مشعان الرخيمي
19-10-2002, 10:52 PM
رعشة الساعه زلازل تصرخ بوجه المكان=الوعد مر وتعدى والخبر مامن خبر
بعد ما ودعت جمري طرت لعيون الجنان=وطحت من قبل التقيها في وعيد يستعر
كنت احلم باللقا كنت ادري ان العمر فان=وقلت:ان مدت لي كف ب ارتمي به واحتضر
حتى ظلي مـ انتظرني قبل لا يحين الاوان=راح يركض والتفت ثم قال:ازريت انتظر
وسالفة شوقي روايه ما يتممها لسان=فالصدر صفحاتها مكتوبه بحبر الجمر
كنت اوصي خافقي:لا تدخل بشرح وبيان=ضمها لامن لفتني والروايه تختصر
وساعتي نبضاتها خوف خنق روح الامان=لين عقربها تلعثم:يا وعد دوبك..صبر
بعدها خر بسجود تحت اقدام الزمان=يرتجي لحظه ولوهي اخر انفاس العمر
ما لقى به اي رحمه ادرك ان الموت حان=وطاف مابين الثواني ايتخير له قبر
وين انا؟وين المدينه؟بعد ما عدت "ثمان"=اشهقت هالريح من ثم انفجر دمع الحجر
ماتت الدنيا بعيني بس ما ماتت روان=طفلةتتمرجح بقلبي ويقطفها الزهر
الحنايا ارضها تعبث وتنحتها عشان=تغرس الذكرى وتورق فيني جروح خضر
اقلب الايه واكابر رغم طغيان الهوان=والعب فعز انكسار الحيل دور المنتصر
ما كشف وجه الخضوع وما كسر ذاك الكيان=غير شوفة"ظلي"اللي من حنينه انكسر
يوم طحت وشفت جفني اطلق الدمعه وخان=صحت:تكفه..صاح:قلي كيف اخبي هالبحر؟!!
وما وعيت الا بصوت:هيه هيه الصبح بان=يله صح النوم..قمت وشابت عيوني ذعر
والتفت لوسادتي واقرا عباره للزمان=احلم بكيفك..ولكن حسك تدور خبر..
بعد ما ودعت جمري طرت لعيون الجنان=وطحت من قبل التقيها في وعيد يستعر
كنت احلم باللقا كنت ادري ان العمر فان=وقلت:ان مدت لي كف ب ارتمي به واحتضر
حتى ظلي مـ انتظرني قبل لا يحين الاوان=راح يركض والتفت ثم قال:ازريت انتظر
وسالفة شوقي روايه ما يتممها لسان=فالصدر صفحاتها مكتوبه بحبر الجمر
كنت اوصي خافقي:لا تدخل بشرح وبيان=ضمها لامن لفتني والروايه تختصر
وساعتي نبضاتها خوف خنق روح الامان=لين عقربها تلعثم:يا وعد دوبك..صبر
بعدها خر بسجود تحت اقدام الزمان=يرتجي لحظه ولوهي اخر انفاس العمر
ما لقى به اي رحمه ادرك ان الموت حان=وطاف مابين الثواني ايتخير له قبر
وين انا؟وين المدينه؟بعد ما عدت "ثمان"=اشهقت هالريح من ثم انفجر دمع الحجر
ماتت الدنيا بعيني بس ما ماتت روان=طفلةتتمرجح بقلبي ويقطفها الزهر
الحنايا ارضها تعبث وتنحتها عشان=تغرس الذكرى وتورق فيني جروح خضر
اقلب الايه واكابر رغم طغيان الهوان=والعب فعز انكسار الحيل دور المنتصر
ما كشف وجه الخضوع وما كسر ذاك الكيان=غير شوفة"ظلي"اللي من حنينه انكسر
يوم طحت وشفت جفني اطلق الدمعه وخان=صحت:تكفه..صاح:قلي كيف اخبي هالبحر؟!!
وما وعيت الا بصوت:هيه هيه الصبح بان=يله صح النوم..قمت وشابت عيوني ذعر
والتفت لوسادتي واقرا عباره للزمان=احلم بكيفك..ولكن حسك تدور خبر..