السنعوسي
19-08-2002, 12:32 AM
ذات عدد وقبل سنوات أي في بداية أنتشار الفضائيات تقريباً نشر في جريدة الرياض كاريكاتير من أعداد الفنان محمد الخنيفر وكانت اللوحه عباره عن اثنين يترادان شعرياً وهما يشاهدان أحدى القنوات الفضائيه التي يتضح من شاشتها كما جاء بالرسم مذيعتان كتب على أحداهما (لينا مشربش ) وهي المذيعه المعروفه وكتب على ألأخرى أسم زميلتها ( تينا مجذوب ) وكان بالرسم أيضاً شايب منسدح هناك يستمع للراديوا – أحد ألأ ثنين كان يقول للأخر :
أواه ياقلب تولع بتينا = أحلى البنات اللي جلبهن عرب سات
تينا بحلواة السوالف تجينا = في نشرة سادت على كل نشرات
وجه صبوح يبهج الروح فينا = وعيون دعج تذبح الناس بسكات
أن سلهمت تينا سرى الهم فينا = وصرنا نتحسر كل لحظه بأهات
ياعل تينا كل ليل تجينا = ولاينقطع أرسالها كود لحظات
وياعل سات مانقل زول تينا = يفقد مداره ويتمشكل أشكالات
مثل الذي تاهو وهم وسط سينا = يتيه في عالي الفضاء والمجرات
================================================== ============
فرد ألأخر قائلاً :-
أنصحك ياشخص تولع بتينا = أنحش عن الشاشه وبعد مسافات
تينا هي اللي بالكوارث تجينا = حرب وضرب وأنفجار وصراعات
صرب ويهود لأرضنا غاصبينا = وأفغان ماتوا في حروب ألأبادات
في كل ليل هي تنكد علينا = بأخبارها اللي ماتجيب المسرات
خسران يامنهو تعلق بتينا = أهرب بجلدك لاتجيك ألأصابات
أذا بغيت العز في وجه لينا = اللي كساها الله حسن وجمالات
لينا هي اللي بالمصاري تجينا = ين ودولار ودرهم وبيزات
منجم ذهب والماس وعقل رزينا = وبورصة فيها من الخير خيرات
ياليت لي سهمين في قلب لينا = حتى انميهن وتصبح الوفات
ثم أحتكرها دبلة فاليمينا = واقول ياعذال موتوا بحسرات
فرد الشايب اللي قلنا لكم انه منسدح بهذه ألأبيات :
ياما تعلقنا وياما هوينا = وياما تمرمطنا بحب ألمذيعات
نمسي وهنه لعبة في يدينا = ونصبح ندورهن بكل المحطات
ملعون يادش تمسخر علينا = تبيعنا ألأوهام صبح ومساءات
================================================== ============
وقد اجبتهم بهذه القصيدة وعلى نفس القافية والتي اتمنى ان تنال اعجابكم وهيا من قديم السنعوسي
يالعنبو عودٍ تولع بتينا
وراحة حياته بين خذها ولي هات
ضاعة حياة الهيس ياسامعينا
يركض ورى ديكور بعض المحطات
عشقه بتينا وعشق الاخر بلينا
والعاشق الثالث به الهم زافات
ريموتهم يكرف شمال ويمينا
نوبٍ على الدولي ونوبٍ عربسات
في مجلسٍ مافيه علمٍ حسينا
متقابلين يدورون الملذّات
يسري بهم ليل الدجى غافلينا
شاهي وتنباكٍ ونوبٍ معه قات
حتى تبين الشمس متقابلينا
وأكبر هموم الربع قولت حلولات
لاهمهم دنيا ولا زود دينا
حتى الفروض الخمس فيها مراوات
ولاهم عن أهل بيوتهم ناشدينا
ودرب المراجل مالهم فيه مشهات
بزرانهم بدروسهم راسبينا
وسلوكهم بين البشر فيه لفّات
قلد ابوه بمشيت الساذجينا
في حكة الصابر وشوف الخرافات
اللبس جنز ودبلته باليمينا
والعلك تسمع له على الضرس طقات
يطق بالشطوه على الساعدينا
لياشفتهم تقول عنقٍ وخفرات
نسيو سلوم ربوعنا الاولينا
ونسيو وصايا الجد من عقب مامات
ناسٍ على دروب المراجل تبينا
للمرجله يرقون كل العسيرات
مجلاسهم بالجود له مبتدينا
فنجال بنٍ تنجلي منه عمسات
