يامتصل فيني

[مشاعر الليل]

يا متصل فيني تراني من العام
000 وانا مودع سيرة الجاهليه
بعض المعاني خاطري عنها صام
000 في روضها مالي قعود ومطيه
يكفي زمان لجلها صابني هام
000 بهيام قيس اللي هوى العامريه
الشوق يدفعني على درب الاوهام
000 احفى قدم رجلي بروحه وجيه
جمعت بيدين الشقى كل الالام
000ومن السعاده مفلساتً يديه
لامن كلً في حلا مرقده نام
000 انا نديم النجمه الدوبحيه
همي وتعقيدي على طول الايام
000يكبر 00 وعيني بالمدامع وفيه
امشي خلاف وخابر الدرب قدام
000 خرجي على كتفي وفي الخرج حيه
واليوم جسمي لابس ابيض الخام
000عقب القدا ميزت فرق الخطيه
الرشد طيره في سماء عالمي حام
000من عقب مد ما دمي طير غيه
شمس الحقيقه ذوبت ليل الاحلام
000 وقفى وصارت نظرتي واقعيه
يامتصل 00 ما عادها روس الاقلام
000 وضحت لك كل العلوم الخفيه
وارجوك لاتضرب علي تسع الارقام
000 حملك عليك وخل حملي عليه


منقووووول

[سعود]

يامتصل 00 ما عادها روس الاقلام
000 وضحت لك كل العلوم الخفيه
وارجوك لاتضرب علي تسع الارقام
000 حملك عليك وخل حملي عليه

الاخت مشاعر الليل

كلام جميل الله يعطيك العافيه

شكرا على النقل

تحياتي لك

سعود

[اسير الهوى]

شمس الحقيقه ذوبت ليل الاحلام
000 وقفى وصارت نظرتي واقعيه
يامتصل 00 ما عادها روس الاقلام
000 وضحت لك كل العلوم الخفيه
وارجوك لاتضرب علي تسع الارقام
000 حملك عليك وخل حملي عليه


مشاعر الليل صح لسانك على التقل ونتمنى من قصائدك لو تكرمتي المعهوده

احترامي

سعد الملفي / اسير الهوى