ماضي العضيمان
06-04-2003, 02:43 AM
يالشامخـه لا تتبعيـن الـغـاوي=ولا تصافحين الموقف السـوداوي
مـادام رايـة عاشقينـك بيضـا=ومعطرينك من بخـور الجـاوي
ارقي سنود..وشومي من الطامـن=هم في غرامك..كل شخص فداوي
واللي بلانـا بالمصايب..وامسـى =مابين غار ونار..واصبـح ثـاوي
من عابدين الفرعنـه ساقـو لـه=مايجعل القصر المعمّـر خـاوي
عشاقـة الجغرافيا..المرتـزقـه=اللي لهم في كـل رجـمٍ عـاوي
بس انت ياللي صرت مرتع طرقه=طاويك من رجس الطراقي طاوي
شاوي..ومسكين..وطموحك هيّـن=على شياهك كـل ذيـبٍ ضـاوي
انا بـدوي وابعـد مناحـي ذودي=طبع البدو مايواطنـون الشـاوي
في وادي العجمان مدهل ربعـي=اهل القنازع والحسـام الـراوي
اقدع من علوم النشامـا الجزلـه=فزعة شرف في وضعنا المئساوي
مانيب متضايق وانا فـي "متالـع"=ويغذي أذني صوت أذآن "العاوي"
صوتـه ينادينا..الـى مـن كبّـر=للرافدين وصرخـة البصـراوي
وانـا وربعـي للشـرف فزّاعـه=يامـيـةٍ ميقافـنـا مـتـسـاوي
حنّا مع اشراف العرب في الهيجا=عودٍ من الحزمه ..وضلعٍ قـاوي
مـن شيطنتنـا والجنـون الزايـد=خطرٍ نشوش وننطـح الكيمـاوي
لا شك مبدا الديـن هـو مبدانـا=يلوي الخُطا عن كل جرفٍ هاوي
نتبـع كتـاب الله ونهـج السنـه=ونحيد من نهج المسـار الغـاوي
نظره في كُتب الشافعي ولاّ احمد=ابرك من التلفـاز والقرضـاوي
قمه..قرار..ومؤتمـر تمويـهـي=كلٍ يصرح بـس وشهـو نـاوي
ضعنا مابين الراديـو.. والشاشـه=والسالفـه فـي ذمتـك يالـراوي
يالشامخـه لا ينهـزع ميقـافـك=ياعز منهو لـك يكـون مخـاوي
ندري مهيب اول همومـك لكـن=همك كم يساوي؟؟ ياويش يساوي!!
متالع) :أحد هجر آل ضاعن في وادي العجمان والتي اسكنها
(العاوي) : من شيبان الجماعه ومؤذن في المسجد
مـادام رايـة عاشقينـك بيضـا=ومعطرينك من بخـور الجـاوي
ارقي سنود..وشومي من الطامـن=هم في غرامك..كل شخص فداوي
واللي بلانـا بالمصايب..وامسـى =مابين غار ونار..واصبـح ثـاوي
من عابدين الفرعنـه ساقـو لـه=مايجعل القصر المعمّـر خـاوي
عشاقـة الجغرافيا..المرتـزقـه=اللي لهم في كـل رجـمٍ عـاوي
بس انت ياللي صرت مرتع طرقه=طاويك من رجس الطراقي طاوي
شاوي..ومسكين..وطموحك هيّـن=على شياهك كـل ذيـبٍ ضـاوي
انا بـدوي وابعـد مناحـي ذودي=طبع البدو مايواطنـون الشـاوي
في وادي العجمان مدهل ربعـي=اهل القنازع والحسـام الـراوي
اقدع من علوم النشامـا الجزلـه=فزعة شرف في وضعنا المئساوي
مانيب متضايق وانا فـي "متالـع"=ويغذي أذني صوت أذآن "العاوي"
صوتـه ينادينا..الـى مـن كبّـر=للرافدين وصرخـة البصـراوي
وانـا وربعـي للشـرف فزّاعـه=يامـيـةٍ ميقافـنـا مـتـسـاوي
حنّا مع اشراف العرب في الهيجا=عودٍ من الحزمه ..وضلعٍ قـاوي
مـن شيطنتنـا والجنـون الزايـد=خطرٍ نشوش وننطـح الكيمـاوي
لا شك مبدا الديـن هـو مبدانـا=يلوي الخُطا عن كل جرفٍ هاوي
نتبـع كتـاب الله ونهـج السنـه=ونحيد من نهج المسـار الغـاوي
نظره في كُتب الشافعي ولاّ احمد=ابرك من التلفـاز والقرضـاوي
قمه..قرار..ومؤتمـر تمويـهـي=كلٍ يصرح بـس وشهـو نـاوي
ضعنا مابين الراديـو.. والشاشـه=والسالفـه فـي ذمتـك يالـراوي
يالشامخـه لا ينهـزع ميقـافـك=ياعز منهو لـك يكـون مخـاوي
ندري مهيب اول همومـك لكـن=همك كم يساوي؟؟ ياويش يساوي!!
متالع) :أحد هجر آل ضاعن في وادي العجمان والتي اسكنها
(العاوي) : من شيبان الجماعه ومؤذن في المسجد