تعلم لهجات عشان ماتتورط

[راكان]

أحبتي , أبغاكم تفرفشون شوي مع هالمصطلحات النجدية , آمل أنها تعجبكم

اختلف المترجمون في تفسير هذه الكلمة , واتفقوا أن

هذا المصطلح مال أمه داعي , ولا له موقع من الاعراب , يوضع لتزيين الجملة ,, مثال :

الله مير يسلمك , الله مير ياخذك

غديه

وتعني : كوده !! ,, وفسر الماء بعد الجهد بالماء

ومصع

دعوة عند القصمان وتأتي بعدة أوزان : مصع , يمصع ,

ممصوعا ,, مثال : جرّن مير يمصعن

ياهملالي

...منتشرة عند النحوتين والنظولين , مثال : مزنة :

مادريتي نورة توظفت ؟ ,, حصة : ياهملالي عنده واسطة ,,, منقهررررة

من تلالتنا

من جمبنا

واخزياه

مصطلح ينتشر عند بعض الناس يقالهم مستحين , وهم وجيه

بن فهرة , ووجه بن فهرة هو الوجه المغسول بمرق

أويق

هذه الكلمة تنتشر عند البلوغين أي الملاقيف , معناها

أناظر وأناظر معناها أشوف !! ,, مثال : حصه : خير وش عندتس رازتن خشتس عند الدريشة

النافذة ؟؟ ,, مزنة : أبد , أويق على اللي يفحطون

أعبطه

أعجنه واسويبه فطاير

قوه

كلمة من أصل إنقليزي والله محنب سهلين معناها

تخاويني؟ , مثال : حصة : قوه معي للسوق ,, مزنة : مشينا , كلش إلا السوق , تخاويها

وهي مغمضه

حوّل

وراكم طيرتوا عيونكم بي , ترى منيب بالنجدة , بس حوّل

يعني : انزل

شنق

تعني : جهة

هماه

وتجي بمعنى مب كذا - مو

نيم

وتعني : نائم

تهقى

تعني : تظن؟ , والاسم منها هقوتي اي أغلب ظني

مثال : حصة : تهقين نورة تجي ؟

بوه

أهم مصطلح عند القصمان ويوضع بآخر الكلمة مثال :

وشبوه , جبتوه , مادريتبوه , وينهوبوه, وتقول هالكلمة وانت ماط بوزك شوي

يهوجس

سرحان , يفكر


ترى عاد جايتني بالايميل لاحد يدقق لان اللي كاتبها شكله يحب يجلس مع الحرييييييم
ص/ مع التحيه لفارس نجد
وش رايك بس تهقين؟؟ نوره تجي
تحياتي

[عزيز النفس]

راكان عيوني اللة مير..............يسلمك ............وتسلم على ها المواضيع السنعه=الزينه=الحلوه =المزيونه:)
طيب خذ عندك بعض المصطلحات الحجازيه
يا واد = ياولد
اتصلتبك = يعني دق عليه تلفون
قواااااااااام = بسرعة
دوبه جا = الآن جا(حضر الآن(
دحين = هالحين
راكان....يا خوي لو اجلس اكتب للصبح ما خلصت:) لكن بكرا نكمل الهرج:) الهرج=الكلام:)

[شوق الليالي]

مشرفنا راكان


تسلم علي المواضيع الحلوه
من جد كنت اسمع الله مير يسلمك وكان نفسي اعرف معناها


الله مير ياخذ سوالفك ياراكان:D عرفتها بلاخير

كلمت سمي هذي الي قاهرتني من جد بقولكم موقف صار لي


:mad: كنت اتكلم مع وحده من الرياض وقلت لها فلانه بأسمها طبعا قالت سمي والله أستغربت شويه وقلت غريبه ليه تقولي سمي ؟؟؟؟؟


المهم قلت مافيها شيء سمي يابنت وتكلمي قلت بسم الله الرحمن الرحيم

بس صراحه كنت مقهوووره ليه اسمي :rolleyes:

قلت ليه أنتو لمن أحد يكلمكم لازم يسمي :p طبعا طينت الدنيا وقالت لا عادي ووضحت لي معناها :eek: وسكت وماعاد كلمتها حتي الموضوع نسيته 0

:p


وماخفي مع أهل الشرقيه كان أعظم :D

_________________________________


الأخ عزيز النفس


مصطلحات أهل الغربيه بسيطه وسهله ومافيها تكلف يعني

سهل تعرفها بسرعه <<<<< أقصد قواااام;)

[راكان]

الاخت والمشرفه شوق الليالي
هههههههههههههههههههههههههههههههههههههههههههههههههه ههههه
هههههههههههههههههههههههههههههههههههههههههههههههه
هههههههههههههههههههههههههههههههههههههههه

ترى دخت اتخيلك وانتي تقولين بسم الله الرحمن الرحيم

لالا ماتشوفين شر ياوخيتي

صراحه ماادري وش اقول لاتعليق الموقف لايحسد عليه

اما الاخ عزيز النفس ننتظر البقيه هات لاتبخل علينا ترى بسافر لجده بعد كم يوم

[العيـــون]

ومصع

دعوة عند القصمان وتأتي بعدة أوزان : مصع , يمصع ,

ممصوعا ,, مثال : جرّن مير يمصعن

هههههههههههههههه هين ركون يالدب

هههههههههههههههههههههههههههههههههههه اجل ياهملالي

يسلمو

بايوووووو:)