بدأت المدارس....وبدأت عودة المسافرين...وسلم لي على المكتبات

[احمد الخالدي]

بدأ العد التنازلي.....

9
8
7
6
5
4
3
2
1
0

الولد: يبه ابي دفتر ابو اربعين ورقه...+هندسه+كراسة رسم+ ........الخ

البنت: يمه ابي مساكت شعر وشرايط.... ليس له اخر<<<<عاد البنيات ماتخلص طلباتهم

دعوه للأباء والأمهات...

الله يكون بعونكم على طلبات ابناءكم...

ولاأوصيكم بأقلام ابو نص

:D

تحياتي للطلاب جميعاً وشدوا حيلكم من البدايه....

لاتشغلك... عني مساطر.. وأقلام
..............لاتشغلك... عني كتب... أو دفاتر
انا بحبك... اسهر الليل ....مانام
.............وانته... ولااهتميت ناجح..وشاطر

احمد:D

[عزيز النفس]

واتمنى لهم سنه دراسيه سعيدة وبالتوفيق للجميع...
اما الأباء اوصيهم بعمل ميزانية جامده،وانتبهو من النصب والنصابين،وراقبو كم مكتبة جديدة فتحت في شارعكم ولا شارع جيرانكم:)
وبعدين سوو مثلي عليكم بمحلات الجمله وياليت تستاجرو ونيت ولا خذو ونيت جيرانكم بتحتاجونه كثير.
اما اخواتي البنات اقولهم عليكم بجرير لالالا بلاشي اكمل الحين حمود بيقلي دعايات مجانيه ما نبي
تدرون يا بنات شوفو اصغر مكتبة بتلاقون فيها كل احتياجاتكم واذا جت على بعض الكماليات الصغيره ما فيه مانع تزرقون لكم رزقه بسيطه كذا لمكتبة المكتبه يقولون اسعارهم ارخص:)
تحياتي لك اخ احمد:)

[العيـــون]

ايييييه ايييييه ياحمد حط حيلك على البنياااات حسبالك ماراح ادافع عنهم

يعني انتم ماتبون ثوب جديد ونعال ( وانتم بكرامه ) وكتب وسواق يوديكم ويجيبكم وفسحتين ومدري وشو

هاه اكمل والا بقى بعد

يعني شباصات وبكل طلعت بعيونكم

هين يااحمدوووه بسووي حززززززب نسائي :)


بايوووووووووو

[احمد الخالدي]

عزيز النفس...:)

طلعت اقتصادي....

من ناحية النصب حدث ولاحرج...

قلم ابو نص يصير بعشره:D

احلى شي جرير اسعارها تمام...

عزيز حلاتها الواحد يفتح مكتبه بس في بداية الدراسه والله خوش مشروع ناجح بدون كلام:)

مشكور لمرورك..

تقبل تحياتي

[احمد الخالدي]

هلا العيون...

خلاص طلعتي فضايح الشبيبه:)

من ناحيتي انا ماكنت اكلف الوالد ...

بس دفاتر وجه ووجه...وهندسه

ومحفظه حق الأقلام بس...

واهم شي كراسة الرسم كان استاذنا شديد...

:D

وقلمين عالطاير...

وبدلة رياضه

اكمل...

والله ذكريات حلوه....

الا ليت الشباب يعود يوماً...
لأخبره بما فعل جارنا ابو يمن


:D

تسلمين يالعيون....تحياتي

[احمد الخالدي]

على فكره ايامنا مافيه سواقين مثل عيال هاليومين..

احمد<<<يطقها كعابي

[العيـــون]

الا ليت الشباب يعود يوماً...
لأخبره بما فعل جارنا ابو يمن


أفااااا الرجال شايب وانا اقول هاتوه يشيلني بكبرتي مادامني عجزت

وخر اجل احسبك لسه شباب

عادي احمدووه

<=== بنيه وتطقها كعابي مع العلم انه فيه باص بس ولو مشية الرجلين احلى واطعم

خخخخخخخخخخخخ تقل فيها طعم بعد صارت رز هههههههههههههههااي

بايووو حموودي

[احمد الخالدي]

شايب بس بقلب شباب;)

من ناحية باصات البنات...

وش عليكم مدلعينكم الحكومه:)

وبلاش بعد...والله ماتلقينها بالعالم كله...

اذا جابوا باصات تبون تمشون واذا مافيه باصات سويتوا زحمه بالجرايد

الله يعين وزير المعارف عليكم:D

تحياتي مو بايووو؟؟؟

في امان الله

[احمد الخالدي]

اضفت هذه المشاركه في منتدى اخر...

