نايف السميرى وجرة قلم

[خالد الذيابى]

السلام عليكم



كل عام وأنتم طيبون



نايف السميرى محراف لو تكرمت



ماعندنا بالملعبة حبة خشم
................ منهو يزل الدرب نرثع فى شواه



لابن السميرى شفتلى جرة قلم
................ أثر العما ماينتعدل عن عماه




تحياتى

[نايف السميـرى]

السلام عليكم ...

وكل عام والجميع بخير ..

تأمر اخوي .. خالد ..

وأستلم ...


========== ياخالد احذر لايضيعك الوهم ....
=================== الرجل بين الناس يلزم في خطاه
========== حنا عجــزنا لانفهم فالعجم ....
=================== ان كان هذي منك اجل مامن حياه

[خالد الذيابى]

لاهنت يانايف



ولا يأمر عليك عدو




أستلم طال عمرك :




أثرك تدس السم فى جوف الدسم
,,,,,,,,,,,,,,,,,, وش قال ابن حمرى يانايف فى لقاه



حنا عرب ياللى تجامل للطغم
,,,,,,,,,,,,,,,, تبغا تمصلح فى كتابة هاه هاه




تحياتى

[نايف السميـرى]

صح لساااانك واستلم .. طال عمرك ..


======== لاتتهمني ظلم يامال الشحم ....
============== مالك ومال الهاجري واللي وراه

======== انا اعرف انك بالنباهه تتسم ...
============== مير المصيبة من مقيط ومن رشاه

[خالد الذيابى]

أستلم طال عمرك :




أنا أدرى أنك يالسنافى محترم
,,,,,,,,,,,,,,,,,,, الرجل من سمعته نعرف مستواه



غلطتك بالتعميم رفرف ياعلم
.................... خليتلك شكٌ تناقله الرواه



تحياتى

[نايف السميـرى]

صح لساااااااااااانك ..

لاهنت ..

وأستلم طال عمرك ...


========== ياربعنا ياهل الشهامة والكرم ....
================== ياللي لكم عند العرب قيمه وجاه

========== ترى البري ماهوب مثل المتهم ....
================== ولاتوصله بعض السوالف منتهاه

[خالد الذيابى]

نايف



كل عام وأنت طيب




والله إنك من الروح وفيها



قضينا يانايف معاد ورا ذى :)




قبله لجبينك




ولك تحياتى

[نايف السميـرى]

هلا وغلا ... ياخالد

وانت بخير وصحه وعافيه ...

والشهر مبااارك ان شاء الله ..

وهذا شيء مافيه شك ابد ...


ونحن ليس بيننا اي قضيه .. قد يكون هناك سوى فهم فقط

وإلتباس ليس إلا ..

إلا إننا اكبر من كل هالامور .. ايها الشااااامخ .. النقي


دمت اخاً وصديقاً ... اعتز فيه ماحييت ....

شكراً من القلب ... وقبله على راسك ايها البهي .




اخوك / نايف السميري