ديـمــــــــــه

[عادل بن تركي الهذلي]

إخواني وأخواتي اسم هذا المنتدى الرائع ( ديمه ) يذكرني بقصيده رائعه لسمو الامير بدر بن عبدالمحسن .
أحببت ان اشارككم بها وكل امنيتي ان تحوز على رضأكم وتنال استحسانكم . ولكم تحياتي :

قلت المطر قالت من اليوم ديمه=مابه رعد .. لا برق .. ما غير هتان
عشقٍ جمع ما بين قاعٍ وغيمه=فيضٍ على صدر الثرى دمع الامزان
همس النديم اللي يعاتب نديمه=صوت المطر كنّه تعاتيب خلان
وتبسّمت لجل الليالي القديمه=وقالت تذكر .. قلت يابنت نسيان
نقض الجروح اللي تشافت ظليمه=ماعاد به وصلٍ ولا عاد هجران
ما للرجا في بعض الاحوال قيمه=وما للعمي صبحٍ .. ولو بات سهران
لو للزمن عن نّية الغدر شيمه=ما فرق احبابٍ .. ولا بعد أوطان
كلٍ خصيم وذاق لوعة خصيمه=واللي خصيم الوقت يا بنت خسران
(( بدر بن عبدالمحسن ))

[حمود الصهيبي]

اختيار جميل

يدل على حسك الشعري

اخوك حمود الصهيبي

[بعيد الهقاوي]

الرائع النشمي..

هكذا انت لاتاتي الا بالروائع , لله درك على هذا الاختيار الجميل..

وتأكد ايها النشمي العزيز, اننا في شوق دائم لمصافحة روائعك التي عودتنا عليها..

[راعيتها]

هلا بك