وقد رد على هذه المشاركه بعض الشعراء وكل اتحفنا بشعوره عن ايام الدراسه

التي كل منا مرت عليه بحلوها ومرها...

حركه دؤؤبه كل صباح تعج بها كل تلك المدارس...

كتب مجانيه....دراسه ايضاً مجانيه....

زحمة حركه...اليكم ولااطيل عليكم هذه الأبيات والخواطر...

الشاعر مبروك بن ماضي....

( يـا احمـد ) فــ ايــام الـدراســة تـعـجـبـت
--------------------- خـمـسـة . ولاحـبـيـت فـيـهـن ولايــوم
لا فرحـت ( بـالجمعـة) يـروعـنـي الـسـبـت
--------------------- لـمـا يـصـحـونـي اخــوانـي مـن الـنـوم
والـمــــشكلـه (يـالخــالـدي ) لا تـغــيــبــت
--------------------- أحــزن واضـلـي طــيـلـة الـيـوم مهـمـوم
قـل ( للـفـريـسي ) من دروسي أنـا تـعـبـت
--------------------- والـلي مـعي كافـي من دروس وعلوم
خــذيــت تـحـصــيــلـي مـن العلم ماخـبـت
--------------------- والحمــد لـلـمـولـى عـلـى كل مقسـوم

مبروك بن ماضي ...الظاهر مايحب الدراسه

:)



&&&&&&&&&&&&&&&&&&&&&&

والشاعره الرائعه ريانة العود.....



السلام عليكم ..

ويعاودنا الحنين ...

الى مامضى..

وذكرت اني..على الصفحه...اخايل..نور..بسماتك..

مع جمعه ومع طرحه...تضيعني..بضحكاتك...

فديت علومك السمحه....وتاريخك...ومافاتك...

دخيلك...دقت الفسحه...واحاسيس الغلا جاتك..

بصراحه مااعرف كيف طلعن هالابيات ...؟؟

كل العذر منكم..

(ابيات كيبورديه...)

ياليت..وليت ..ماتجدي...اعيد..العام....ماارحل

نجح قبلي ونجح بعدي...وانا..لاعلم..لاجدول..

دفاتر..بيّحت سدي....مسائل....واتحدا الكل..

علومي بحبك تعدي..على علم..وفقه الاخطل..

ايا مستقبلي الوردي....معاك احيا ..ولا اذبل..

على عهدي على عهدي...اعيد العام..ماارحل

السمووووووحه

(ريانة العود)


&&&&&&&&&&&&&&&&&&&&

وقال الشاعر الرائع براك الفريسي....



قالو لي ادرس قلت مانا ويا الدرس
هالحين ابدرس مشكل اللى بلتني

اللى تعلمني على العمس والطمس
ياما دمرت مستقبلي واتركتني

&&&&&&&&&&&&&&&&&&&&&&

والأخ الغازي امتعنا واضاف لمسه بهذه الأبيات....

لي حبيب مايحب المدرسه
ساقط بالانجليزي والعلوم
ـــــــــ

ياناجح(ن)وشو شعورك لياصار
قريت اسمك ناجح بالجـريده


&&&&&&&&&&&&&&&&&&&&


وهنا مشاركه من الأخ طارق....


مريول طفله .... والشوارع تبتسم لعيونها

هم طفله ..... والزهر ذابل على زيتونها

ليش طفله..... فى الحساب وفى القرأه..... تسئل الابله

هنادي .... يعني خمسين عام كم !!!!!

قا لت هنادي ... يعني خمسين كاس سم

قالت الطفله ف برائه .... يا ابلتى ... ليش نرضخ .... لليهود

قالت الابله ف بلاهه ( ما رضخنا ... بس حرفين قلنا .... شارون........ ( سم ) ( سم )

[احمد الخالدي]

الأخ نبراس...

وهذه المشاعر...

عن الدراسه...


اتحفنا بهذه الأبيات...

