لحم غنم

الطريقة

1- تذبح الذبيحة وتفصل رقبتها وتقطع فراسنها - اليدين والرجلين من المفاصل -

2- يبقى الصوف على الهرفي ولايسلخ

3- يفتح بطن الهرفي وينظف ويغسل جيدا ويشرح اللحم من الداخل وتمسح البهورات على الذبيحه من الداخل

4- يغلق بطن الهرفي بسيم او مخيط او اي شي اخر ويغلق من جهة رقبته ومن اي مكان اخر

5- تؤخذ جذوة من النار وتمرر على صوف الهرفي حتى يبقى الصوف قطعة واحدة

6- تكون النار جاهزة طبعا النار لابد ان تكون قوية عشرين كيلو فحم كافيه

7- يدفن الهرفي المسكين في النار اجارنا الله واياكم منها واخواننا المسلمين

8- وينتظر ساعة كاملة ويخرج ثم يفتح وبكل سهوله تستطيع عزله من الصوف وتاكلونه على صوفه

الطعم راح يجمع بين طعم المندي والشياط طبعا البعض مايعرف معنى الشياط وحقيقة اكله جميلة جدا تصلح في وقت الربيع وفي طلعات البر

احفظوها وبعد رمضان سووها

وبالعافية ولاتنسون تقولون قبل الاكل بسم الله وبعده الحمدلله الذي اطعمنا هذا الطعام ورزقناه من غير حول منا ولاقوة حتى يغفر لكم ماتقد من ذنبكم

واسلموا جميعا لاخيكم المهتوي

المهتوي

24-10-2002, 03:00 PM

ارشح الاخ بندر السميري او حمود الصهيبي او سعود

اول واحد يدخل منهم حتى ماتقعون في نفس الحرج

قـمـ عشق ـــة

24-10-2002, 05:52 PM

يا المهتوي يعني ها الحين هلا ابيات الي قلتها انا المقصوده فيها؟؟؟؟؟؟؟؟؟؟؟؟؟؟؟؟؟؟

المهتوي

25-10-2002, 09:42 PM

لا طبعا

المقصود هو انا

وانا هنا حقيقة تعني انا اي تعني المهتوي حتى لايفهم منها اني اتهكم

وهي واضحة وضوح الشمس ولم اقصد فيها الا كل خير

فياليت تظنين فيني ظن الخير

قـمـ عشق ـــة

26-10-2002, 01:03 AM

انما الأعمال بالنيات،،،
شكرا
لك.

المهتوي

26-10-2002, 09:50 AM

ماقلتيلي ياقمة عشق عن رايك بالطبخه

طبعا وين راي بقية الاخوان

شوق الليالي

27-10-2002, 03:05 AM

يعطيك العافيه أخوي المهتوي

وتسلم علي هذا الطبق الذي لم يأتينا الا بعد جهد وعناء من الأنتظار :)

عموما أشكرك علي قبول الدعوة

وبعد أن أمتعنا المهتوي بهذا الطبق الغير شكل ودعوته لأحد الأخوان فنحن نقول 00

تفضل يا........
بندر السميري

عازف

27-10-2002, 03:59 PM

ييييييييييييه هيك ولا بلاش:)
حجاب والمهتوي والحين بندر:)
يالله يا شباب تكفون رمضان على الابواب:)

سعود

28-10-2002, 09:14 PM

المهتوي

مساك الله بالخير

الله يقطع شيطانك..تخيلت اني ابفيضه واللي تحبهم يمنك ويسارك اللي سوي القهوه واللي يصلخ الهرفي

وكلن عرفن شغله والفيضه مختلطن نوارها والصفار وجميع الازهار اللي يحبها قلبك ولا جة ريحتها العصير

وطلبت ربي ان الله يرزقنا بالخير ويجي ربيع يهول هالسنه وسال لعابي على هالهرفي

المهم اوعدك انكان الله عطانا عمر لاسوي هالطبخه ..

الله يعطيك العافيه ماهي مثل طبخات اهل البيض طبعا واخوك اولهم جز مز(الحمدلله )والله انك فشلتناهههههه

بعدين زين اللي قلت هرفي العجوز الشمطا ماتعرف الهرفي..

تحياتي لك

سعوووووووود

عبدالله بن حديجان

28-10-2002, 10:24 PM

بسرعه يالربع شدو حيلكم

رمضان وصل واخوكم عزوبي وجالس في العمل مناوب طوال الشهر :( :(

والهندي اللي عندي أثول

:p :p :o

عجلو علينا بالطبخات الشهييه وياليت اللي يجيد منكم اللغه الهنديه او لغة التقالوا يترجم هنا

للهندي الاثول اللي في المطبخ :D :D

حجاب والله ليجلس هنديي عشر سنوات مسوى أكلتك هاذي :p

المهتوي أخذ بالك من الرويتب :D

تحياتي لكم

عبدالله بن حديجان

28-10-2002, 10:24 PM

سوسن

29-10-2002, 01:13 PM

وينك يابندر يلااااا:mad:

جاء رمضان وأنت ماجيت:D

أمزح تري ننتظرك

بندر السميري

29-10-2002, 07:59 PM

مساء الخير جميعاً

اعتذر لنأخري ويعلم الله اني مادريت عن الموضوع الاّ من الأخت شوق الليالي قبل قليل

موضوع غير وأكلات غير

وانا راح اسويلكم أكلة (تاكلون اصابيعكم وراها) >>>>>>>>>>>> الله من الخرطي :)

والله ياجماعة الخير ان الطبخ في جهة وانا في جهة حتى البيض اللي الشباب يسوونه والله ماعرفله بس اعرف آكل عشان كذا الوزن زايد هاليومين ..

يعني انا من النوع رقم 2

والأكلة اللي احبها ( مكرونة بالباشميل)

والمكونات هي:

استعدوا

اهم شي فيها مكرونة :confused:

والطريقة هي:

>>>>>>>>>>>>>>>>>> ما أفلحت في المكونات وتبي تفلح في الطريقة ( والله ان تبطي) :)

وبالهناء والشفاء :D :D :D

شوق الليالي

29-10-2002, 08:19 PM

شكرا أخ بندر علي المشاركه ويكفي قبول الدعوه

ويعطيك العافيه

شوق الليالي

30-10-2002, 06:48 AM

وبعد أن أمتعنا الأخ بندر السميري

ننتظر الضيف الجديد ونقول له....

تفضل يا.........

أحمد الخالدي

احمد الخالدي

30-10-2002, 07:12 AM

:D

قصدك الشيف احمد...

تبون الصراحه استمتعت بالأكلات كلها...والشباب طلعوا من جنبها بالطبخ...

فشلتونا عند الحريم:)

انا من ناحيتي خاصه بالرحلات البريه الشباب دايم يقولون اطبخ مو عشاني طباخ تمام لالالا

لأن وقت الطبخ تصير حفله ..

تضحكون لو تشوفوني:p

المهم عندي طبخه بر...

وهي الجمريه...

طبعاً المكونات طحين +ملح +زيت

وتقوم بالعجن

الي ان تصبح عجينه مثل عجينة الكيكه....

طبعاً تقوم بأيقاد النار وتكثر من الحطب

ومن ثم تحذف العجينه على النار وتدفن الجمر عليها...

الى ان تستوي....

البعض يحط القصدير...

والبعض بدوي يقطها قط...

وبعد ماتخلص تجيب لبن وسمن واضرب بالخمس....

طبعاً اكلات البر منها الشوي على النار...

والبيض

:D

البيض فينا فينا:)

ومشكوره شوق لأستضافتي وبالهناء والشفاء...

تحياتي

احمد الخالدي

30-10-2002, 07:30 AM

ارشح الطباخ الرائع عزيز النفس

فليتفضل

شوق الليالي

30-10-2002, 07:38 AM

يعطيك العافيه أخ أحمد

وتسلم علي قبول الدعوه

والأن بعد أن أمتعنا الشـــيف أحمد الخالدي .....

ودعوته للضيف الجديد ........

نقول له تفضل يا.......

عزيز النفس

عزيز النفس

01-11-2002, 04:39 PM

[ALIGN=CENTER]هلا وغلا ومليوين مرحبااااااااااااااااااا
معقوله كل الشله هنا لالالا فيه ريحة خيانة وين الباقين يعني ما لقيتو الا انا طيب المطبخ وما ادله الا اذا سرت ابي مويه ولا بيبسي:)لاوبعد الأخ احمد يقول الطباخ طيب يا اخي تطور وقول الشيف ولا المايسترو:) اي شيء بس عاد طباخ هذي والله فيها علوم قبايل:)
ما علينا.....المهم انا شفت طبخات حلوه ولذيذه بس كلها دسم وحنا ياناس حريمنا يشتكون من الكروش ومعهم حق يعني حتى يوم تطلعون طلعات بر ما عندكم الا ها الدسم خفو شوي نعنبو ابليسكم:)
الحريم يبون رشاقه ورياضه وعلوم سنعه الا طبعا المرأه الغيوره بالمررررررررره ودها يكون وزنه 120 كيلو عشان يطلع من البيت وهي مرتاحهاشوف اني طلعت عن الموضوع.
وهقتني يا ابو حميد الله يلعن ابليسك.
بمناسبة اختياري شيف ديمة لهذه الحلقة يسعدني ويشرفني أن ازف اليكم احلى وارقى التهاني والتبريكات بقدوم شهر رمضان المبارك جعله اللة شهر خيرا ونعمه يعم به كل المسلمين، وان ينصر اخواننا المجاهدين في كل الأقطار.

