الدانة بنت محمد
03-09-2003, 06:01 PM
(بسم الله ) أبدأ معكم في طرح متواضعاتي ، التي اتمنى أن تروق لرقي ذائقتكم ، وجمال اعينكم .
وتأكدي أيتها العائلة الكريمة ، أن لآرائكِ مساحة شاسعة بوجداني .
أنا والله ياقلبي ضناني شوقي بنفسه = يسوق الهم على مبدا تعبني من مفاهيمه
جهير الصوت هو همّي وشوقي عاقته خرسه = ترى السلطان ياقلبي جهيرٍ كود تحكيمه
قوانينٍ حوتني من علو الصوت لي همسه = ينوب الصوت عن صوتٍ يخالف نوع تقسيمه
شعور الهم يغربلني مزاجيّة حواسيسه = رضيٍّ يوم والباقي غضيبٍ شور تنظيمه
ابي تقرب ابي تسمع ياقلبي سالفة امسه = ابي تحكم كما خطّاب في ديوان مظاليمه
تخاوينا أنا والهم أخوّة صبّحٍ بشمسه = غريم الصبح هو همّي وانا هي شمس تغريمه
تعلمنا حروف الضيم حفظنا واجب بدرسه = دراسة ضيم جمعتنا سنين بكل مواسيمه
تصدّق عاد ياقلبي دعاني حتّى بعرسه = ولبّيته وماقصرت حضرت أوّل معازيمه
أضفّقله بحرارة شوق على زفّة قوي باسه = واقول الهم يستاهل حرارة ليوم تقديمه
بعد أعوام من عرسه تملاّ بيته بناسه = رزقه الله صبيان وصبّية اسمها (شيمه)
ونوبٍ خالة اعيالة ونوبٍ عمّة اجناسه = ونوبٍ اجمل العشّاق يصورني غزل ضيمه
عطاني عمره الباقي عطاني روح هوجاسه = عطا عيني مجاديف الدموع بكف تلاطيمه
على فكرة ترى ياقلب وصاياه دوّنت خمسه = وموثوقة على لوحٍ من السندس تصاميمه
بدايتها حفر قبرٍ يضم شخصه على لبسه = يبي من حجرتي ماتم تضم قبره بمراسيمه
وثانيها زواجي من اكابر ناس جلاّسه = وهو ابنه(قهر بن هم )غصب ياقلب تلزيمه
تعال وشوف ثالثها تطوع قيد مقياسه = صيام احدى عشر شهراً وشهرٍ واجبٍ صيمه
ورابعها خليفة شخصه من ساسه الى راسه = بذلك نالت (الدانة) شرف عالي بتقيّمه
نهايتها عمى لعيني على فرقى نسانيسه = يبي زوله مدى عيني بشخصه وبطلاسيمه
(كُليب)النزف هو حالي برمحٍ صابه (جسّاسه)= وصايا صاحبي الهم لزوم اوفي تعاليمه
على عيني على راسي امر تنفيذ قرطاسه = عليها بوسةٍ منّي تحيّة بعد تسليمه
كريمة حتى مع همّي كرم بادر على فلاسه = لعل ربّي يجازيني بخيره بعد تكريمه
علام القلب يتألم علامه ضايق انفاسه = ترى شوقي ضنى همّي حفظ حتى مفاهيمه
الدانة بنت محمد
وتأكدي أيتها العائلة الكريمة ، أن لآرائكِ مساحة شاسعة بوجداني .
أنا والله ياقلبي ضناني شوقي بنفسه = يسوق الهم على مبدا تعبني من مفاهيمه
جهير الصوت هو همّي وشوقي عاقته خرسه = ترى السلطان ياقلبي جهيرٍ كود تحكيمه
قوانينٍ حوتني من علو الصوت لي همسه = ينوب الصوت عن صوتٍ يخالف نوع تقسيمه
شعور الهم يغربلني مزاجيّة حواسيسه = رضيٍّ يوم والباقي غضيبٍ شور تنظيمه
ابي تقرب ابي تسمع ياقلبي سالفة امسه = ابي تحكم كما خطّاب في ديوان مظاليمه
تخاوينا أنا والهم أخوّة صبّحٍ بشمسه = غريم الصبح هو همّي وانا هي شمس تغريمه
تعلمنا حروف الضيم حفظنا واجب بدرسه = دراسة ضيم جمعتنا سنين بكل مواسيمه
تصدّق عاد ياقلبي دعاني حتّى بعرسه = ولبّيته وماقصرت حضرت أوّل معازيمه
أضفّقله بحرارة شوق على زفّة قوي باسه = واقول الهم يستاهل حرارة ليوم تقديمه
بعد أعوام من عرسه تملاّ بيته بناسه = رزقه الله صبيان وصبّية اسمها (شيمه)
ونوبٍ خالة اعيالة ونوبٍ عمّة اجناسه = ونوبٍ اجمل العشّاق يصورني غزل ضيمه
عطاني عمره الباقي عطاني روح هوجاسه = عطا عيني مجاديف الدموع بكف تلاطيمه
على فكرة ترى ياقلب وصاياه دوّنت خمسه = وموثوقة على لوحٍ من السندس تصاميمه
بدايتها حفر قبرٍ يضم شخصه على لبسه = يبي من حجرتي ماتم تضم قبره بمراسيمه
وثانيها زواجي من اكابر ناس جلاّسه = وهو ابنه(قهر بن هم )غصب ياقلب تلزيمه
تعال وشوف ثالثها تطوع قيد مقياسه = صيام احدى عشر شهراً وشهرٍ واجبٍ صيمه
ورابعها خليفة شخصه من ساسه الى راسه = بذلك نالت (الدانة) شرف عالي بتقيّمه
نهايتها عمى لعيني على فرقى نسانيسه = يبي زوله مدى عيني بشخصه وبطلاسيمه
(كُليب)النزف هو حالي برمحٍ صابه (جسّاسه)= وصايا صاحبي الهم لزوم اوفي تعاليمه
على عيني على راسي امر تنفيذ قرطاسه = عليها بوسةٍ منّي تحيّة بعد تسليمه
كريمة حتى مع همّي كرم بادر على فلاسه = لعل ربّي يجازيني بخيره بعد تكريمه
علام القلب يتألم علامه ضايق انفاسه = ترى شوقي ضنى همّي حفظ حتى مفاهيمه
الدانة بنت محمد