المساعد الشخصي الرقمي

مشاهدة النسخة كاملة : يابنات ترانا معزومات على طلعة بر

العيـــون
16-07-2002, 08:27 AM
يابنات ترى انا اتكلم جد الجد حمود الصهيبي والنرجسي قالوا انهم بيودونا للبر ويذبحون لنا خروف ويسوون لنا مفطح بعد بس انا قلت لهم لا ماله داعي المفطح نبي قوزي انا وبنت القبايل مانشتهي الا قوزي

عاد وش رايكن انتن؟؟ قولن وش تبن بعد قبل مانطلع

طيب

بايوووووووووووو:D
شوق الليالي
16-07-2002, 09:09 AM
هلا وغلا بــ العيون

صراحه كان ودي اروح معاكم بس صراحه طلعه فيها بر

من الحين أعتذر :(

بالرغم ودي أكون معكم بس تعرفون ياروح مابعدك روح

أنا بصراحه أخاف من البر والبحر والجو هههههههه عارفه ماخليت شيء

بس وحده ماتحب الروحات ولا الجيات 0

عموما الله معكم لو كنت طالعه كان أخترت ( سليق )

يلا مدام الموضوع فيه بنت القبايل عليكم السلام :D


متأكده منها تطلع معاكم لو بلمريخ مو عشان التمشيه :rolleyes:

عشان الأكله 0

الله يعينكم بس نصيحه لكم جميع بنت القبايل لا تاخذ الخريطه

وتدلكم علي الطريق تري لها سوابق عشان كذا حرمت أطلع براري :confused:


تقديري وأحترامي ...........أختك شـــوق
حنيةعبدالعزيز
16-07-2002, 01:21 PM
انا بطلع معاكم بس كثروا الاكلات البحريه
العيـــون
17-07-2002, 04:32 AM
شوق حنا ماعلينا من بنت القبايل حنا بنطلع ومعنا سواقين

بنت القبايل بتركب وهي ساكته والا انا اوريها الشغل عدل:)

لا شكلها عاقله حرام نظلمها مابعد ردت

ننتظر ردها:)

بايوووووو
العيـــون
19-07-2002, 01:43 AM
اما بر واكلات بحررررريه

وين رايحين الحوطه حنااااا؟؟:)

بايوووو عيوني جهزي المايوه عشان بنسبح بالبركه:)

بايووووو:)
سلطان الاسيمر
22-07-2002, 06:17 AM
العيون






من اللي بيسوي العشاء :(



ترى الرجال مايعرفون حق السوالف هذي :mad:





بس لاتقولين انتي
عازف
23-07-2002, 06:56 PM
شركة عااااااااازف لتاجير لوازم الطلاعات البرية والبحرية والجوية والدفااااااع الجوي
صحون
ملاعق
كبريت
ـ ـ ـ ـ ـ ـ ـ ـ
دفايات
غسالات
مكيفات
دبابات
الخ الخ الخ
في خدمتكم الاتصال على عااااااااازف فووووووون
999999999999وبعدها تسعتين:)
العيـــون
24-07-2002, 08:08 AM
سلطان والله لو جت الدعوه علي يعني مالك امل

بس اذا انت بتطبخ لي ماعندي مانع ممكن..!!

اظنك موافق ماتقدر ترد لي طلب صح:)

تسسسسسلم لي:)

ابي رز ولحم:)

بايوووو
العيـــون
24-07-2002, 08:09 AM
عازف ماتقصر ياطويل العمرررررر:)

فديتـــك انت والتسعات:)

تحياتي

بايووووووو
النرجسي
25-07-2002, 03:48 AM
أقول مافيه مثل طبخ البيت;)


وبعدين الحين حنا بشهر آب .........اللّهاب


:(


بااااااااااااااي
العيـــون
26-07-2002, 05:40 AM
ايه ايه صررررفها اصلا حنا مانحب البرررررد نبي الحر وش دخلك انت ماعليك الا الطبخ طيب :)

بايوووووو:)
فارس نجد
26-07-2002, 06:33 PM
هيه

وين وين عسي ماشر

طلعه ولا عندي خبر

والله لو ماتعلموني وين رايحين ان لعترضكم عند

دوار العويضه:mad:

ماعندنا بنات يرحون بالحالهم:mad:

