المساعد الشخصي الرقمي

مشاهدة النسخة كاملة : اتحدى اطلق شاعر او شاعره (( محاوره )) ،،،،،،،،

المعنّا الشريف
31-05-2003, 10:34 PM
السلام عليكم ،،،،،،،

اسعد الله مساكم ،،

اكيد اكثركم يقول وش عنده ذا دخل عرض |10| فينا يتحدى على طول ،،،،،،

على العموم الدعوه سهاله ، انا ودي اتحاور مع احد الشعراء او الشاعرات ،،،،،

بنظام المحاوره المعروف ،،،،،،

والتحدى لاي شاعر يطب الميدان ،،،،،،

والمعروف ان الشعراء يحبون التحدى والتحدى احد اهم صفات الشاعر الناجح ،،،،،،،،

يالله بسم الله ،،،،





سلام الله سلام الله على الشعار فـ الديمه
،،،،، سلامن يفتح ابواب الشعر لو كان مصكوكه
سلام من المعنّا واثني الترحيب تسليمه
،،،،، يقولون الشعر مثل الذهب قطعات مسبوكه


وسلامتكم ،،،،،،

اخوكم المعنّا الشريف
طلال الطويلع
01-06-2003, 09:40 PM
هلا يامرحبا ترحيب له عند العرب قيمه
========= تفضل مرحبا حييت والابواب مفكــــــوكه
تعمر البيت وتهده تبا تبلش بترميمــــــه
========= يقولون الشعر ماتدخله عملات مشكوكه
المعنّا الشريف
01-06-2003, 10:47 PM
هلا اخوي طلال ،،،،،،،


الا والك البقى ياصاحبي والعز والشيمه
،،،،، ياكيف اشلون تهدم بيت والبيبان ملكوكه
ترى مايبلش بدنياه غير الخبل والهيمه
،،،،، ويقولون الشعر ثنتين ،، ماخوذه ، ومتروكه
طلال الطويلع
02-06-2003, 02:54 AM
ترى صرف الذهب معروف في شكله وتصميمه
========== نباء صرف الذهب ياهل الذهب مصروف بشيوكه
يجيك العلم منا وانت لاتخطي مفــــــــــــــاهيمه
========== عسى ايام المعنى والليــــــــــــال السود مبروكه
مشهور واصل
04-06-2003, 01:31 AM
رائعه هالمحاوره

الله عليك ياطلال مبدع ومن ساس وراس الشعر ابياتك مختلفه فعلا
والمعنى شاعر من ابياته يبين انه خطير

بالتوفيق
المعنّا الشريف
04-06-2003, 09:47 PM
صح لسانك ياطلال ،،،،،،

هلا وغلا بمشهور ردك اظفى جمال وبهجه على المحاوره ،،،،،،،

استلم ياطلال ،،


طلال ابن الطويلع يبهر الشعار تنظيمه
،،،،، وكلٍ وسط سوقه والذهب مصرور فبنوكه
والا ياكثر من حلل حرام وحل تحريمه
،،،،، تعلمنا الليالي والليالي دروب مسلوكه
سعود السالم
05-06-2003, 04:48 AM
حياكم الله جميعا

شرفنا تواجدكم هنا محاورة جميله

بين شاعرين يجيدون فن المحاورة0 0000000000وهنا طلب لجميع الشعراء بحياء هذا التراث

حيث الكثير من اعضاء وزوار يتابعون قسم المحاورات00اكرر شكري للجميع
طلال الطويلع
05-06-2003, 11:14 PM
ليافاز البطل يفرض على الاجواد تكريمه = تراها يالمعنى كلمة بالعقل مدروكه
تعلمك الليال وكل دقه بالف تعـليمه = ومن يمشي طريق الشوك ما يسلم من الشوكه
سالم الجهني
06-06-2003, 11:03 PM
ياسلام عليكم

المعنا الشرف وطلال الطويلع

بيض الله وجيهكم وحنا بالصفوف
سعود السالم
07-06-2003, 03:11 PM
فعلا

نظم الصف اللي من عند ياسالم والصف الثاني عليه

والله جميل نجد محاورة بهذي القوة 0

سالم وين بقيه الشراء مالهم وجود في قسم المحاورات
سياف
08-06-2003, 03:57 AM
طاروق طيب وأطيب منه شعّاره


جازت لي محاورتكم وحبيت أسجل إعجابي
المعنّا الشريف
09-06-2003, 11:34 PM
السلام عليكم ،،،،،،،،،،،

والعذر والسموحه على التاخير ،،،،،

هلا وغلا باخوي سعود والشرف لنا وانا اخوك ،،،

وهلا بسالم الجهني والله لا يهينك وانا اخوك ،،،،،،،

وحي الله سياااف ومرحبا الف ،،،

واتمنى ان اقدم واخوي طلال مايلق بمقام هذا المنتدى ،،،،،،،،،،،،،،

استلم ياطلال والعذر عن التاخير ،،،،،،








ما دام الطيب ما ينفع فانا بوسمك توسيمه
،،،،، ومن يمناي بسقيك الشعر بدلال محبوكه
تركد يالبطل ف الشعر توخيره وتقديمه
،،،،، الا ياكيف تحكم حكم مانك شايل اصكوكه





اخوكم المعنا الشريف