عادل بن تركي الهذلي
04-09-2002, 09:26 PM
وش قصة طير شلوى؟؟
سؤال يتبادر الى الاذهان ولكي تجد الجواب يجب عليك قراءة القصة التالية:
هذا الله يسلمكم واحد توفى وعنده ثلاثة عيال كلهم مازالو اطفال, وبعدها بفترة الله العالم انها ستة اشهر ماتت امهم, وكان عندهم جدة يقال لها " شلوى" هي الي كفلتهم.
وبما انها عجوز لاتستطيع ايجاد مصدر رزق لهم قامت تلف على بيوت الناس وتقول لهم(ماعندكم شي لطويراتي) .تقصد هاالاطفال الثلاثة, ويعطونها المقسوم.
شيخ شمر الجربا (على فكرة تراهم من شمر), سمع بقصة هالعجوز وطويراتها فقال لربعه نبيكم تنقلون خيمة هالعجوز وتخلونها بجنب خيمتي صار كل يوم يقول عطيتو طويرات شلوى غداهم , وديتو لهم عشاهم وصار هو الي يصرف عليهم.
المهم مرت الايام وكبرو هالطويرات وصارو طيور وتعلمو علوم المرجلة والفروسية .......
ولان البدو بطبيعتهم ما يقرون في مكان مته ماسمعو ان فيه مكان فيه مراعي وماء شدو وراحو له, ففي يوم من الايام قال الشيخ الجربا لجماعته تزهبو نبي نروح شمال , وزهبو اعمارهم وتوكلو على الله ومشوا ويوم انهم وصلو لحدود سوريا طقو خيامهم وللاسف انهم قعدو في مكان فيه الاتراك الي هم تبع الدولة العثمانية .
هالاتراك يوم انهم شافو عدد القبيلة شوي طمعو فيهم وارسلو للجربا رسول يقول لهم لازم تدفعون لنا "ودي" زي الضريبة ....
ابن جربا اجتمع مع ربعه وشاورهم وقال اذا عيينا عليهم بيجون ويذبحونا كلنا وياخذون حريمنا فالافضل ان حنا نعطيهم هالضريبة فوافقوه..
وبعد فترة بسيطة جا مرسول من الاتراك يضاعف الضريبة, فعطوهم.
مر كم يوم ويجي فرسان اتراك (واجد) من جهه ومن جهة ثانية قبيلة موالية لهم, ويرسلون للجربا يقولون له نبي "خاكور", قالو وش الخاكور قال يعني نبي منكم حريم للجيش عشان يتمتعون بهم الجنود, ولا اهنا شايب ماتحمل وكان قدام خيمة الجربا مقبرة على مسافة بس يشوفونها فقال هالشايب:
هنيكم ياساكنين تحت قاع....مامركم وديٍ تقفاه خاكور
هنيكم مُـتم بحشمه وبزاع....ومامن عـديم ينغـز الثـور؟
وكان عندهم اول ان الدنيا على قرن ثور مته ماتحرك هالثور قامت القيامه, مير يطمر شويش ويقول انا انغزه وانا طير شلوى, ويلقط السيف وينصا الاتراك ويلحقه عدامة وهيشان ... والجربا والباقين نصو القبيلة....
وكلها فترة بسيطة ويرجعون منتصرين, ويم انهم جو ولا هالشايب متركي ويقول وين شويش.. قالو اخوانه مات( يلعبون عليه).. مير يضيق صدره ويقول:
قالــو شــويش وقلت لالا عـــدامة.... او زاد هـيشان زبــون المــلايـيـش
ماهــو ردى بمـــدبرين الجـهـامــة....لكن هــوش شويش يالربع ماهــيش
يوم شويش حزم راسه نهارالكتامة... دبــــر ظـــني وحـــمر الطـــــرابيش
يوم شويش مثل يوم القــــــــيامة.... بالله عليكم لا تحـــكون ب شــويش
قالو لا تراه مازال حي .
المهم ان قبيلتهم سادت المكان وصارو هم الي ياخذون الودي توفيق من الله ثم من شجاعة طير شلوى.
