عادل بن تركي الهذلي
02-09-2002, 07:42 PM
يقولون الله يسلمكم أنه كان فيه بنت بدو
البنت كانت متزوجة من قبيلة غير قبيلتها وصار بين قبيلتها وقبيلة زوجها خلاف و عداوة بعد الزواج ....
البنت لها أخو ونوى هالاخو انه يهجم على جمال القبيلة الي فيها أنسابه
عشان يأخذها واتفق مع أخته أنها تعلمه بمكان الجمال لين وصل لمنازلهم اللي هم فيه
وأتفق مع أخته على كلمة السر وهي أنه يعوي مثل عواء الذيب(الذئب) لين وصل حولهم
عشان ترد عليه أخته بأبيات شعر تدله فيها على مكان مراده ( الجمال) وكأنها تحاكي الذيب
يوم جاء تالي الليل وصل الرجال الى منازل قبيلة زوج أخته في الموعد المحدد معها
رفع صوته بالعواءكأنه ذيب مثل ما اتفقوا عليه قالت أخته بصوت مرتفع يسمعه :
يا ذيب ياللي جر صوت عوى به.... ما ادري ظما والا من الجوع يا ذيب
يا ذيب لا تطــردك عـنا المهـابه.... طــرش العـرب بالـبر كلـه عـوازيـب
تلقى العشا لك في خشوم العقابه.... في روضة الرواح وان تهـت يا ذيب
المهم سمعتها وحده من عجز قبيلة زوجها بيتها جنبها
وكانت صاحيه ما نامت وسمعت عواء الذيب وقصيدة البنت اللي هي رد على عواء الذيب
وظنت ظن السؤ أنها تحدد موعد مع عشيق لها وأنهم متفقين على العلم الردي
فقالت لها العجوز هالابيات تحذرها :ـ
يا بنت حذرا لا يعضك بنابه....ترى معض الذيـب ما به تطابيـب
يترك مثل البكرة اللي جلابه....ليا حافها السوام يلقى عذاريب
يخلى جنابك مثل دار خرابه..... تصـير للفـار المخــرب ملاعـيـب
فـزت البنت مثل المقروصه من مكانها وقامت واقفه من هول ظن السؤ
وردة على العجوز نافية عن نفسها الاتهام بالرذيلة مبينة لها أنها ماهي هي راعية الردا
والعلوم الرديه وأنها أشرف من الشرف وقالت :
وحياة جلاب المطر من سحابة...... اني سليمة ما بعد عضني ذيب
واللي ظلمني جعلها في شبابه...... وتحـدره من عـالـيات المراقيب
أنا كما عــد عــذي شــــرا به...... ما تارده بالقيظ حرش العراقيب
سبع العجايز دايرات للمـعـابه..... سود المقانع يابسات العصاليب
وبكذا تحقق مراد اخو البنت واخذ الجمال والبنت طبعأ نفت عن نفسها العلووم الشينه ...
وسلامتكم يالغالين
اخوكم النشمي
( منقول )
http://www.arab3.com/images1/4100108.jpg
البنت كانت متزوجة من قبيلة غير قبيلتها وصار بين قبيلتها وقبيلة زوجها خلاف و عداوة بعد الزواج ....
البنت لها أخو ونوى هالاخو انه يهجم على جمال القبيلة الي فيها أنسابه
عشان يأخذها واتفق مع أخته أنها تعلمه بمكان الجمال لين وصل لمنازلهم اللي هم فيه
وأتفق مع أخته على كلمة السر وهي أنه يعوي مثل عواء الذيب(الذئب) لين وصل حولهم
عشان ترد عليه أخته بأبيات شعر تدله فيها على مكان مراده ( الجمال) وكأنها تحاكي الذيب
يوم جاء تالي الليل وصل الرجال الى منازل قبيلة زوج أخته في الموعد المحدد معها
رفع صوته بالعواءكأنه ذيب مثل ما اتفقوا عليه قالت أخته بصوت مرتفع يسمعه :
يا ذيب ياللي جر صوت عوى به.... ما ادري ظما والا من الجوع يا ذيب
يا ذيب لا تطــردك عـنا المهـابه.... طــرش العـرب بالـبر كلـه عـوازيـب
تلقى العشا لك في خشوم العقابه.... في روضة الرواح وان تهـت يا ذيب
المهم سمعتها وحده من عجز قبيلة زوجها بيتها جنبها
وكانت صاحيه ما نامت وسمعت عواء الذيب وقصيدة البنت اللي هي رد على عواء الذيب
وظنت ظن السؤ أنها تحدد موعد مع عشيق لها وأنهم متفقين على العلم الردي
فقالت لها العجوز هالابيات تحذرها :ـ
يا بنت حذرا لا يعضك بنابه....ترى معض الذيـب ما به تطابيـب
يترك مثل البكرة اللي جلابه....ليا حافها السوام يلقى عذاريب
يخلى جنابك مثل دار خرابه..... تصـير للفـار المخــرب ملاعـيـب
فـزت البنت مثل المقروصه من مكانها وقامت واقفه من هول ظن السؤ
وردة على العجوز نافية عن نفسها الاتهام بالرذيلة مبينة لها أنها ماهي هي راعية الردا
والعلوم الرديه وأنها أشرف من الشرف وقالت :
وحياة جلاب المطر من سحابة...... اني سليمة ما بعد عضني ذيب
واللي ظلمني جعلها في شبابه...... وتحـدره من عـالـيات المراقيب
أنا كما عــد عــذي شــــرا به...... ما تارده بالقيظ حرش العراقيب
سبع العجايز دايرات للمـعـابه..... سود المقانع يابسات العصاليب
وبكذا تحقق مراد اخو البنت واخذ الجمال والبنت طبعأ نفت عن نفسها العلووم الشينه ...
وسلامتكم يالغالين
اخوكم النشمي
( منقول )
http://www.arab3.com/images1/4100108.jpg