عزيز النفس

01-11-2002, 04:42 PM

طبعا.. انواع الحلى كثير، وانا من محبين الحلى يعني ما عندي كرش:)..وبمناسبة ها الشهر الفضيل راح اعلم المتزوجين امثالي كيف ممكن يساعدون زوجاتهم بشيء حلو يحلي عليهم وقت عصرية رمضان عشان تعدي الأمور على خير وهيه وجبه وحده تسوونها وبعدها شوفو لكم حل قبل المغرب خاصة المدخنين الله يكون في عون زوجاتهم:)
طولت السالفه بس هذا نوع من انواع التعذيب عشان لاعاد تجيبون سيرتي ولا تطلبون مني طلب .
.................................................. ..................
احلى شيء تتسلى فيه في رمضان اللف مثلا لف السنبوسه، لف اللقيمات:) لف اصابع الجبنه، ايه والله اصابع الجبنه راح اقدمها لكم سهله وحلوه ولذيذة.
المقادير:
عجائن سويتز(موجوده في المخازن الكبرى) والمخازن الكبرى منتشره من الدمام الى جيزان.
جبنه كيري، كني شفت واحد هنا حط الكيري على البيض، على فكرة الجبنه على البيض لها طعم مختلف جداااااااا جربوها بس في غير مضان لانها تجيب الاكتئاب:)
جبنه سائله(تعرفونها ذي ولا لا؟)كاسات يعني اي نوع.
شيره( ولي ما يعرف الشيره ممكن المدام تعلمه
الطريقه:
نجيب شريحة (مو شريحة جوال) لالا شريحه من عجائن السنبلة، ونحط بداخلها قطعة من جبن الكيري، ونبدا شغل اللف يعني لف عجينة السنبله على شكل الاصبع:)، وناخذ شوية جبنة سائله ونحطها في طرف العجينه عشان نلزقها لانه لو تركناها كذا اثناء القلي في الزيت حتنفك وافضل شي حسب معلوماتي انه الجبنه تلزقها كويس( الله لايبارك في شيطانك يا احمد) وهقتني
طبعا نكرر نفس العلملية حسب الكميه الي نحتاجها.
نقلي شوية زيت(زيت خاص للقلي) وابد نجيب ها الاصابع ونرميها في الزيت ونتركها مده قصيرة ولا تروح من المطبخ خلك جنب القلايه لانه اول ما تشوف لونها اصبح ذهبي تشيلها وضعها في صفاية لتجفيف الزيت، ولو ما صار لونها ذهبي( عليك ببرنامج الفوتو شوب ولونها)
بعد التجفيف تجيب الشيره وتفمسها وبالهنا والشفا لكم ولزوجاتكم وابناتكم واولادكم وشيبانكم والله مررررررررررررررره حلو في رمضان جربوها وادعو لي واكيد ان شاء اللة بتدعو لي اعرف قلوبكم بيضاء ونا استاهل:)
.................................................. ..
ومش حنسى ان استمر في عملية الخيانه واطالب بشده بحضور الشيف العالمي الماهر في جميع انواع الطبخات وخاصة الطبخات الذوق واسألوني عنه عشنا عزوبية فترة من الزمن، والآن الشيف العا لمي
حمووووووووووووووود الصهيبي
.................................................. .
شكرا للاخت شوق الليالي على طرحها هذا الموضوع الجميل الي يوهق كل شباب ديمة:)
واشكر الأخ احمد الخالدي على اختياره، وخيرها في غيرها يا ابو حميد،والبادي اظلم:)
تحياتي لكم جميعا وكل عام وانتم بخير..[/ALIGN]

شوق الليالي

04-11-2002, 01:18 AM

وبعد أن أمتعنا الشيف عزيز النفس

بأكلته المختاره والتي يتوقع أنها مغشوشه من المدام :mad:
وأعتقد أنه أستوعب الدرس جيدا من المدام لتظهر لنا هذه الطبخه بهذه الروعه

عموما يعطيك العافيه ... وتسلم علي قبول الدعوه

ننتظر الأن الشيف الجديد .........ونقول له تفضل يا00000

حمود الصهيبي

حمود الصهيبي

04-11-2002, 01:24 AM

[poet font="Simplified Arabic,4,black,normal,normal" bkcolor="transparent" bkimage="" border="none,4,gray" type=0 line=200% align=center use=ex length=0 char="" num="0,black" filter=""

السمك بالطماطم

المقادير:

كيلو سمك كنعت

8 حبات طماطم معصورة

5 بصلات مقطعة إلى حلقات رفيعة

نصف ملعقة طعام ثوم مدقوق

ملعقتين كعام كزبرة خضراء مفرومة

نصف كأس زيت

ملعقة طعام ملح

البهارات:

نصف ملعقة شاي مطحون من ( كمون ، خولنجان ، كزبرة ناشفة ، هورد ) ، ليمونة ناشفة مدقوقة.

الطريقة:

1. اغسل السمك () وجففه جيداً من الماء.

2. احضر صينية وضع بها الزيت وأرفعها على النار حتى يقدح ثم أقلي بها السمك دون أن يحمر ( نصف استواء ) ثم انشليه في صحن وضع على الزيت البصل وأتركه على النار حتى يذبل وضع عليه الثوم وعصير الطماطم والملح وجميع البهارات وقليه وأتركه على النار حتى يغلي ثم أسقط به السمك وغطه بورق القصدير وأدخله إلى الفرن 210 درجة لمدة 45 دقيقة حتى ينضج.

3. قبل تقديم صينية السمك ضع عليه الكزبرة الخضراء.

اختار النرجسي

[/poet]

عزيز النفس

04-11-2002, 02:23 PM

الحين يعني انا الوحيد الي طلعت غشاش، اللة اكبر عليكم:)
اقول انا في الطبخ معلم كبير:) سكتو بس:)
حمود:
ابدعت وين ما سويتها لنا ايام الطايف:) اخخخخخخخخخخخخخ منك بس:)
باين عليها طبخه معتبره:) ابجربها ياحمود واحلي باصابع الجبنه حقتي:)............واختيارك للنرجسي جا في الوقت المناسب:) هاهاهاها يالله نشوف وش بيسوي لنا

الشقيان

04-11-2002, 02:29 PM

بصراحة

اشتهيت السمك;)

بندر السميري

04-11-2002, 02:44 PM

فيه غش ياجماعه

حمود مايعرف يطبخ

امّا سمك بالطماطم ياحمووووووووود:)

والمشكلة دقيق في كل شي حتى درجة حرارة الفرن بالأرقام

طيب ياشيف رمزي قصدي........ حمود

احمد الخالدي

04-11-2002, 06:18 PM

3. قبل تقديم صينية السمك ضع عليه الكزبرة الخضراء.

هههههههههههههههههههههههههههههههههه

اتحدى اذا ابو بجاد طبخه كذا....

حمود شكله مسوي نسخ ولزق:D

وعزيز النفس...

قايلي مايعرف يطبخ من وين جبت هالطبخه:D

شوق الليالي

04-11-2002, 06:23 PM

الصراحه الغشاشين كثرو;)

أفرح يا أخ عزيز النفس مو أنت لوحدك :)

أكتشفنا واحد غيرك وماخفي كان أعظم

عموما تسلم يا حمود علي الطبق البحري .... ويعطيك العافيه

وأنت يابندر تفكيرك مثل تفكيري حتي درجه الحراره:confused:

والأن ننتظر الشيف الجديد .........

أنتبه يا النرجسي الي يغش يبان

النرجسي

عزيز النفس

05-11-2002, 03:51 AM

هاهاهاهاهاهاهاهاها الله يرج ابليس يا ابو حميد
ترى ما خفي اعظم خل عنك بس:)
اما حمود اعرفه طبااااااااااااااااااااااااااااخ من الدرجة الأولى شباك:)
اما النرجسي اتوقع منه شيء ما حصل ولا استوى:)
ويا شوق
يقول المثل:
وان سرقت اسرق بعير:)

حجاب طايع

06-11-2002, 02:18 AM

اطباقكم هه يعني مش بطاله بس الحق يقال :D

ماحد تفوق علي :D

لحد الان طبقي الافضل والابقى لاتنكرون اعترفوا

عشان اجيب لكم طبق احلا

قولوا ماشاءالله ;)

النرجسي

06-11-2002, 04:32 AM

أنا ياجماعة ماحب ادخل المطابخ

لاكن دامكم مصرين العوض ولا القطيعة

اللى أعرفه بسويه وحرام بالله مازل عليكم

البيض المسلوق حريف طبخه

والشاى الطايفي وغير كذ لاتحدوني على شىء مابيه

أذكر مرة طبخت مكرونة بالعسل بس ماذكر وش صار بعدها

انواااااااااااااع ألأحراج

النرجسي

06-11-2002, 05:37 AM

المقادير ...

نص علبة مكرونة بتوني

حبتين طماطم مثل خدودي

حبة بصل أحمر هندي

فلفل اسود

نص فنجال زيت العافية

ماء ورد هذا بعدين اقولكم ليش

ربع ملعقة ملح كبيرة

كوبين ماء بس مهوب من موية المصلحة الموية الثانية

فنجال عسل حضرمي

بهارات

وعبي السلة تحلى ألأكلة

الطريقة ...