وسوالفٍ تسعد بها الحاضرينا
وتشرح صدورٍ به من الهم ضيقات
ودخونهم تالي هوا الطيبينا
وتفرقو مافكرو بالمذيعات
هذا مردّي يالخنيفر قضينا
وأبيه ينشر يالخنيفر سلامات
دمتم بخير وتقبلو الف تحية وتحية من اخيكم
السنعوســ مضحي الشيبان ــــي
أواه ياقلب تولع بتينا = أحلى البنات اللي جلبهن عرب سات
تينا بحلواة السوالف تجينا = في نشرة سادت على كل نشرات
وجه صبوح يبهج الروح فينا = وعيون دعج تذبح الناس بسكات
أن سلهمت تينا سرى الهم فينا = وصرنا نتحسر كل لحظه بأهات
ياعل تينا كل ليل تجينا = ولاينقطع أرسالها كود لحظات
وياعل سات مانقل زول تينا = يفقد مداره ويتمشكل أشكالات
مثل الذي تاهو وهم وسط سينا = يتيه في عالي الفضاء والمجرات
================================================== ============
فرد ألأخر قائلاً :-
أنصحك ياشخص تولع بتينا = أنحش عن الشاشه وبعد مسافات
تينا هي اللي بالكوارث تجينا = حرب وضرب وأنفجار وصراعات
صرب ويهود لأرضنا غاصبينا = وأفغان ماتوا في حروب ألأبادات
في كل ليل هي تنكد علينا = بأخبارها اللي ماتجيب المسرات
خسران يامنهو تعلق بتينا = أهرب بجلدك لاتجيك ألأصابات
أذا بغيت العز في وجه لينا = اللي كساها الله حسن وجمالات
لينا هي اللي بالمصاري تجينا = ين ودولار ودرهم وبيزات
منجم ذهب والماس وعقل رزينا = وبورصة فيها من الخير خيرات
ياليت لي سهمين في قلب لينا = حتى انميهن وتصبح الوفات
ثم أحتكرها دبلة فاليمينا = واقول ياعذال موتوا بحسرات
فرد الشايب اللي قلنا لكم انه منسدح بهذه ألأبيات :
ياما تعلقنا وياما هوينا = وياما تمرمطنا بحب ألمذيعات
نمسي وهنه لعبة في يدينا = ونصبح ندورهن بكل المحطات
ملعون يادش تمسخر علينا = تبيعنا ألأوهام صبح ومساءات
================================================== ============
وقد اجبتهم بهذه القصيدة وعلى نفس القافية والتي اتمنى ان تنال اعجابكم وهيا من قديم السنعوسي
يالعنبو عودٍ تولع بتينا
وراحة حياته بين خذها ولي هات
ضاعة حياة الهيس ياسامعينا
يركض ورى ديكور بعض المحطات
عشقه بتينا وعشق الاخر بلينا
والعاشق الثالث به الهم زافات
ريموتهم يكرف شمال ويمينا
نوبٍ على الدولي ونوبٍ عربسات
في مجلسٍ مافيه علمٍ حسينا
متقابلين يدورون الملذّات
يسري بهم ليل الدجى غافلينا
شاهي وتنباكٍ ونوبٍ معه قات
حتى تبين الشمس متقابلينا
وأكبر هموم الربع قولت حلولات
لاهمهم دنيا ولا زود دينا
حتى الفروض الخمس فيها مراوات
ولاهم عن أهل بيوتهم ناشدينا
ودرب المراجل مالهم فيه مشهات
بزرانهم بدروسهم راسبينا
وسلوكهم بين البشر فيه لفّات
قلد ابوه بمشيت الساذجينا
في حكة الصابر وشوف الخرافات
اللبس جنز ودبلته باليمينا
والعلك تسمع له على الضرس طقات
يطق بالشطوه على الساعدينا
لياشفتهم تقول عنقٍ وخفرات
نسيو سلوم ربوعنا الاولينا
ونسيو وصايا الجد من عقب مامات
ناسٍ على دروب المراجل تبينا
للمرجله يرقون كل العسيرات
مجلاسهم بالجود له مبتدينا
فنجال بنٍ تنجلي منه عمسات
وسوالفٍ تسعد بها الحاضرينا
وتشرح صدورٍ به من الهم ضيقات
ودخونهم تالي هوا الطيبينا
وتفرقو مافكرو بالمذيعات
هذا مردّي يالخنيفر قضينا
وأبيه ينشر يالخنيفر سلامات
دمتم بخير وتقبلو الف تحية وتحية من اخيكم
السنعوســ مضحي الشيبان ــــي