سلام رديه كما الغارات في جوء العراق !!!

[عادل بن تركي الهذلي]

سلام رديه كما الغارات في جوء العراق=نقصف بها شعار ديمه يامخيله خيلي

أهل الصحافه والقلم وأهل الغنم وأهل النياق=والمعركه نصر وهزيمه يامخيله خيلي

[طلال الطويلع]

استلم يالنشمي لاهنت
يامرحبا ياراعي الغارات يوم الجو راق = احذر ترى فالجو غيمه يامخيله خيلي
حنا لها لا جا نهار فيه عقده وانطلاق = ماندرق في سد خيمه يامخيله خيلي

[الحارثي]

وجدت رد الاخ طلال الطويلعي واترك المجال له وقمت بمسح ردي

واصلوا لاهنتوا

[عادل بن تركي الهذلي]

دام البقاء والموت يا باغيه مرٍ مايذاق =ماهو مثل بسكوت ديمه يامخيله خيلي

بكره ليا جاء فالسماء بارق وفالارض انشقاق =تروح للطامع غنيمه يامخيله خيلي

[طلال الطويلع]

ياللي نصيت الحرب لا تدرق ماعاد لك اندراق = جتك الصواريخ العظيمه يامخيله خيلي

غطى عليك الجو من قصف العماليق السباق = يسوقها عزم وعزيمه يامخيله خيلي

[عادل بن تركي الهذلي]

العام في بيوتك ذرى واليوم جاء فيها رواق=ولا عاد لك فالسوق قيمه يامخيله خيلي

فالليل طفنا واستعينا لا ضلال ولا نفاق=والصبح ذكانا البهيمه يامخيله خيلي

[طلال الطويلع]

بيوتنا ماتنهدم سياسانها دايم وثاق = ياكبر حظك فالظليمه يامخيله خيلي
سبحان من خلا عيونك زرق وعظامك دقاق = تاكل ملفات الجريمه يامخيله خيلي

[عادل بن تركي الهذلي]

تقولها وانته بدون رضاك فالطرقه تساق=ومسجلٍ فوقك قسيمه يامخيله خيلي

سبحان من جابك ياأبن (...) من روس الصناق=وأخضرت ياغصن الهشيمه يامخيله خيلي