اول شىء طبعا نضع الكرونة في ماء مغلى لمدة عشر دقائق

ونروح نحط الزيت على النار ونقطع البصل قطع صغيرة جدا يالله تشوفها

ونرميه على الزيت لمدة دقيقتن .

وبعدين نجيب الطماط ونحطه على البصل مع الزيت ونحركه بشويش الين ينضج

وبعدين نضع كوبين ماء على الكشنة اللى استوت معنا ونجيب المكرونة ونصفيها من الماء والملح

ونضعها على الكشنة ونتركها لمدة خمس دقائق وطبعا نضع البهارات والفلفل ألأسود عليها

وأخيرا نضع العسل على المكرونة بعد ما تستوي واذا حبيتوا تحطون لحم مفروم معها يطلع اطيب

المهم الأكلة هذي مرة حلوة وانا جربيتها وطلعت تمام .

لاتنسون اذا خلصتوا من الطبخ تغسلون المواعين

وبالهناء والعافية

والآن أنا بختار الطباخ الشهير ((((((((((((((( نايف السميري)))))))))

تحياتي لكم وإنشاءالله بيضت وجه حجاب

;) ;)

النرجسي

06-11-2002, 05:40 AM

على فكرة ماء الورد هذا عشان تحطونه مع المويه حقت الشرب وتشربونها

جربوها

ملاك الروح

07-11-2002, 11:11 AM

النرجسي

مكرونة + عسل = متأكد :(

اللي يعيش يشوف

:D
بس مجهود طيب منكم يالشباب

يالله

نااااااااااااااايف السميري

:cool:
الدور عليك

=====

على فكرة ترى حنا الصبايا كلنا موجودين نقرأ اخر التطورات
في كل طبخة
لاكن من هول الموقف نترك الرد لشوق الليالي
:rolleyes:

نايف السميـرى

07-11-2002, 07:26 PM

مساء الخير جميعاً ..

وكل عااااااااام والجميع بخير ...

بعدين اخوي .. النرجسي .. انت تعرف اني طبااااااخ ماهر ..

بس دوري هنا ... هو تقييم .. اعمااااال الشباب .

بس الله يهديك حطيتنا في هالموقف المحرج ...

انت ماتدري اني حتى البيض المسلووووووق ما اعرف اسويه .

واااااااااحد واثق من نفسه .... (( ماعندك احد ))

.

انتظروا .... الطبق المفاجأة ..

والله يعينكم على مرااااجعة اقرب عيااااااااااااده .. للبااااطنية ......

يمكن فقط يحصل بس تلبك معوي بسيط .. بس ان شاء الله رااااح يعدي ..

انتظروا معنا الطبق ....

عزيز النفس

07-11-2002, 07:53 PM

مكرونه بالعسل
انتاالي عسل
حلوه منك يا النرجسي نشوف كيف الطعم ونعطيك خبر لكن مش هون على الماسينجر حبي:)

نايف السميـرى

07-11-2002, 09:34 PM

وصلكم الطبق ....

استعدوا ...

الرز بحشوة اللحم والبازلا

المقادير :

( 3- 4) بصل يقطع صغار

لحم غنم .. يقطع صغار

بازلا- جزر

رز - كمون - بهارات

الطريقة :

1- يحمس البصل ثم يضاف له ملعقة صغيرة كمون ثم اللحم ويقلب قليلاً سوياً ثم يضاف الماء المغلي إليه ويترك مدة ساعة . (( واحد مسوي نفسه فاهم ))
2- نخمر الرز في ماء حار ( مع إضافة الملح )
1- تسلق البازلا والجزر في ( ماء + ماجي + ملح ) نصف سلق . (( ياعيني على المفهومية ))
2- يحمس بصل للحشوة حتى يصبح ذهبي .. وليه مايكون فضي .. واحد واثق .. ثم تضاف إليه البهارات وقطع اللحم بدون الماء والبازلا والجزر وتحرك سوياً وتهدأ النار تحته ويغطى ولكن يقلب بين حين وآخر .
3- يصفى ماء اللحم ويوزن ملحه ثم يضاف إليه الرز وان احتاج يزداد قليلاً من الآجي .. (( لو يسألونه عن الآجي مايدري وش هي يارب تعدي )) ومعه طبعاً الهيل المطحون والكزبرة المطحونة تضاف له إذا نهض .
4- ينكب الرز في الطبق ثم توضع عليه حشوة اللحم والبازلا على هيئة طبقه فوقه .. وبالهناء والعافية .

الله يهديهم الشباااااااب فشلونا في اطباااااااااقهم ....

مين نختااااااااااار .. للطبق التاااااااااااالي .....

لحظه خلوني افكر ....

عويد المطرفي ..... استعد ....
وعلى المطبخ لو سمحت يا ابو محمد .....

النرجسي

07-11-2002, 10:51 PM

ملاك الروح

لاتستغربين فيه واحد سوى مكرونة بالمربي

وعيش رجب تشوف العجب

المهم النتيجة مايهم المستوى

تشااااااااو

النرجسي

07-11-2002, 10:52 PM

عزيز

عسى الطبخة زينة

ترى نسيت احط العسل في البداية

معليش

النرجسي

07-11-2002, 10:53 PM

تعالوا شوف الغش عيني عينك

نايف السميري لاطش الأكلة هذى من ال Mbc

أعترف يانايف

احمد الخالدي

07-11-2002, 11:50 PM

ياروحي يالطباخين...

جيت اشوف هالطبخات اللي تفتح النفس...

تحياتي

نايف السميـرى

07-11-2002, 11:57 PM

النرجسي ....

الله يهديك بس ..

مو انت قلت اني الطباااااااااااخ الشهير ...

كيف اجل ألطش ...

الله يسااااااااااامحك بس ...

شف الشباب اللي فشلونا .. الواااااحد منهم ماجاب طبخه
على بعضها ...

نايف السميـرى

08-11-2002, 12:00 AM

احمد ...

ماشفت شيء من الطبخااااااات

اللي الله يعينكم عليها بس ..

اهم شيء ان الواحد قريب منه عيااااااده

طبيه ... يعني لاسمح الله لو حصل شيء وإلا شيء

تعرف يمكن يكوووون فيه لخبطة في المقااادير ..

بعيد الهقاوي

08-11-2002, 12:33 AM

الغالي/ ناااايف..

كل عام وانت وجميع الزملاء والزميلات في ديمه بخير..

اطباقكم لذيذه..

ولكن للأسف انا لااجيد فن الطبخ بصراحه مااعرف غير آكل وان عزمتوني جيتكم مافيها كلام اما ان اتكلتو عليه في الطبخ تبون تموتون من الجوع..

دمتم جميعا بخير..

النرجسي

08-11-2002, 12:40 AM

اتمنى من الأخت شوق الليالي أختيار بعيد الهقاوي للسحور الليلة

عويد الطبخة فيك فيك لاتنحاش

شوق الليالي

08-11-2002, 12:54 AM

أولا أعتذر عن التأخير في الرد بالنسبه للأخوان الي شاركو

الأخ النرجسي الف شكر علي طبقك الحلوووو وممكن تضيف عليه خضار مسلوقه

وتضيف مع نفس المكرونه أثناء السلق قطع صغيره من الفلفل الأخضر البارد ( الرومي )

ويطلع بنكهه أحلي

يعطيك العافيه .......

شوق الليالي

08-11-2002, 01:00 AM

الأخ نايف ياهلا فيك ....

وأعتذر عن التأخير

وكل سنه وأنت بخير

وعلي فكره الطبق جدا رائع بس مين غششك فيه؟

عموما يعطيك العافيه ....... ونشكر علي قبول الدعوة

شوق الليالي

08-11-2002, 01:10 AM

الأخ عويد ياهلا فيك

وكل سنه وأنت بخير

وأتمني أنك تتحفنا بأي شيء عندك حتي لو طريقه الشاي:) أو القهوه أعتقد سهله مره

أو أنك تقولنا افضل أكله تحب تاكلها وأعطينا المقادير لو ناقصه ( يعني الي أنت تتذكرها

من الطبق لأنه مو معقول تاكل وماتعرف ايش مكوناته:rolleyes:

ونشكرك علي قبول الدعوه ........

ويعطيك العافيه مقدما .....

والأن ننتظر الشيف الجديد وهو .....

الشاعر الكبير .....عويد المطرفي

بعيد الهقاوي

08-11-2002, 01:37 AM

اختي شوووووق الليالي..

كل عام وانتي بخير..

والله مااعرف اطبخ واتمنى من الله ان لااحتاج نفسي في هذا المجاااال..

ولكن طالما ان الجماعه ناوين ومعزمين تراي كلمت مطبخ الرياض وهو اشهر المطابخ عندنا في مكه وجهز
(المفطح) والله يحييكم على السحووووور..

تراي في الأنتظااااار

حضاض الحربي

08-11-2002, 01:53 AM

دردشه جميله ولي عليها ملاحظه وتنويه خطييييييييييير . أرجو الأخذ به:

بالنسبه لبعيد الهقاوي .. صفر على الشمال في الطبخ

انا اعرفه زين . لاتحاولون تعصرون اللي ماينعصر . انا بقول شي مهم عن عويد والطبخ .

كنا في رحله في البر وكان عويد معنا تخبر يابو محمد في السيل .. المهم قلنا لازم كل واحد يسوي شي

قام عويد يسوي الشاي . وليته ما سواه . بعد ساعتين قدم لنا الشاهي وكان طعمه ماهو بزين .

