طلب عاجل لـ( حمود الصهيبي )

[رشيد العميري]

سلام رديّه ولي فيها غَرَض=يرقابها ولا يوطّي شانها
وكل(ن) على قيس التجارب خبرته=واللي عقد روس الحبال يحلّها

انا على فعل الصهيبي معترض=يفزع مع الراعي ومع سرحانها
وش رايكم في رجل هذي دبرته=واللي عقد روس الحبال يحلّها

[حمود الصهيبي]

يا مرحبا ترحيبةٍ ما تنقرض = اسوقها واقودها بعنانها
يالصاحب اللي لي مغير نبرته= واللي عقد روس الحبـال يحلهـا

انا لقيت الناس صايبها مرض= وعان السلامة يالعميري عانها
ما ني مضيع صيدته في غبرته = واللي عقد روس الحبال يحلها

[رشيد العميري]

ماشرَه على اللي في طريقي يعترض=دام الجهات أربع وأنا ربّانها
ولاني بحاسب غيبته من حضرته=واللي عقد روس الحبال يحلّها

لكنّ لي شرهَة ما دام المُفترض=إن العدالة معتدل ميزانها
والحقّ باقي من يدوّر نصرته=واللي عقد روس الحبال يحلّها

[حمود الصهيبي]

مالي ومال السالفه ياهل حرض = ومكه لهلها وابخص بشعبانها
(رشيد) قوم ولا غوتني نظرته = واللي عقـد روس الحبـال يحلّهـا


لا مقترض مني ولا منه اقترض = والا العداله ثابتات اركانها
تتبعه لعل تعرف جرته = واللي عقـد روس الحبـال يحلّهـا

[رشيد العميري]

الدوسري لن شاف له عَرضة عَرَض=دام المحافل فاتحة بيبانها
وحرّاسها عجزت تقيّد نمرته=حتى ليا عقدت حبال نحلّها

والله لا اشبّ النار في عود القَرَض=حتى يعسكر فوقهم دخّانها
والمقتدر لازم يبرهن قدرته=وان شاف له عقدة حبال يحلّها

[مشهور واصل]

الله الله