حدود الحب ,, والضحكة

[راجي وفا]

بعد ان احتلت الابتسامه مساحات شاسعه
من ارض الامس الحزينه
ضحكت
ثم بعدها ضحكت
وكتبت هذه الخاطرة التي تتحدث عن نفسها
خاطرة طويله وممله
ولكنها بالنسبه لي ليست اطول من ليلة غريب
لم يجد حوله الا كل ماهو
غريب عن تصرفاته وعن نفسه وعن عاداته وتقاليده

---------------------------كيف صارت -----------------------------------------

ماكنت اصدق واعتقد
ان الليالي نورها بعدك تشوفه
عين شافت وجه فرقا
يوم سرتي ثم نظرتي
والتفت جيدك وقلتي
وش تبي واقف خلاص
حبنا هذي حدوده
وكل واحد بعد هالساعه غريب
..
كنت افكر وقتها بعدك
وش اللي يجبر القلب الكسير
و كيف اضحك .......كيف اكتب لو بغيت اكتب قصيد
كيف اكتب كيف انثرها حروفي
والحبيب*
الحبيب اللي قصيدي
في جماله في خصاله
كان يسرح قال دور لك حبيب
,,,,
كنت اظن السعد ودع مع وداعك
وانها لحظة نهاية
بعدها الدنيا تشين
بعدها كل ابتسامه
تهجر احساسي واعيش
بعد فرقا من احبه
باقي ايامي حزين
كل هذا والعيون تشوف عينك
يوم حثيتي مسيرك
والمكان ابطى
يردد لي صداها
وش تبي واقف خلاص
حبنا هذي حدوده**
حبنا هذي حدوده وكل واحد بعد هالساعه غريب
..

كل هذا صار وانتي تو حولي
والعيون تشوف زولك
وابعد انفاسك قريب
ويوم غابت عن وجودي
اخر انفاسك بكيت
ثم تصبرت وبكيت ....
.ثم بكيت وبعدها والله................... بكيت
ثم جلست اجمع حروفي
واتذكر قبل هاللحظه كلامك
اتذكر كلمة احبك
وحبك واعترافك لي بحبي
والدموع اللي ذرفتي لجل شوفي.........
واتذكر ابتسامه
ماتفارق ثغرك اول
يوم يقبل من يحبك من بعيد
من يودك ........من تجنيتي
وقلتي له.. بجرأة
وش تبي واقف خلاص
حبنا هذي حدوده وكل واحد بعد هالساعه ........................غريب
ماكنت اصدق ياحياتي
انها ممكن تصير.........
في الليالي وقت فرحه
ومن جديد
يصير عندي للامل حلم واماني
ماكنت فاكريالحبيبه
انها ممكن تصير...........
بالعمر لحظة سعاده
اثرها صارت وشفنا للسعاده شكل ثاني ...
.طعم ثاني......
يختلف طعمه ولونه
عن سعاده كان قاصرها قصير
,,,,,
هي غريبه هالتصاريف وعجيبه..........
... هي غريبه والزمن معها ............غريب
يوم نضحك ونحسبه دائم يدوم
ولامسكنا غيمة الفرحه نسينا..
.. الحزن اللي بطرفة عين ممكن
لو كتبه الله يجينا
ويوم نبكي ونحضن امواج الهموم
ولاغرقنا
نعتقد مابه نجاه
ونحسب الياس الحقيقه ونعشقه ........
... حد الجنون
ولاتمكن من املنا
حطها اغيومه
وغطى كل سمانا.......... ثم تراقص في مجون
في جنون ولحن صاخب ....
..........والحقيقه........
.... الحقيقه اثرها الدنيا تهون
اثرها الدنيا بسيطه .......
........ اثرها الدنيا غريبه من يهونها ......
........ تهون
ااه يالدنيا وماضي
لو دريت اني بشوفه
شكل ثاني للسعاده.......... مابكيت
ماتعذبت وبكيت .
..وماترجيتك
ولاجيت اسئل عناوينك عليك
مابكيتك وماجلست اجمع حروفي
يوم قلتي وش تبي واقف حبيبي
وش تبي واقف خلاص حبنا هذي حدوده
وكل واحد بعد هالساعه غريب
اااه لو ادري وش اللي في خفايا هالزمان
كان رحتي وماحصل تحظى عيونك
شوف دمعه من دموعي
وكان يمكن
الجروح اللي تدفق ضوها واشعل ضلوعي
ردهن عني يقيني
بانها الدنيا بخير
وكان يمكن لو عرفت اللي يصير
بعد بكرة ماعثر صبري
وخارت....... قوتي حتى سمعتي
صوت جثه بعد مارحتي تهاوت............
... ومادريت الا وشفتي انهياري
ثم وقوعي ثم تواريتي........... بعيد
والمكان ابطى يردد لي صداها .............
وش تبي واقف خلاص.....................
حبنا هذي حدوده وكل واحد بعد هاللحظه غريب
حقوق النص محفوظه باسم كاتبها راجي وفا

[راجي وفا]

11 قاري لم تروق لهم
هههههههههههههههه
قد يكون الاسم وقد يكون النص
عموما نحترم الراي الاخر

[بنت القبايل]

بسم الله الرحمن الرحيم


الاخ والشاعر000 راجى وفا


احترامى سيدى


ليست المسأله لمن النص فالجميع هنا سواسيه صحيح ان هناك اناس سبقونا بخبرتهم وموهبتهم ولكن

هذا الشى لا يقلل ابدا ممن هم اقل موهبه واقل شهره ولكن ورغم كل هذه الفروق نجد احيانا قصائد

لشعراء كبار لا ترقى ابدا لما نسميه نص شعرى .

كل مافى الامر يا عزيزى ان هذه الصفحه للشعر الشعبى الموزون وعندما يدخل للموضوع اى قارى سواء


كان عضو او زائر فانه يتوقع ان يجد نص شعرى شعبى على ما درجنا عليه فى هذا القسم


ولكن ومع كل هذا فقيمة هذا النص لا تقل جمالا عن بقية ما يطرح وان اختلفت الطريقه


ارجوا ان اكون قد وفقت فى ايصال ما اعنيه لك


تقبل تحياتى واحترامى


اختك بنت القبايل

[هتاف الروح]

راجــي وفــــا ..هذا الاسم يحمل جمالا يضفي على مايكتب رونق اخر


حدود النص او خارج حدوده وجدت اشياء كثيره تعبر عن امزجتنا

الصدق .. الوفاء .. الانكسار .. الاستماته في الحب


هذه الاستماته جعلت لاحدود لنصك




وان طال النص فجماله لم يتغير بل احتفظ برونقه حتى اخر حد له

جمال ماخطه قلمك .. مارسمه قلبك ..

سلم بنانك وبانتظار جمال آخــر ...