ياعويد وش سويت ؟؟ ياعويد . ياعويد . اتضح انه حط الملوخيه بدل النعناع .

عادل بن تركي الهذلي

08-11-2002, 05:06 AM

حضاض
لا تظلم عويد ياشيخ حرام عليك الملوخيه بدل النعناع
هذي مايسويها عويد مرررررررررره .
إلى على فكره ياعويد مطبخ الرياض اللي في العدل ولا في الشرائع
ترانا جايينك بس حدد الموعد , حنا قلنا نجيك مساء الاحد الماضي أنا واحد أبن حلال الله يسامحه قال نبيها مفأجاه لعويد هـــو ترااااااااه من جده لكن بعدها ماسمعته تكلم في الموضوع .
لك تحياتي يالغالي بعيد الهقاوي

حضاض الحربي

08-11-2002, 01:41 PM

النشمي : يا اخي انت وش دخلك ؟؟ بالله عليك ماتبطل اللقافه . ؟؟؟؟؟؟

انا متأكد ان عويد كان بيعترف . وبيقول اشياء كثيره عن مواقفه مع الطبخ . لكن ردك هذا خلى عويد

يغيير رأيه .. عويد حط الملوخيه على الشاهي بدل النعناع . هذي مايحتاج لها شك . ابدا .

وانت ماكنت معنا . وقتها .

وبعدين وش دخل مطابخ الرياض في زيارتك لعويد.؟؟

انت ماتدري ان عويد.. يعتمد على نفسه في طبخ الذبيحه . يعني يقدر يذكي الخروف ويصلخه ( يقشره )

ويقطعه حتت ويطبخه وهو يرف . الخروف اللي برف ماهو عويد .

من الناحيه ذي انا اشهد لعويد ان محترف .

عادل بن تركي الهذلي

08-11-2002, 02:16 PM

هههههههههههههههههههه

ياخوي حضاض

هذي ماهي بلقفه و انا اعرف عويد زين مايسويها ويعز علي كثير لاتظلمه في هذا الشهر الفضيل وتحط

الهرجه فيه بالقوه.

ولا تخليني أعلم بفضايحك على الكورنيش ذيك الليله.... ولا تدري ياليت تسويلنا طبق من يدينك انت ياحضاض

في هذا الموضوع وخلهم يشوفون الشغل

صح ولا لا ياعويد

ولا تنسى الموعد ياحضاض قبل العشر الاوخر تراي انتظر الى الان ردك على أحر من الجمر

تحياتي لكم جميعاً حضاض وعويد

بعيد الهقاوي

09-11-2002, 03:15 AM

حضاض الحربي..

النشمي....

اشوفها طالت وشمخت..

الملوخيه.. ياشيف حضاض مانعرفها ولايعرفها إلا اهل الساحل!!!!

واشوفها طايره بعقلك الله يبارك لك فيها ويسقي مزارعها..

الباميه والملوخيه يدامكم ياهل الوادي..

النشمي/ علم بفضايح حضاض وانا كفيلك في كل مايصير..

حجاب طايع

09-11-2002, 03:58 AM

شكلي احرجتكم ياشباب ;)

مافيه ولاواحد تفوق علي وجاب طبق افضل من اللي جبت :D

لو دريت اني بحرجكم كان رفضت الدعوه :p

الله يسامحك ياشوق خليتيني احرج الشباب :mad:

قـمـ عشق ـــة

09-11-2002, 12:15 PM

الحين طبخو لنا وش فيكم ؟؟؟؟؟؟؟؟؟؟؟
:)

عادل بن تركي الهذلي

10-11-2002, 07:43 PM

بعيد الهقاوي

لالالالالالالالا حضاض قال خلها بيني وبينك حين نتقابل في الموعد اللي بيننا إنشاء الله

ولكن وين الموعد ماحدده وإن طول ماعطاني وقت محدد أبشر لعلمك بكل شئ

لكم تحياتي عويد وحضاض

شوق الليالي

11-11-2002, 08:00 AM

نشكر الأخ والشاعر بعيد الهقاوي

وكنا نتمني نشوف طبق له لكن ...... خيرها بغيرها

والأن ننتظر الشيف الجديد وهو********

عبدالله حديجان

عبدالله بن حديجان

11-11-2002, 08:22 AM

جايك يالمطبخ :D :D

وينك ياعليان اليوم يومك:D :D

دقايق وجايكم ;) :p

عبدالله بن حديجان

11-11-2002, 08:36 AM

المقادير :

1_ صحن دجاج فيليه
2_ ثلاث ملاعق كمون مطحون
3_ ملعقتين فلفل أحمر حار مطحون (( فلفل عليان وربعه ))
4_ عصير ليمون ( ثلاث الى اربع حبات )
5_ ثوم أن توفر ولا كثروا البصل
6_ ربع ملعقة بهارات
7_ ملعقه صغيره ملح

الطريقه :

يشرح الدجاج حتى يبدوا رفيعاً ومسطحاً " يمكن ظربه بالاله الخاصه بالبفتيك عوضاً عن تشريحه وتخلص من العظام "

ثم نخلط الخله من ((2)) الى ((7)) من قائمة المقادير وتوضع في وعاء بلاستيك وبعد ذالك يوضع الدجاج في الخلطه بحيث تغمره الخلطه تماماً ثم يترك جانباً لمدة ساعه
يقلب بعد نشله من الخلطه في وعاء كبير به دقيق ثم يقلى في الزيت

يقدم ساخناً بالهناء والعافيه

عبدالله بن حديجان

11-11-2002, 08:49 AM

ياسر الكنعان قدامي على المطبخ ولبس بدلة عليان

الشيف ياسر الكنعان

شوق الليالي

11-11-2002, 08:52 AM

تسلم الأيادي أخ عبدالله

ويعطيك العافيه ....... طبق رائع فعلااااا

بس كأني أشم ريحة عليان في الموضوع :rolleyes:

عموما نشكر علي قبول الدعوه وننتظر الشيف الجديد وهو ....

ياسر الكنعان

ياسر الكنعان

12-11-2002, 03:10 AM

أسعد الله مساءكم..وصباحكم..
.
.
هاتفني..الغالي..عبدالله...
ليخبرني..بوجوب المشاركة..في منتدى المرأة..
فقلت على الرحب والسعة..
حضرت هنا..وقرأت...
فكانت ردة الفعل التلقائية...هكذا..
(أخو أبوي!!)..تركت الموضوع..وقعدت افكر..في ردة الفعل التلقائية..
أخو ابوي..يعني انا عم (انا)..ماتجي؟!
.
.
عبدالله أراد توريطكم..أعزائي..
ب..(افشل) شيف..على وجه الكرة الأرضية...
.
.
ساذكر لكم هذه الحادثة...بعدها..سأسألكم..مباشرة...
هل تريدون...أن اعد لكم طبقاً رمضانياً..ام لا..
في شهر رمضان المبارك.. عندما..كنت..في صف رابع...
كان عمري وقتها..حوالي عشر..سنوات..
(صغنطووط)...
طبعاً..للحارة جزء..كبير..من وقتنا..في الليل..وخصوصاً في رمضان..
نلعب..حتى ندوخ..ثم نرجع..لنأكل وننام..لاحظوا..نأكل(تحتها..عشرين خط)...
وفي أحد ليالي..ذلك الرمضان...
رجعت للبيت متأخراً..عن وقت العشاء..متقدماً..عن وقت السحور..
ورطة.......واللعب..ماخلى...اي (كربوهيدرات)...
الوالدة..نايمة..ورطة...الشغالة..برضو..نايمه..وبرضو ..ورطة..
عقدت عزمي على دخول المطبخ..والعمل..منفرداً...للإبداع..فقط..
اذكر..ممن يذكرون..أن البيض..اسهل..الماكولات..طبخاً..
فتناولت..بيضتين من الطبق...بعد أن صعدت على أحد الكراسي..
لأني (ماطول) !! سحبت معه..علبة الزيت..أيضاً..والملح..
القلاية..مشكلة..معلقة (تعليق)...لكن الجوع..كافر..سحبتها..بأحد الملاعق الكبيييييرة...
أحضرت الأدوات المطلوبة..
ثم سحبت الكرسي..للفرن...
وضعت القلاية..على أحد..عيون الغاز..
أشعلته..وملأتها بالزيت.................وإنتظرت..
.
.
إنتظرت..
.
.
إنتظرت..
.
.
لكنه لم يغلي؟!
.
.
أراقب الوضع عن كثب..
فقد كانت العملية..تامة الكمال...
ولكن الزيت لم يغلي..
تفحصت النار..فإذا هي مشتعلة...؟؟!!!
هناك..خطب ما..ولكني..لم اكتشفه...
(الظاهر الزيت منتهي تاريخه؟!)..
.
.
جاء الفرج..
وصار الزيت...يصدر..دخاناً كثيفاً...
واصواتاً...تشبه..كث ذرات من الرمل..على علبة بيبسي فارغة....
(الظاهر أنه إقترب من الغليان)....
.
.
كسرت البيضة الأولى..فالثانية...
خفقتهما جيداً بأحد الأكواب..
وحاولت رفع يدي..لوضع البيض في قلاية (الدجاج) المليئة بالزيت (المغلي)....
ثم!!!
.
.
توقف الفلاش باك...
لأن الذاكرة...توقفت عن التصوير في تلك المرحلة..
وكان هناك إنقطاع مرحلي في الصورة..
بين لحظة رفع يدي في مطبخ بيتنا..
وبين فتح عيناي..على ممرضة فلبينية...
تضمد طيبة الذكر (يدي)...
.
.
.
.
سؤالي هو..
هل تودون فعلاً...
أن تتعلموا طبخة..من حضرتي؟!
.
.
تحياتي لقلوبكم..النقية..