وســـــــــلامتــكـــــــــــــــــــــم يالغالين
مع تحيات اخوكم النشمي
سؤال يتبادر الى الاذهان ولكي تجد الجواب يجب عليك قراءة القصة التالية:
هذا الله يسلمكم واحد توفى وعنده ثلاثة عيال كلهم مازالو اطفال, وبعدها بفترة الله العالم انها ستة اشهر ماتت امهم, وكان عندهم جدة يقال لها " شلوى" هي الي كفلتهم.
وبما انها عجوز لاتستطيع ايجاد مصدر رزق لهم قامت تلف على بيوت الناس وتقول لهم(ماعندكم شي لطويراتي) .تقصد هاالاطفال الثلاثة, ويعطونها المقسوم.
شيخ شمر الجربا (على فكرة تراهم من شمر), سمع بقصة هالعجوز وطويراتها فقال لربعه نبيكم تنقلون خيمة هالعجوز وتخلونها بجنب خيمتي صار كل يوم يقول عطيتو طويرات شلوى غداهم , وديتو لهم عشاهم وصار هو الي يصرف عليهم.
المهم مرت الايام وكبرو هالطويرات وصارو طيور وتعلمو علوم المرجلة والفروسية .......
ولان البدو بطبيعتهم ما يقرون في مكان مته ماسمعو ان فيه مكان فيه مراعي وماء شدو وراحو له, ففي يوم من الايام قال الشيخ الجربا لجماعته تزهبو نبي نروح شمال , وزهبو اعمارهم وتوكلو على الله ومشوا ويوم انهم وصلو لحدود سوريا طقو خيامهم وللاسف انهم قعدو في مكان فيه الاتراك الي هم تبع الدولة العثمانية .
هالاتراك يوم انهم شافو عدد القبيلة شوي طمعو فيهم وارسلو للجربا رسول يقول لهم لازم تدفعون لنا "ودي" زي الضريبة ....
ابن جربا اجتمع مع ربعه وشاورهم وقال اذا عيينا عليهم بيجون ويذبحونا كلنا وياخذون حريمنا فالافضل ان حنا نعطيهم هالضريبة فوافقوه..
وبعد فترة بسيطة جا مرسول من الاتراك يضاعف الضريبة, فعطوهم.
مر كم يوم ويجي فرسان اتراك (واجد) من جهه ومن جهة ثانية قبيلة موالية لهم, ويرسلون للجربا يقولون له نبي "خاكور", قالو وش الخاكور قال يعني نبي منكم حريم للجيش عشان يتمتعون بهم الجنود, ولا اهنا شايب ماتحمل وكان قدام خيمة الجربا مقبرة على مسافة بس يشوفونها فقال هالشايب:
هنيكم ياساكنين تحت قاع....مامركم وديٍ تقفاه خاكور
هنيكم مُـتم بحشمه وبزاع....ومامن عـديم ينغـز الثـور؟
وكان عندهم اول ان الدنيا على قرن ثور مته ماتحرك هالثور قامت القيامه, مير يطمر شويش ويقول انا انغزه وانا طير شلوى, ويلقط السيف وينصا الاتراك ويلحقه عدامة وهيشان ... والجربا والباقين نصو القبيلة....
وكلها فترة بسيطة ويرجعون منتصرين, ويم انهم جو ولا هالشايب متركي ويقول وين شويش.. قالو اخوانه مات( يلعبون عليه).. مير يضيق صدره ويقول:
قالــو شــويش وقلت لالا عـــدامة.... او زاد هـيشان زبــون المــلايـيـش
ماهــو ردى بمـــدبرين الجـهـامــة....لكن هــوش شويش يالربع ماهــيش
يوم شويش حزم راسه نهارالكتامة... دبــــر ظـــني وحـــمر الطـــــرابيش
يوم شويش مثل يوم القــــــــيامة.... بالله عليكم لا تحـــكون ب شــويش
قالو لا تراه مازال حي .
المهم ان قبيلتهم سادت المكان وصارو هم الي ياخذون الودي توفيق من الله ثم من شجاعة طير شلوى.
وســـــــــلامتــكـــــــــــــــــــــم يالغالين
مع تحيات اخوكم النشمي