ماعدت انا ياستاذ بالدرس ملزوم


صلاح مع حمدي وشوقي على زيد


هذا فعل مبني وهذاك مجزوم


وهذا فلز وسين مع صاد ماريد


ياهيه ياللي من الوناسات محروم


خل الدراسه واترك الدرس يالليد


سلمت يانبراس

[حجاب طايع]

على فكره اللي فوق من اولكم لاخركم /مساء الشعر


تبون الجد طاري الدراسه يغثني /ويدبك كبدي /الا يدبل هاذي تعرفون معناها :D

المهم لفت بالي بيت شعر يقول احمد انه للغازي ويقول اخونا

لي حبيبه ماتحب المدرسه /ساقطه في الانقليزي والعلوم


اقول ياحمد اثبت لي انه طارحه الغازي وازهل الباقي علي


مادبل كبودنا وحنا شباب:D اقصد صغار الا هالبيت المغنى ومثبت من سنة جدي على ماقال

فنان اخر زمن :D

الله واكبر المصايب تحذف يمين ويسار /عاد من زينه البيت عشان يسرق اهب


احمد انت والاخوان اللي فوق /تراي ماعرف طريق المكتبات دلوني /سراي وصل السنه الجايه

نرجع لموضوع الغازي /اقول عجل رد لي

انت ورى ماترد اخلص هو له عطني الرابط وازهلني

هذا ماصار موضوع مدرسه :D

[احمد الخالدي]

لا الغازي مشارك بس....

انا خابر البيت من سنة السبله

اقول ياحجاب...

انت شكلك من اللي يشقحون جدار المدرسه ايام الدراسه في الفسحه....:D

تسلم ياحجاب للمشاركه بس ياليت ترجع وتكتب كم بيت عن الدراسه



تحياتي

[احمد الخالدي]

هنا اضافه للأخوان براك الفريسي....


هنيت من لا ذاق طعم الدراسة
ولا ذاق فيها من بهاذيل وشطون


عزالله انه ناعمٍ (ن) بالوناسة
ومقدرٍ(ن) رزقه على رافع الكون


ما لوعته الرايرة مع مماسه
وتفاعلات الكيمياء لو تعرفون



اخوي العذب له ايضاً بصمه هنا....

يازين وقت قد مضالي مع الدرس ** وانا غرير ما عرفت العشاشيق

أيام لا عاشق ولا عارف الهرس ** ما غير بالكراس مثل البطاريق

واليوم قلبي محترق ينشد العرس ** والعرس أبعد من جبال شواهيق


والسالمي....وبصراحه السالمي شاعر ابدع بهموم كثير من الشباب...

وقد امتعني جداً

الدراسه وش لقيت من الدراسه
ما لقيت الا التعب مابه وظيفه
جامعي وعطلان من زود النحاسه
المعدل زفت والنسبه ضعيفه

ارجوا ان تكون هذه الأبيات لها صدى لديكم....

احمد

[العيـــون]

افاااااااااااا بسسسسس يشقحون جدران الدراسه

احمد اقمزززز دل حجاب على المكتبه خله بيروح يجيب لي دفاتر المحاضرات اخلص علي :)


اقوول احمد

كل ممنوع مرغووب

اذا قالوا ماهنا توبيسات قلنا وراه ياحظي

واذا قالوا فيه نمشي والله لو البيت بينا وبينه عشرين كيلو نمشي بذا الحر :(

يسلمووووووو على هالابيات


<<<<<<<< عمرها ماسقطت بسم الله عليها انشالله :)

باي باي:)

[احمد الخالدي]

حبيـــــــــــنا نشاركم ونتذكر ايام الدراسة.........


في المدرسه احكيلكم قصه&&& تروق للى لديه احباب
بديت اغني بكل حصه &&& حتى طردوني من الابواب
اول دروسي فلك ونجوم&&& واستاذ يشرح بجديه
يسالني وين القمر معلوم &&& جاوبت انا بالشماليه
تاريخ ثاني الحصص ماقواه &&& يسال عن محمد الفاتح
جاوبت انا وقلت اهواه&&& والشرح في وصفهم واضح
ثالث دروسي انشاء صار &&& ويقول عبر على كيفك
عبرتبه عن خفوق طار &&& وعنوان درسي على طيفك
المرشد جاني وانا طالع &&&جاني يقول المدير يبغاك
قلت اغسل وانا راجع &&&ورميت كتبي من الشباك
للأخ/فنجان
%%%%%%%%%%%%%%%%%%%%%

والشاعر حبيب قلبي فيصل الويش...

كان وفياً كما عهدته معنا ومع معلميه...

وقول وفعل يافيصل...




((ياسيدي علمتني وصرت عبدك 000خليتني ياأستاذ اكتب وأقرى ))


تحيه اكبار واجلا ل لكل من علمني حرف في هذه الحياه وفعلا

( من علمني حرفا صرت له عبدا )

فيصل اللويش

[احمد الخالدي]

العيون...:)



حجاب ...

جيب لها دفتر...يالله:)

لاتطقنا ...

تحياتي...