شوق الليالي

14-11-2002, 05:54 AM

الأخ ياسر الكنعان

نشكرك علي قبول الدعوه

ونتمني أنك تتحفنا بأي طبق عندك

ويعطيك العافيه مقدما

ننتظر طبقك :)

تحياتي لك

عازف

14-11-2002, 03:32 PM

ما شاء اللة عليكم والله الشبا كلهم فله ولاكنت متوقع شباب ديمه كذا رهيبيييييييييييييييين يالله يا اخ ياسر ننتظر بيضك:) قصدي طبختك ههههههههه معليش اعذرني اكثر الطبخات واسهلها البيض:)

أميـــر القلم

15-11-2002, 07:16 PM

السلام عليكم ورحمة الله وبركاته

شكــــــــــــــــــــــــــــــــر خاص للاستاذه الفاضله شوق .

شكـــــــــــــــــــــــــــــــــــر خاص لاخوانى اللى بيضوا وجيهنا . هنيا .

كل واحد باسمه . كل اللى وضعوا الطبخات . مشاء الله عليكم . وش رايكم طالما انتم طباخين ماهرين .

نسوى لنا مجموعة مطابخ . والله غير انطلع ذهب . هههههههههههههههههه

بس عاد من يتكفل بالديات هههههههههههههههههههههههه

المهم ما قصرتوا والله وبتوفيق يارب .

000000000000000000000

انا بسوى لكم خروف محشى .

المقادير :

1- خروف او نصف خروف او اى جزء حسب المعازيم . نعيمى هرفى .

2- كيلوا او اثنين كيلوا برغل .

3- كحم مفروم اثنين كيلوا .

4- كاجوا ( نوع من المكسرات ) ( نى ) + لوز نى . 100 غرام من كل نوع

5- ست حبات بصل مطحونه /،

7- كمية من ارز الشعلان حسب المعازيم ( ما اسوى دعايه للرز الشعلان ) ولكن هو افضل رز وخفيف .

ههههههههههه

8- نصف كيلوا بندوره مبشوره أو علبه مطحونه ( مش صلصه ) انما علبة بندوره مبشوره . معروفه ترى .

9- بهارات الكبسه ثلاث ملاحق كبيرة .

كميه الملح حسب الطلب .

يترك اللحم يغلى مع تقطيع بصلتين معه ويترك يغلى .

يجهز البرغل ويغسل .

ثم ناتى للحم المفروم ونضعه على النار الى حين يبداء الماء بتبخر وبعد ذلك يضاف عليه بصلتين مبشورتين .

ويحرك ثم نضيف ملعقة صغيرة من البهارات . بعد ان ياخذ اللحم المفروم بلاستواء . يترك على جنب .

وبعدها نضع فوقه البرغل ويحرك على النار لفتره بسيطه .

وهكذا نكون قد جهزنا الحشوه .

بعدها ناتى على اللحم بعد ان اخذ حقه من الاستواء ؟

ونبداء ناخذ الحشوه ونضعها بوسط اللحم .

ثم ناتى بالقدر ونضع اللحم المحشى ونضيف عليه البندوره والبهارات . والمسرات ونتركه على النار الى حين يتشرب الماء الذى فيه .

ثم ناخذ الرز ونطبخه طبخ عادى . خارج اللحم .

وبهذا نكون قد اعددنا الحروف المحشى .

بالهناء والعافيه .

بسوى لكم حلى عبارة عن سله فواكه ان شاء الله .

انتظرونى في اطباق شهيه .

عندى موضوع اطباق عربيه . زرونا تجدون ما يسركم .

تحياتى .

سعود

15-11-2002, 10:57 PM

الله يعطيكم العافيه على هالطبخات الممتازه

والله شهيتونا بهالرمضانيه..

مشكلتي اني مافتح على الموضوع هذا الا بعد الظهر وانا صايم ويسيل لعابي ههههههه

تحياتي لكم ولاختي شوق الليالي

بالنسبه ياخي العزيز امير القلم ماعليك انسوي تامين على المطبخ وبكذا اللي يموت تتكفل التامينات بعملية

التعويض

.

تحياتي

ياسر الكنعان

16-11-2002, 01:42 AM

مساكم/صباحكم..سكر..
.
.
أفضل اكلة..عندي..(خبز الصاج),,,اللي تسويه أمي..
شلون طريقته...؟!...عجين..يرق..يرق..يرق..ويوضع على الصاج..وبس..
.
.
الشيف اللي وراي..أتمنى لو يكون عبدالله بن حديجان...
وأتمنى بعد...يعلمنا..طريقة عمل البعير المحشي..
.
.
تحياتي لكم جميعاً...(رجاء..لازم عبدالله..يسويلنا بعير..)..

شوق الليالي

16-11-2002, 06:07 PM

أشكرك عازف علي المتابعة

تحياتي لك

شوق الليالي

16-11-2002, 06:23 PM

وعليكم السلام ورحمه الله وبركاته

العفو أخي أمير القلم

يعطيك العافيه والله فعلا طبقك رائع بس كأني أشم ريحة غش;)

عاد 100 غرام:D)

(ثم ناتى بالقدر ونضع اللحم المحشى ونضيف عليه البندوره والبهارات . والمسرات ونتركه على النار الى حين يتشرب الماء الذى فيه . )
أما كلمة المسرات هذي هي أساس جمال الطبق:cool:

عموما تسلم الأيادي والف شكر علي هذه المشاركه الجميله وننتظر منك المزيد

تحياتي لك

شوق الليالي

16-11-2002, 06:27 PM

أشكر الأخ سعود علي المتابعه

عموما منور الموضوع ونتمني أنك ماتغيب عن منتدي المرأة

تحياتي لك

أميـــر القلم

16-11-2002, 11:56 PM

الاستاذه الفاضله شوق

اشكرك على التعليق طال عمرك .

طيب مصيرى طال عمرك اصيدك باى خطاء انا راح اترصد لكى من الحين . هههههههههههه

بعدين ترى رمضان والواحد صايم ودايم تسقط كلمات وحروف . هههههههههههههههه

مسكرات ههههههههههههههههه

اقصد فيها مكســــــــــــــــــرات

وبعدين الكميات المطلوبه هى حسب اللى انا اعرفه . وبعدين قلنا 100 غرام ما قلنا كيلو ههههههه

عاد شوفى شوق انا اتحداكى واتحدى كل البنات اللى هنيه امام الجميع .

اللى تعرف تطبخ مثلى .

وهذا انا وهذا انتم . وخلينا نشوف والحكام هم الاعضاء .

ها وش رايك طال عمرك .

انا ابي اسوى لكم الطبق القادم ان شاء الله .

محشى ورق عنب + محشى كوسه + محشى باذنجان + محشى بصل + محشى فلفل رومى .

+ محشى كرمب ( قرنبيط . ) . + محشى طماطم .

ها وش رايكم . نبداء العمل .

شوفى شوق إذا فزتى انتى على راح اقدم لكى مرسيدس موديل 2003 م . واذا انا فزت عليكى .

شوفى عاد وش تعطينى ههههههههههههههههه

تحياتى وتقديري لشخصك الكريم .

وين النخوه والتشجيع يا شباب .

على فكره بالنسبه للشباب اخوانى بالمنتدى . اى شخص يبي وظيفه مكانها الرياض .

الراتب 3000 ريال + بدلات تصل الى 1500 .

الموهلات اقل شىء الشهادة الثانويه .

ترانى مستعد . وانا بخدمتكم. دوم

عازف

17-11-2002, 04:33 PM

حلو
حلو
امير بالله تتوتقع عزوب يمثلي يسوي طبختك هذي يا خوك هذي يبيلها ميزانيه:)
تسلم يدك يا امير وطبخه حلوه وذوق يا اهل الذوق:)
وين الشيف يا شباب ما جا الى الحين شسالفه:)

شوق الليالي

18-11-2002, 12:10 AM

الأخ والشاعر ياسر الكنعان

يعطيك العافيه وتسلم علي قبول الدعوة

ونشكر لك هذا الطبق المتواضع

كان بودنا تلبيه طلبك ودعوة الأخ عبدالله حديجان سبق وأن شارك معنا في تقديم طبق

وحتي تتاح الفرصه للجميع وبعد أذنك طبعا سنقوم بأختيار ضيف جديد 0

تحياتي لك

شوق الليالي

18-11-2002, 12:21 AM

وعليكم السلام ورحمه الله وبركاته

الأخ الفاضل أمير القلم

كل الأطباق الي تعرفها محاشيء ؟؟؟؟:confused:

شكل الطباخ الي عندك متخصص في المحاشيء

وأنا ملتزمة بشروط المسابقه ولن أقوم بتقديم أي طبق الا في موضوع أخر

وأنا قبلت التحدي معاك بس بشرط 0000000

وهو أنه أحنا نكون متواجدين في المنتدي في نفس الوقت ( يعني نحدد وقت نكتب فيه الأكله )

