المسافر

[ابراهيم النجيدي]

رح بالسلامه انا ما ابي تواسيني "=" انا على صكت الايام معتادي
وش عاد لوشفت لون الحزن في عيني "=" اظن انا الحزن خاواني من مهادي
ياللي نويت السفر وادع وخليني "=" ما دامني اتصنع وضعي الهادي
احس بالدم ضاقت بة شراييني "=" والقلب دقاته من الحزن تزدادي
يرجف وترقص على صوتة شياطيني "=" والعين جوة سحاب وفية وفيه رعادي
اظن ودك قبل تشكي تبكيني "=" ياللي بوجهي تدورلك على غادي
تبكي لفرقاي وضعفك شامتن فيني "=" اليا انثنى لعزتي وارتاح لعنادي
مع انك البارحه بالحيل موذيني "=" وزاد السهر في عيوني وطول سهادي
يومك تقول امس ما ودك تخاويني "=" جرحتني وانت عارف غايه مرادي
والفرق واضح مابين ظروفك وبيني "=" ما انت بعادي وحبك واحدٍ عادي
رح بالسلامه وعقب الصيف بتجيني "=" صابر على صكت الايام معتادي

[حجاب طايع]

ابراهيم وقصيده محلقه بنا الى عالم الشعر الحقيقي

تمكن

اجاده

حرفنه

شعر

هذا هو النجيدي في اول هطوووووووووووووول

دمت لي ياشعر


(قمت بتعديل اكثر الكلمات المكتوبه خطاء مطبعيا )فلتعذرني

[سعد العازمي]

السلام عليكم ورحمة الله وبركاتة

الغالي ابراهيم النجيدي

صح الله السانك ولاهنت على القصيدة

تحياتي لك

اخووووووك

ســـــعـــــد العازمي

[بندر السميري]

ابراهيم



وحضور اول مشرق يعانق السحاب


اهلاً بك وبماحملته لنا من جمال


تحياتي لك..