لازم فيه معكم واحد محرم لكم

وطبعا من فيه غيري:D

المهم

ترى حصلت لكم طعيس في الثمامه

والله ياجلسه على راسه انها ترد الروح

بس شوفوا ترى نبيكم شقرديات

ابي العيون تمسكي الخروف وتسدحه على جنبه

وشوق معها السكاكين وبنت القبايل تمسكه مع ارجوله

وحنيه تفرم البصل والطماطم


وانا اقطع السلطه:D

واكون انا على اتصال في حمو والنرجسي واعلمهم ان كل

شي على مايرام

واللي مايخاف ينام هناك

واللي يخاف نرده عند اهله

بس ان شاءالله كلكم بنات رجال ماتخافون


المهم طلعه ماكون فيها ترى بخرب

مالي شغل لازم اروح معكم حمايه لكم من المتهوين



واذا تبونا ندفها للقاهر ماعندي مانع بس التذاكر عليكم

والله ترى هنا حر موووت على قوله النرجسي
خلاصة الطبيعة
27-07-2002, 12:43 AM
وانا كمان جاية ما عندي مانع كلمت دادي ومامي . قالولي خلاص بس خلي الولد عزوز ينتبهلك من السحلية اللي هي ( الضب ) .

عزوزي لاتنسي الكيك اللي من الفراولة عشان تعرفني احب احلي بعد كل وجبة

:p :p :p :p :p :p
خلاصة الطبيعة
خلاصة الطبيعة
شوق الليالي
27-07-2002, 01:03 AM
لحووووووووول يا فارس نجد مالقيت الا انا امسك السكين ؟؟؟؟؟؟


وخرووووف بعد ؟؟؟؟؟؟؟؟


:eek: :confused: :eek:



أنا كنت مو ناويه اروح الطلعه معاكم بس الحين ............


أبصم بالعشره أني ولا أفكر أطلع هههههههههههه

صرصار ويخوفني أجل خروووف بوروح فيها:rolleyes:
فارس نجد
27-07-2002, 01:38 AM
شوق:mad:

وش هالكلام

افا ياذالعلم والله

خابرك تطبخين الحشوان(الجمل للي ما..)

وتنحرينها نحر

اقول بلا خميقه بس

اجل بجيب لك تيس صغينوطي تذبحينه وتتعلمين فيه

وشتبين يقولون عنا اهل المنتديات الثانيات:D

شوق ماتعرف .. وين تبينا نودي وجيهنا

وش اقول لباسكال مشعلاني (ونعم الشارب والله في جدانها

ياشماته سامي باجابر فيني:mad:

عيني خير بسسسسس


وكلها كم يوم ويصير عندك ملحمه:D

تشكراتي:mad:
النرجسي
27-07-2002, 04:43 PM
يقولون لاصرت في الصمان والقيض حاديك

أشرب حليب نياق وخل الميرندا


تراى ماعرف ابطح الخروف اذا تبونها سوالف قدام
جوهرة
28-07-2002, 03:41 PM
هلا بالعيون الغاليه
..

أقول

طلعة بر

والله
إني
كنت احلم

مثل هذي الطلعه

بس انا عندي مشكله

اخاف من الحشرات الصغيره

الا اذا بتأمنين لي الناموسية

واضمن ما تجي لي ولا وخزه


يا بعد عمري
يالعيون
انا موافقه على الطلعه

وبالنسبة للوجبه اللي يجي من الله حياه الله


بس

اهم شي نكون ويا البنات والوجوه الزينه

واذا تبون مفطح حاضرين

بس

على

حساب

بنت القبايل

:):)
بنت القبايل
04-08-2002, 11:44 PM
بسم الله الرحمن الرحيم




أعتذر عن تأخيري في الرد

أنا معاكم وين ماتكونون بس اهم شيء لايكون فيها قطه
:( هذا الي يزعلني 00000


قولو علي حساب الأميره ولا العيون ولا واحد من الشباب

أقولكم تم :D

غيره لاتفكرون :p

مس قلبي ولا تمس رغيفي :mad:

أختكم بنت القبايل
احلى دلوعه
05-08-2002, 11:46 PM
هلااااااااااااااااااااااااا
ايوه طلعت البر 100% حلووووووووه مووووووووووووت
يالله انا بطبخ لكم اذا طلعتوني معاكم البر :D:D:D:D
يالله متى الطلعه انشاء الله :D

بايووووووووووو
اختكم
راكان
07-08-2002, 11:18 AM
انتم بس لاتجيبون الشغالات وبشوف انتم تسوين شي او لا

اعتقد بترجعون وانتم متهاوسين

لاحد يلوم احد لان المجموعه كلها مثل المنتخب السعودي قدام المانيا
العيـــون
08-08-2002, 03:57 AM
والله عاد انا قلت الطلعه على الشباب ماراح يقصرون معانا اوووووكي

لاتعصبوني وتخلوني اقول مااخليكم تروحون معنا :)

اركدو وخليكم عاقلين وحبوبين:)

شطوورين

بايوووووووو