وأنا أختار الأكله الي أبيك تكتب طريقتها وأنت تكتبها مباشرة في نفس الوقت

وأذا خلصت أنت من كتابه الطبق تختار لي أنت أي طبق تبيني أكتبه وأنا أكتبه لك في نفس الوقت 0 هاه ايش رايك؟؟؟؟

يعني المحاشيء سهله والكل عارفها ;)

وياليت تكون في موضوع جديد ...... منتظره الرد

تحياتي لك

أميـــر القلم

18-11-2002, 03:09 AM

الاستاذه الفاضله شوق

يعطيكى العافيه واشكرك على متابعة الموضوع

ما عندى مانع طال عمرك

ولكن حنا بشهر فضيل

والله ثم والله

ان جميع الوصفات اللى اكتبها كلها من تعدادى ولم استشر احد فيها

وعلى العموم انا قبلت الشرط ما عندى مانع اى اكله انتى تبينها ان شاء الله ربنا راح يوفقنى واعرف ازينها

اتفقنا

تسلمين يا الغاليه وربنا يوفقك

فى انتظار الموعد ان شاء الله

أميـــر القلم

18-11-2002, 03:41 AM

السلام عليكم ورحمة الله وبركاته

الاستاذ الفاضل عازف

تسلم يا الغالى

ما عليك تعال اسوى لك كورس على حسابي انت جيب معك بس تصريح من حمود او النرجسى

واذا تبي واسطه جامده جيب معك سعود ولا الشقيان هههههههههههههههه

تسلم حبيبي عازف انت غالى

تقبل احترامى

يبي يظم الشباب لصفه ههههههههههههههههه

سعود

18-11-2002, 07:57 PM

الاخت العزيزه شوق الليالي

حنا دايم معاكم ومتابعين لقسم المرأه ..

ونشوف المجهود المميز اللي تقومين فيه والله يعطيك العافيه

تقبلي تحيات اخوك

سعووووووووود

سعود

18-11-2002, 07:58 PM

امير القلم

مسالفل

اخوي انا دايم بصفك الا اذا كان الطرف الاخر صبيه ماقدر اكون ضد الصبايا وانت عارف رايي هذا من زمان

تقبل تحيات اخوك

سعووووووووود

شوق الليالي

19-11-2002, 01:50 AM

كما عودناكم في كل مره ننتظر شيف جديد

والأن مع الأخ والشاعر ..............

سالم الجهني

سالم الجهني

19-11-2002, 02:15 AM

مسااااااااء الخيرااااااااااااي على الجمييييييع

ياجماعة انا دارس الطبيخ في لبنان يعني بيروووووت يعني استااااااذ وشيف رسمي ؟؟؟؟؟؟؟

بأولكم صبروا علي شوي لكمل الطبق 00000 ورااااااجعين

جهزوا المعالق والشوكااااااات 00 بديش اياكم تأكلوها بيديكم

رااااااجعين

سعود

20-11-2002, 05:50 PM

الاخت شوق

مسالخير

تاخر علينا الجهني وحنا مقابلين المعالق والشوك

والله مادري هو بيصنع والا ابيطبخ...

تحياتي للجمع وكذلك للشيف الجهني

سالم الجهني

20-11-2002, 09:38 PM

هلا خيي سعوووود

عم بأقولك لبناني واحضر طبخه لبنانيه صبرك علي خيي

حلة خضار مشكله مع اللحمه

المقادير

2 كيلو لحمه ضاني
1 كيلو خضار مشكله بطاطا + بزاليا + جزر+ كوسه + بادنجان 00000 زي ماتحبون
معلقتين معجون طماطم + خمسة فصوص ثوم + حباية بصله + بهارات مشكله + ملعقتين ملح + حبتين ليمون ناشف

طريقة التحضير

يحمر البصل في قليل من الزيت
وبعد ذلك توضع اللحمه عليه وتترك اللحمه لين ماتتشرب من البصل ثم ضعوا الثوم بعد هرسه وخلطه والبهارات المشكله والليمون الناشف ثم يترك نصف ساعه على نار متوسطه

ثم تغسل الخضار وتقطع وتخلط في بعضها وتوضع عى اللحمه مع الطماطم والملح وتقلب قليلا وتترك على نار هادئه الى ان تتسبك

وبالهناء والعافيه

الشيف اللي بعدي هو

الشيف الي بعدي هو بخيت الجهني

شوق الليالي

21-11-2002, 09:28 PM

هلا أخ سعود ..... مساء النور

الحمد لله جاء الشيف سالم الجهني وكان تأخيره بكل جميل

وأتي لنا بطبق رائع وطريقة للعرض أروع

ولكن ... الشوك والمعالق لشوووووووو؟ :rolleyes:

يمكن كانت لطبق ثاني ;)

تسلم الأيادي أخوي سالم ويعطيك الف عافيه

والأن ننتظر الشيف الجديد وهو

الأخ الفاضل بخيت الجهني [/COLOR][/ALIGN]

بنت القبايل

23-11-2002, 12:12 AM

بسم الله الرحمن الرحيم

موضوع مميز فعلا

وننتظر الأخ بخيت الجهني وباقي الأخوان

تحياتي

أختكم بنت القبايل

بخيت الجهني

23-11-2002, 12:31 AM

السلام عليكم ورحمة الله وبلركاته
اخواني اعذروني على التأخير 00000000000000
اختي الغاليه شوق الليالي
اشكرك على الاستضافه التي امتعتني كثيراً واحرجتني كثيراً
تدرين ليه لان تحضير الاطباق صعب للغايه ولكن كرمالكم نبي نحضر طبقين
يالله بس اعذروني لو اخطيت في التحضير اتفقنا 00000

اول شي البيتزا
المقادير
2 كوب دقيق
واحد ملعقة خميره
نصف كوب زيت
واحد كوب حليب
2 بيض
تخلط هذه المقادير مع بعضها لمدة ساعتان وتوضع بالفرن
ونضع فوقها الخلطه المكونه من البصل والطماطم والفلفل الاخضر والزيتون والجبنه
انتظروني اجيبها لكم بعد ربع ساعه جهزو الملاعق 000000000000
000000000000000000000
الطبق الثاني
محشي البادنجان والفلف الاخضر والكوسه
المقادير
لحم مفروم
بقدونس
بصل
ثوم
رز بسمتي
فلفل
بهارات
00000000000000
والباقي كملوه مع الطبخ
------------------------------------------------------------------------------------------------------
وهي ترى الاطباق المفضله لي ولو اني ماعمري اكلتها ههههههههه
اختي شوق الليالي اشكرك كل الشكر وهذا ماتوصلت اليه من تحضير اطباق عسى مافيها غلط ترى ناقلها نقل
تحياتي لكم
اخوكم بخيت الجهني

حضاض الحربي

23-11-2002, 12:47 AM

عيني عليك بارده يا بخيت .

سعود

23-11-2002, 10:07 PM

سالم الجهني

مشكور على الصينيه اللذيذه

بس هي توكل عندكم في لبنان بالشوك والملاعق والا لا

تحياتي لك ولاختي شوق الليالي

سعوووووووود

سعود

23-11-2002, 10:09 PM

بخيت الجهني

مسالخير

واللي مايعرف يكمل الطبخه وش يسوي

يطلب من المطعم والا يستعين بصديق

مشكور اخوي على هالطبخه اللذيذه

تحياتي لك

سعوووووووود

سالم الجهني

24-11-2002, 12:02 AM

اخوي سعوووووووود

مساك الله بالخير

يعني لازم تدقق الله يهديك وبس

بعدين شايفك مستعجل شوي غيرت الطبق

والا كنت باحضرلكم طبق لاسار ولاستوى

بصراحه 000000 ورطت ياخووووووووك

وقلنا وجها" تعرفه ولاوجها" تنكره

والا موووووو خيووووووووو سعوووووووود

وبعدين انا عزمك بلبنان بس لاتنسى تجيب الشوكات والمعالق معاك

وشوف التوقيع هذا هو لبنان حقنا vvv

سعود

24-11-2002, 12:31 AM

هلا والله خيي سالم

والله ان اللي شفت ابتوقيعك ابرك من الف لبنان

ايه وانا خوك هذي الجلسه والا بلاش نشاما وسط بيت الشعر والنار شابه والعلوم الغانمه وانت من اهلها

يالجهني ...

وفيه بيت شعر مدري من قايله بس اعجبني يقول:

اخير من ربع قعود على البار .............اللي دراهمهم كلتها المساري

وشفيها لبنان والله ياخوك مافيه الا ضياع دنيا ودين.

