المساعد الشخصي الرقمي

مشاهدة النسخة كاملة : خلك معي عالمسنجر !!!

عبدالله بن عطيه الزهراني
22-08-2002, 05:28 AM
ادخل معي عالمسنجر يا هوى بالي
....................................الفجر قرب ..ولا بينت ياعمري
لولاك ياصاح من بد البشر غالي
................مااجلس على (النت) من عصري الى فجري
اتعبتني ليه ياعطري وموالي
.......................اتعبتني ليه؟وانت بحالتي تدري!!
والله لولا الحيا... لأشكيك عالوالي
......................واقول..يامير..خذ حقي من القمري
لو اقدر آصلك ...غير اجلدك بعقالي
...................من عقب مااودعت هذا الجرح في صدري
لكن ابصبر عسى ينزاح غربالي
...................واضيف غيرك واخش بعالمن سحري!!!
(كاشير) كم هو حسابك؟ حان ترحالي
....................ياقلب هيا سرينا..قم بنا نسري!!
الزين(راقد)ولا يدري عن احوالي
....................قفل جهازه وحط الراس من بدري!!!

ضيعت وقتي عشان اللي على بالي
................حرام اضيع عشان (المقفيه) عمري!!
للدعابه فقط:o
بعيد الهقاوي
22-08-2002, 02:29 PM
الله الله ياعبدالله..

دائما افكارك رائعه وجميله..

هذا قدرنا ياعبدالله, ولكن مالنا الا الصبر يابعد حيي.. وترى البعض مايستاهل سهرنا والبعض مايستاهل اننا

ننام عنه...

شكرا على الروعه ودمت لاخيك...
حمود الصهيبي
23-08-2002, 12:15 AM
الله ياعبدالله
اثرك تعاني الله يصبرك ياخوي


وصح لسانك
عبدالله بن عطيه الزهراني
25-08-2002, 02:08 AM
بعيد الهقاوي وحمود شكرا لكما
شقاويه
22-09-2008, 05:39 AM
عبدالله الزهراني

نص يحمل من الجزالة والأبداع ما يجعلنا لا نمل قرائته..


سعدتُ بهذا النص
عادل بن تركي الهذلي
22-09-2008, 06:21 AM
ضيعت وقتي عشان اللي على بالي
................حرام اضيع عشان (المقفيه) عمري!!

عبد الله عطيه الزهراني

رائع يا عبد الله صح لسانك

وسجل إعجابي

اخوك : عادل الهذلي
نوره الوايـــلي
22-09-2008, 07:23 AM
عبدالله الزهراني

قصيده رائِعه واكثَرْ

صح نبضك ملأيين .. ولأهنت يالعالي.