تقبل تحيات اخوك

سعوووووووود

سالم الجهني

24-11-2002, 07:30 AM

مشكووووووور اخوي سعوووووووود على تجاوبك وعباراتك الجميله التي تنم عن اصالة معدن ووازع ديني

والله ترى العلوم مثل ماقلت

والله يحييك ومن حضر معك قول وفعل

على الشبه والعلوم الغانمه

شوق الليالي

30-11-2002, 11:52 AM

بطلب من بعض الأخوان نعود اليكم من جديد بتقديم أطباق شبابيه جديده

ونقدم لكم شيف جديد وهو

غيمار فليتفضل

أختكم شـــوق الليــالي

المعـلـم

24-04-2004, 01:29 PM

الاخت شوق الليالي

وين هالمواضيع الجميله اللي مثل هالموضوع ياليت تسوون جزء ثاني

نبي نشوف ابداعات الشباب

تشكراااااااااااات

غيمار

25-04-2004, 02:46 AM

أشكر الأخت ندى الحب على دعوتها لي والشكر موصول للأخت شوق
موضوع جميل للغايه وشيق وفيها توريطه

بس يالله لجل عين تكرم مدينه

لونا نسينا العزوبيه من زمان أوي يعني مره
بس ترى دايم نطلع طلعات عشان نطبخ حنا لأن لها طعم خاص

أول شي الأكلات المشهوره في المدينه اللي متواجد فيها( المنتو والفرموزه) بس الفرموزه لها طعم خاص

مستعجلين تبون الطبخه

معرف هههههههههههههههه

طيب وش رايكم بالكبسه المقلوبه أكيد تعرفونها

أجل أغيرها

الحقيقه المندى له طعم خاص وله خرمه تجي فالراس وسهل للغايه

واصعب مافيه البرميل المدفون في باطن الأرض

المقادير

1- تيس توه مقروع هههههههههه اللي ماهو فاهما يقولي وفلفل أسود حب والرز حسب المتواجدين

2-يقولون القدر مايركب الا على ثلاث 0 يعني ثلاثه أكيله وكل واحد أطيب من الثاني ماهو الواحد يروح ينداله تيس لحاله

الطريقه

أ- أرملك قترتين حطب فالبرميل اللي تحس انهه تسوي التيس

ب- أمسك التيس واسدحه مستقبل القبله وسم باسم الله واقطع راسه ولا تخاف تراه تيس

ج- أصلخه واصلخ راسه وقطعه قوايم مفصله عشان يستوي

د- ملحه حسب المزاج

ج- أوزن الرز والماء في القدر ونزله فالبرميل بعد يجمر الحطب ولا يكون فيه عود يدخن

هـ-حط الشبك فوق القدر وانشر فوقه اللحم وحط بين اللحم بشام ولا مرخ والله ياهو طعم بس البشام أحسن

لاتقولون ماتعرفون البشام والمرخ واللي مايعرفها شجر البشام جبلي والمرخ ينبت فالسهل

ثم أحكم الغطاء وضع فوقه موكيت أو كرتون ثم أدفنه بالتراب تماماً بس لاتضيع محله ويروح تعبك بلوشي

وبالعافيه على قلوبكم

آآآآآآآآآآآآآآآآآآآآآآآآآآآه تعبت

هالحين اباأختار الطباخ اللي بدي هاتولي بعيد الهقاوي

ولكم شوقي وتقديري

غيمار

ندى الحب

25-04-2004, 02:27 PM

اممممممممممممممممممم

تيس ؟! فيه قرون والا لأ :D

عاد تصدق ما عرفت لا البشام ولا المرخ :p

تسلم يدك يا غيمار ..

غيمار

25-04-2004, 04:40 PM

ندى أنشالله

أنزلها صور أعتقد تعرفينها بس الأسامي تختلف

بس وشرايك

أصلح شيف ماهر

غيمار

شوق الليالي

25-04-2004, 06:06 PM

أشكر الأخ غيمار علي تقبل الدعوه

وأمتاعنا بهذا الطبق الرائع

وننتظر الشاعر بعيد الهقاوي

إيمان

26-04-2004, 12:12 AM

غيمار
شكر ا على هذة المشاركه

تحياتي

غيمار

26-04-2004, 12:38 AM

شوق الليالي

العفو ياسيدتي

ومما يسعدني المشاركة معكم

غيمار

غيمار

26-04-2004, 12:46 AM

شمس الأصيل

عفوا

غيمار

بنت الغربيه

26-04-2004, 07:48 PM

موضوع رائع وودنا نشوف ابداعات التماسيح:D

أبدعت غيمار
تحياتي :cool:

عزيز النفس

27-04-2004, 01:16 AM

لي مدة عنكم
وحشتووووووووووووووووني
واحلا تمساح غيمار ما قصرت ومدري بالله وشلون التيس احمر ولا ازرق:)
تسلم يدك يا شيخ ايه والله ذكرتنا باالعلوم الزينه:)

غيمار

27-04-2004, 03:09 AM

بنت الغربيه

شكراً أعتز برأيك ياأيها القمري

غيمار

27-04-2004, 03:16 AM

عزيز النفس

يسلم غاليك ولون التيس أظنه ماهو بخافيك لونه

تحياتي

غيمار

عزيز النفس

28-04-2004, 01:58 AM

التيوس الوان
وامووووووووووووت في اللون الفوشي
وعندي تيس لونه احمر وناوي ارشه فوشي:)

شوق الليالي

28-04-2004, 03:09 AM

منور أستاذ عزيز النفس

أسعدنا تواجدك

شوق الليالي

28-04-2004, 03:17 AM

نظرا لإعتذار الشاعر بعيد الهقاوي بسبب ظروفه الخاصه

نستقبل شيف جديد وهو :

الشاعر فوزي المطرفي

غيمار

28-04-2004, 07:00 PM

ههههههههههههههههه

عزيز النفس لاأملك الا أن أضحك

أعتقد نحن في منطقه ملبده بالغيوم وفي أي لحظه من الممكن التعرض لصواعق رعديه شديده

دعنا نضحك

غيمار

إيمان

29-04-2004, 02:41 AM

استاذ فوزي المطرفي

وش هالحلا الله يحلي ايامك وربي روعه:)
اتفضل:

ندى الحب

29-04-2004, 11:27 PM

امممممممممممممممممممم

ابي أجربها وأذوق هالحلا الرجالي :D

يسلمووووووو يا فوزي بصراحه حلا أول مرة أشوف فيه كيري >>>>>>>> على بالي كيوي وأستانست >>>>>>>>>> وحده تحب الكيوي :p

تسلم يدك وان شاء الله تطبخ لنا حلا بمناسبات حلوة ;)

شوق الليالي

30-04-2004, 05:42 PM

تسلم الأيادي أستاذ فوزي ويعطيك الف عافيه

والأن ننتظر إختيارك لشيف جديد

تحياتي

شوق الليالي

30-04-2004, 08:44 PM

إختيار موفق

وننتظر ألأخ حمود الصهيبي

وممكن تحدد اللي تبي شاعرنا علي ضيفك:)

بنت الغربيه

30-04-2004, 09:48 PM

هلا تمساااااح فوزي أقصد أستاذ فوزي
مساءك توونه:D
طبق بصراحه جنان ;)
أتوقع كذا تقدر تقفل المسنجر :mad: أوووه أقصد النار عشان الطبخه لاتحترق:p
بعدين نبي أكله مالحه مدامك خطير كذا:D
ولا أنه تطلع ضغط الشيف اللي أخترته:mad:
:rolleyes:

شوق الليالي

03-05-2004, 05:41 PM

هلاا استاذ فوزي المطرفي

ياليت تخلوني اختار الطبق بعد >>>>>> حاقد

أقصد أنه بإمكانك تحدد الطبق :) ردا علي جملتك السابقه

ومازلنا ننتظر قدوم الشاعر حمود الصهيبي

عبير الشرق

05-05-2004, 06:44 PM

امممممممممممممممممممممم

الله والله الشباب يعرفوا يطبخوا

انا لما اتزوج لازم زوجي يكون يعرف يطبخ هذا اهم شرط ابي اضيفه على الزوج

يسلموا عيوني شوق على هالموضوع تصدقين قريته من اول الموضوع الى اخره بس فيه طبخات ماعرفها

بنت الغربيه

08-05-2004, 03:10 AM

استاذ فوزي:D :D :D
<<<احرجتني صراحه ما احب ارد من غير ايقونات
لزووم الأكشن;)
بعدين تعال ماتخلي شي الا وتدقق فيه أرحم عيونك:D
وين ضيفك الحين:mad:
ملينا انتظار:(

اقول عبير قمي بس قمي:D

<<<<<<<ودها تكفخ عبير الشرق:D

عدد الايقونات 10عشان بس خاطر الاستاذ فوزي;)

إيمان

08-05-2004, 03:47 PM

:D

شيفين في الراس يوجع:D :D
استاذ فوزي حط اختيارك من هووووون من منتدى ديمه لان منتدى مقناص مو فاضين تعرف قناص وكشتات ومحد يمك :D :D

انتا حط اختيارك وانا اجيبه لك:p

ندى الحب

08-05-2004, 03:53 PM

هههههههههههههههههههههههه

من جد قوي يا فوزي

طلعت شيف مخرب :D >>>> يوووه قصدي شيف سياسي

المهم الشيف الشاعر مو فاضي >>>>>> هو شو بيطبخ شعر والا تونه :D

هات لنا واحد من شله التماسيح اللي ببركة وسع صدرك ;)

فوزي لا تنسى تشتري صبر بالطريق

ما عندنا هنيه :D

مياسم

08-05-2004, 06:22 PM

تسلمو جميعا احلى طبخات لاحلى تماسيح

تشكراتنا

الي والله ضعنا والمستشفيات فتحت ابوابها

تفلقاتي

شوق الليالي

08-05-2004, 08:13 PM

أشكرك لأختياري للشيف:)

أنتظرونا مع شيف جديد;)

شوق الليالي

11-05-2004, 03:57 PM

يسعدناأن يكون شيفنا القادم

هو الأخ الفاضل المعلم

بإنتظاره:)

المعـلـم

11-05-2004, 05:01 PM

والله هذا اسمي مو معقوله ياناااااااااس ياهووووووووووووووه ماعرف اطبخ هذي والله الورطه

بس ولايهمكم ماقدر اقول للنواعم غير امركم

انتظروني

إيمان

12-05-2004, 02:37 AM

|69|

|68|

المعـلـم

13-05-2004, 01:22 PM

عدنا

السلام عليكم ورحمة الله وبركاته

طبقنا اليوم مختلف عن الاطباق اللي فوق يعني بالفصيح شعبي

دائما نطلع للبر في رحلات وكل مكان نجي فيه نحفر حفره وننزل البرميل وندفنه مايطلع الا فتحته من

فوووووووق والطبق اللي نبي نعمله سوى هو خرف مندي

ايو اكيد بتسئلوا عن البرميل بعد مانخلص من الطبخ وش نسوي فيه نتركه في مكانه علشان اذا جاء احد

بعدنا يلقى البرميل جاهز ومايتعب بالحفر او نرجع له مره ثانيه:)

طبعا نحط حطب بالبرميل ونولع فيه حتى يجمر يعني يستوي الحطر يصير احمر ياسندريلا:)

واثناء توليع النار نذبح الذبيحهزنسلخها ونعلقها بجنب السياره ونفتح فتحه صغير بالبطن ونطلع البلاوي اللي

فيها ونغسلها ونخليها حتى نعمل شي ثاني..

نجي للخلطه السريه

1) حفنة بهورات طبعا مافيه ملاعق ولا خرابيط المقاجير من راسك سو اللي تبي

2) ست حبات ليمون

3) اربع قواطي صلصل

4) شوية ملح

هذي مقادير الخلطه السريه نعصر الليمون ونفتح قواطي الصلصل ونخلطها مع البهورات في قدح

ونجيب الذبيحه ونمسحها بالخلطه السريه من برا ومن داخل ونخليها على جنب

بعد ذلك نجيب قدر ( يعني طنجره هههه)

ونقطع بصل وطماط ونسوي قشده ههههههههه

ونحط عليها شوية مويه ونكت الرز فوقها بعد مانملحه

بعد كذا وبعد ماتجمر النار وتستوي زين ماعاد فيه دخان نعلق الذبيحه بصيخ نربط يديها ورجليها بالصيخ

ويصير ظهر الذبيحه للاسفل وننزل القدر على النار ونعلق الذبيحه بالبرميل ونجيب صح معدن ونغطي

البرميل ونمسحه بطين( بوجه العدو) حتى مايطلع دخان منه ابدااا واذا طلع منه دخان تخرب الطبخه اهم

شي مافيه تنسيم ونوقت الساعه وبعد ساعه ونص او ساعتين الا ربع حسب حجم الذبيحه كل ماصغرت يعني

كانت الذبيحه هرفي كل ماكان الوقت اسرع واقل وقت هو ساعه ونص

ونروح نسولف والا نلعب ورقه ونتقهوى (طبعا قهو وشاهي) يعني نقضي وقتنا في اي شي حتى ينتهي الوقت

اللي حددناه وبعدها نشيل الطين اللي فوق الغطا ونرفع الغطاء بشيويش على شان ماينترب الاكل ( ينترب الاكل

يعني يصير فيه تراب ياسندريلا)بعدها نطلع الذبيحه وهي معلقه ونحطها على جنب ونطلع القدر ونغرف الرز

اللي يهبل ( سال لعابي :D )

ونحط فوقه الذبيحه بعد مانطلع الصيخ منها ..

طبعا بعضكم بيسئل كيف يستوي الرز ويبي يصير دهن كله من شحم الخروف نقوله بالعكس

سره في دهنه ههههههههههههه

وبالهنا والشفا........ز

ان شالله تكون الطبخه اعجبتكم يااااااااااارب

تشكراااااااااااات للجميع

ايو ان شالله نجيب لكم شيف او شيفه هههههههههههههه بعد ماتتعشون ههههههههه

شوق الليالي

13-05-2004, 01:43 PM

يسلموو الأيادي المعلم

طبق قديم ولاكنه رائع

بأنتظار أختيارك

تحياتي لك

المعـلـم

14-05-2004, 06:50 PM

يعني ماعجبكم انا عارف انكم ماتبون الا صواني

وحركات هذي ماعندي اطلبوا الله شوفوا لكم غيري :mad: |4|

يمكن الشيف اللي ابختاره يحقق رغباتكم في اكلات خفيفه وتحبونها:(

الشيف هو::::::::

|4|

|4|

شاااااااااااااااااااارلي:) ;)

إيمان

14-05-2004, 10:20 PM

يسلمو المعلم
لاجد روعه:)
بانتظار الشيف الجديد

شوق الليالي

15-05-2004, 03:14 AM

هلااا با المعلم

مو ماعجبنا بالعكس من الأطباق المفضله عندي;)

يعطيك الف عافيه:)

بأنتظار الشيف شارلي

المعـلـم

15-05-2004, 10:14 AM

شمس

شوق

شكرا لكم وبالهنا والشفا

شــــارلى

17-05-2004, 03:36 AM

بسم الله الرحمن الرحيم

السلام عليكم
(طبــــــــــــــــــــــــــق اليــــــــــــوم )
< خا ص>

احلا طبق ماأكلتوه ولاراح تاكلونه في حياتكم الأكليه

اتمنى ان تكونوا جاهزين ومستعدين معانا اليوم

هذه ألطبخه مايعرف يعملها الأ أثنين هم:

أنا وأعوذ بالله من كلمة أنا......واحد ثاني في الصين

لاكن للأسف اغتيل بسبب هذي ألطبخه

ياترى انتم متحمسين والا خفتوا من سالفة الأغتيال

رغم هذا كله راح اقول لكم ايش هي :

اللي ماجاب ورقه وقلم ايش ينتظر هيا قوم غيرك يتمنا

اقوله عن ألطبخه :واتمنا أنه تسامحوني لأنه ماأدري هل أبقا

معاكم بعدها والا ( ). أخاف اقول.....

ولوسمحتو يمنع نشرها لأنه حقوق الطبع محفوضه

الطـــــــــــــــــــبق

(طريقــــــــــة تحظير الفصــفص)

مقدمه عن الفصفص:

الفصفص أكله مشهروه وخاصة إثناء السوالف

بشكل خاص ولا تحلو السوالف الابهذه الوجبة

ولذلك سوف نقدم لكم هذه الو جبه الفصفصيه

لكي تحلا السوالف في ديمـــــــــه

وسوف نشرح لكم هذه ألطريقه الصعبة التي أتعبت الكثير

والكثير من الطباخين الماهرين على حد قولهم وما يزعمون

به من مزاعم .........تابع الجزء الثاني من ألطبخه الفصفصيه

اربطو بطونكم يعني جمع بطن وهو المفرد لبطونكم .......

وخلوها اليوم ( رجيم ) ....ولا يمنع أكل العنب وخاصة العنب

ألبناتي ويفضل إن يكون أكل العنب حبه ..حبه

إلى اللقاء في الجزء الثاني

:D :D :D

المعـلـم

17-05-2004, 07:49 AM

الحمد لله والشكر له عاد فصفص ياشارلي ربنا على المفتري

شوق الليالي

19-05-2004, 11:25 PM

أسعدنا تواجدك أستاذ شارلي

وكنت أتمني أن يكون الطبق من أبداعك

عموما يعطيك الف عافيه

بإنتظار اختيارك لشيف جديد

تحياتي

المعـلـم

20-05-2004, 11:55 AM

ماشفنا طبق ولا حاجه

ماشفنا الا التوقيع الجديد الحمدلله والشكر له

سندريلا

20-05-2004, 12:41 PM

|161|<<اثبات وجود

بقلم سمو الاميره سندريلا

شــــارلى

21-05-2004, 01:19 AM

الشيف التانى

شارلى

انتضرونى

الطبخه السابقه مزحه لااحد يزعل

وابشرو

شوق الليالي

21-05-2004, 04:16 AM

بإنتظارك

المعـلـم

21-05-2004, 11:24 AM

الاخت شوق الليالي

صباح الخير

ممكن

غني ياليل مطولك

هذا شارلي يبي ياخذ شهر على هالمنوال كل شوي انتظروني

تشكرااااااااااااام

شــــارلى

23-05-2004, 04:16 AM

السلام عليكم

وش اخباركم انشالله تنتظرون الطبق اليومى

تصدقون جربت الطبخه ثلاث مرات قبل اجيكم

(طبق اليوم من المغرب العربى)

الطاجن

المقادير:

1) كيلو لحم مقطع شرائح

2)نص كيلو بطاطس تقطع شرائح

3)حبتين طماطم مقطعه شرائح

4)كبايه شاى صغيره زيت العربى

5)لتر ونصف ماء

6)بصل عدد واحد مقطع شرائح

7)طبق فخار مع القمع

طريقه التحضير

يضاف قليل من الماء فى القدر مع الطماطم والبصل

وتقلب على نارهاءئه لمده سبع دقائق (كشنه)

ثما يضاف اللحم مع قليل من الزيت لمده 18 دقيقه

فى هاذى اللحظه يكون اللحم على وشك الاستوا

تضاف عليه شرائح البطاطس مع قليل من الزيت

تصبح الطبخه جاهزه بعد 25دقيقه

المعلم اكل واسكت الله يدوخك

:D :D